Gálatas 6:12 - Li Santil hu

¹² Eb li nequeꞌraj xminbal e̱ru xcꞌulbal li circuncisión yo̱queb chixba̱nunquil aꞌan re xnimobresinquil ribeb. Yo̱queb chixba̱nunquil aꞌan xban nak incꞌaꞌ nequeꞌraj teꞌrahobtesi̱k saꞌ xcꞌabaꞌ xcamic li Jesucristo chiru li cruz.

Q'eqchi Bible

¹² Eb' li neke'minok eeru chi xk'ulb'al li sirkunsisyon, a'aneb' li neke'raj naq sa ilb'ilaqeb' xb'aaneb' li tenamit, yal re naq ink'a' te'rahob'tesiiq sa' xk'ab'a' li xkrus li Kriist.

Gálatas 6:12 ပူးပေါင်းရင်းမြစ်များ

Gálatas 5:11

Cui ta toj yo̱quin chixjulticanquil nak tento xcꞌulbal li circuncisión incꞌaꞌ raj chic tineꞌxrahobtesi. Cui ta toj yo̱quin chixba̱nunquil aꞌan, yo̱quin raj risinquil xcuanquil xcamic li Cristo chiru li cruz ut incꞌaꞌ raj chic teꞌjoskꞌokꞌ saꞌ inbe̱n.

Colosenses 2:23

Chanchan cha̱bil naꞌleb li nequeꞌxye. Nequeꞌxtacuasi rib nak nequeꞌlokꞌonin ut nequeꞌxrahobtesi rib. Chanchan nak nequeꞌxcubsi xcuanquileb chi ribileb rib. Aban aꞌan incꞌaꞌ naxjal lix naꞌleb xban nak moco nequeꞌxcanab ta xrahinquil ru li ma̱usilal.

2 Corintios 11:13

Eb li cui̱nk aꞌin nequeꞌxqꞌue rib chokꞌ apóstol. Abanan ma̱cuaꞌ li Cristo quiqꞌuehoc reheb chokꞌ apóstol. Eb aꞌan aj balakꞌ ut junes balakꞌi̱nc nequeꞌxba̱nu.

Hechos 15:1

Cuanqueb aj pa̱banel queꞌchal chak Judea. Queꞌoc chixyebal reheb laj pa̱banel: —Incꞌaꞌ naru texcolekꞌ cui incꞌaꞌ te̱ba̱nu li circuncisión joꞌ naxye li chakꞌrab li quiqꞌueheꞌ re laj Moisés, chanqueb.

Gálatas 2:3

Laj Tito ma̱cuaꞌ aj judío. Abanan eb laj cꞌamol be incꞌaꞌ queꞌxmin ru chixcꞌulbal li circuncisión.

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

Filipenses 3:18

Nabal sut ac xinye e̱re nak cuanqueb li incꞌaꞌ us yo̱queb chixba̱nunquil. Riqꞌuin li incꞌaꞌ us nequeꞌxba̱nu, nequeꞌxtzꞌekta̱na lix camic li Cristo chiru li cruz. Nayotꞌeꞌ inchꞌo̱l riqꞌuin li yo̱queb chixba̱nunquil ut ninya̱bac xban xrahil inchꞌo̱l nak ninye cuiꞌchic e̱re.

Filipenses 2:4

Mexcꞌoxlac caꞌaj cuiꞌ chirix cꞌaꞌru us chokꞌ e̱re la̱ex. Chexcꞌoxlak aj ban cuiꞌ chirix li us ta̱e̱lk chokꞌ reheb le̱ ras e̱ri̱tzꞌin.

Filipenses 1:15

Ya̱l nak cuan li nequeꞌxye resil li Cristo yal xban nak niquineꞌxcakali ut niquineꞌxcuechꞌi. Abanan cuan ajcuiꞌ li nequeꞌxye resil li Cristo chi anchal xchꞌo̱leb ut saꞌ xya̱lal.

Gálatas 6:13

Ma̱ jun reheb li nequeꞌcꞌuluc re li circuncisión nequeꞌxba̱nu ta chi tzꞌakal li naxye saꞌ li najter chakꞌrab. Abanan eb aꞌan teꞌraj nak la̱ex te̱cꞌul li circuncisión ut nequeꞌxmin e̱ru chixcꞌulbal. Cui te̱ba̱nu li cꞌaꞌru nequeꞌxye, teꞌxnimobresi ribeb xban nak teꞌxcꞌoxla nak cuan xcuanquileb saꞌ e̱be̱n.

Gálatas 2:14

Nak quinqꞌue retal nak incꞌaꞌ yo̱queb chixba̱nunquil joꞌ naraj li evangelio, chiruheb chixjunileb laj pa̱banel quinye re laj Pedro: “Ya̱l nak la̱at aj judío chalen chak saꞌ la̱ yoꞌlajic, abanan ac junxil xacanab xba̱nunquil li cꞌaynakeb chixba̱nunquil laj judío. ¿Cꞌaꞌut nak nacamineb ru li ma̱cuaꞌeb laj judío chixba̱nunquil joꞌ nequeꞌxba̱nu laj judío?” chanquin re.

2 Corintios 10:12

Incꞌaꞌ nakaj xba̱nunquil joꞌ nequeꞌxba̱nu li nequeꞌxnimobresi rib riqꞌuin li cꞌaꞌru nequeꞌxba̱nu. Ma̱cꞌaꞌ xnaꞌlebeb. Nequeꞌxnimobresi rib riqꞌuin lix naꞌlebeb xjuneseb rib.

Hechos 15:5

Abanan cuanqueb cuib oxib laj pa̱banel aj fariseo. Eb aꞌan queꞌxye: —Eb laj pa̱banel li ma̱cuaꞌeb aj judío, tento teꞌxba̱nu li circuncisión. Tento teꞌxba̱nu li cꞌaꞌru naxye li chakꞌrab li quixqꞌue ke laj Moisés, chanqueb.

San Juan 7:18

Cui junak naxchꞌolob xya̱lal li naxcꞌoxla xjunes, li jun aꞌan naraj nak ta̱qꞌuehekꞌ xlokꞌal xbaneb li nequeꞌabin re. Abanan li ani naraj nak ta̱qꞌuehekꞌ xlokꞌal li quitaklan chak re, li jun aꞌan ti̱c xchꞌo̱l ut ma̱cꞌaꞌ balakꞌic riqꞌuin.

San Lucas 20:47

Ut nequeꞌxmakꞌ li cꞌaꞌru cuan reheb li xma̱lcaꞌan. Ut najt rok lix tijeb nequeꞌxba̱nu nak nequeꞌtijoc chiruheb li tenamit re xmukbal li ma̱usilal li nequeꞌxba̱nu. Eb aꞌan kꞌaxal ra teꞌxtoj cuiꞌ li ma̱c nequeꞌxba̱nu, chan li Jesús.

San Mateo 23:28

Joꞌcan ajcuiꞌ la̱ex. Relic chi ya̱l nak cha̱bil nequexcꞌutun chiruheb li tenamit. Abanan le̱ chꞌo̱l nujenak chi ma̱usilal ut la̱ex aj caꞌ pacꞌal u.

San Mateo 23:5

Chixjunil li cꞌaꞌak re ru nequeꞌxba̱nu, aꞌan yal re nak teꞌilekꞌ xbaneb li cristian. Nequeꞌxyi̱b chi ni̱nk ru li cocꞌ ca̱x filacterias xcꞌabaꞌ bar nacuan cuiꞌ li chakꞌrab ut nequeꞌxbacꞌ saꞌ xpe̱quemeb ut saꞌ xteleb. Ut nacuulac chiruheb li rakꞌeb chi ni̱nk lix sahob ru chire.

San Mateo 6:16

Ut nak te̱ba̱nu le̱ ayu̱n, me̱ba̱nu joꞌ nequeꞌxba̱nu laj caꞌ pacꞌal u. Eb aꞌan nequeꞌxba̱nu rib nak raheb saꞌ xchꞌo̱l yal re nak ta̱naꞌekꞌ nak yo̱queb xba̱nunquil lix ayu̱n. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquil.

San Mateo 6:2

Ut nak ta̱si li cꞌaꞌak re ru re li ani ta̱raj tenkꞌa̱c, ma̱ba̱nu joꞌ nequeꞌxba̱nu laj caꞌ pacꞌal u. Eb aꞌan nequeꞌxic saꞌ li cab li nequeꞌxchꞌutub cuiꞌ ribeb laj judío ut saꞌ eb li cꞌayil chixyebal resil li usilal nequeꞌxba̱nu re nak teꞌqꞌuehekꞌ xlokꞌal xbaneb li cui̱nk. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquil nak queꞌqꞌueheꞌ xlokꞌal xbaneb li cui̱nk.

San Mateo 6:5

Ut nak textijok moco joꞌcakex ta eb laj caꞌ pacꞌal u. Eb aꞌan nequeꞌxxakab chak ribeb chi tijoc saꞌ eb li cab li nequeꞌxchꞌutub cuiꞌ ribeb laj judío ut nequeꞌxxakab rib chi tijoc saꞌ xa̱la be yal re nak teꞌilekꞌ. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquileb nak queꞌqꞌueheꞌ xlokꞌal xbaneb li cui̱nk.

San Mateo 5:10

Us xak reheb li nequeꞌrahobtesi̱c saꞌ xcꞌabaꞌ li ti̱quilal, xban nak eb aꞌan cua̱nkeb chic rubel lix cuanquilal li Dios.

San Mateo 23:27

Ra cha̱lel saꞌ e̱be̱n la̱ex aj tzꞌi̱b ut la̱ex aj fariseo, ex aj caꞌ pacꞌal u. Chanchanex li nequeꞌmukeꞌ cuiꞌ li camenak. Bonbileb rix ut cꞌajoꞌ xchakꞌal eb ru, aꞌut chi saꞌ nujenak chi tzꞌaj ut chi xbakel camenak.