Gálatas 5:4 - Li Santil hu

⁴ La̱ex li nequeraj xti̱cobresinquil e̱chꞌo̱l chiru li Dios riqꞌuin xba̱nunquil li naxye saꞌ li chakꞌrab, nequerisi e̱rib riqꞌuin li Cristo ut nequerisi ajcuiꞌ e̱rib riqꞌuin li rusilal li Dios.

Q'eqchi Bible

⁴ Laa'ex li nekeroyb'eni xtiikob'resinkil eech'ool sa' xk'ab'a' li Chaq'rab', xerisi eerib' rik'in li Kriist ut xetz'eqtaana li rusilal li Yos.

Gálatas 5:4 ပူးပေါင်းရင်းမြစ်များ

Romanos 11:6

Moco riqꞌuin ta xyehom xba̱nuhomeb nak quixsiqꞌueb ru. Yal riqꞌuin ban lix nimal ruxta̱n li Dios nak quixsiqꞌueb ru. Cui ta quixsiqꞌueb ru saꞌ xcꞌabaꞌ xyehom xba̱nuhomeb, aꞌan ma̱cuaꞌ raj chic xban xnimal ruxta̱n li Dios.

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.

Gálatas 2:21

Joꞌcan nak incꞌaꞌ nintzꞌekta̱na xcuanquil li rusilal li Dios. Cui ta saꞌ xcꞌabaꞌ li chakꞌrab nati̱cobresi̱c kachꞌo̱l, ma̱cꞌaꞌ raj rajbal nak quicam li Cristo.

Romanos 3:20

Ma̱ jun ti̱c xchꞌo̱l chiru li Dios yal riqꞌuin xba̱nunquil li cꞌaꞌru naxye li chakꞌrab. Li chakꞌrab nacꞌanjelac re xcꞌutbal chiku nak la̱o aj ma̱c.

Apocalipsis 2:5

Cheqꞌuehak retal cꞌaꞌru xexpaltoꞌ cuiꞌ. Chijulticokꞌ e̱re chanru nak xine̱ra chak junxil. Yotꞌomak e̱chꞌo̱l ut jalomak e̱cꞌaꞌux ut chine̱rahak cuiꞌchic joꞌ nak xine̱ra chak junxil. Cui incꞌaꞌ ta̱yotꞌekꞌ e̱chꞌo̱l ut te̱jal e̱cꞌaꞌux, la̱in tincuisi le̱ candelero saꞌ xnaꞌaj chi junpa̱t.

Gálatas 5:2

La̱in laj Pablo. Qꞌuehomak retal li yo̱quin chixyebal e̱re. Cui toj nequecꞌul li circuncisión re nak ta̱ti̱cobresi̱k e̱chꞌo̱l, aꞌan naraj naxye nak ma̱cꞌaꞌ na-oc cuiꞌ che̱ru li Cristo.

Hebreos 4:1

Li Dios toj yo̱ ajcuiꞌ chixyechiꞌinquil li oc chi hila̱nc saꞌ li cha̱bil naꞌajej. Abanan chikaba̱nu cue̱nt re nak ma̱ jun taxak saꞌ kaya̱nk incꞌaꞌ ta̱oc saꞌ li hiloba̱l aꞌan.