Gálatas 5:3 - Li Santil hu

³ Jun sut chic ninchꞌolob lix ya̱lal che̱ru. Li ani naxcꞌul li circuncisión re nak ta̱ti̱cobresi̱k xchꞌo̱l, tento nak tixba̱nu chixjunil li naxye saꞌ li najter chakꞌrab.

Q'eqchi Bible

³ Jun wa wi' chik ninch'olob' chiruheb' chixjunil li te'k'uluq re li sirkunsisyon, naq teneb'anb'il sa' xb'eeneb' xpaab'ankil chixjunil li Chaq'rab'.

Gálatas 5:3 ပူးပေါင်းရင်းမြစ်များ

Gálatas 3:10

Chixjunileb li nequeꞌxsicꞌ xti̱quilal xchꞌo̱l riqꞌuin xba̱nunquil li naxye saꞌ li najter chakꞌrab, tenebanbil li tojba ma̱c saꞌ xbe̱neb xban nak joꞌcaꞌin tzꞌi̱banbil saꞌ li Santil Hu: Tenebanbil li tojba ma̱c saꞌ xbe̱neb li ani incꞌaꞌ nequeꞌxba̱nu chixjunil li tzꞌi̱banbil retalil saꞌ li chakꞌrab. (Deut. 27:26)

Romanos 2:25

Relic chi ya̱l li circuncisión cuan xya̱lal cui nacapa̱b li chakꞌrab li quiqꞌueheꞌ re laj Moisés xban li Dios. Aban cui nacakꞌet lix chakꞌrab ma̱cꞌaꞌ na-oc cuiꞌ nak xacꞌul li circuncisión.

Deuteronomio 27:26

Tzꞌekta̱nanbil li ani incꞌaꞌ tixqꞌue xcuanquil chixjunil li chakꞌrab aꞌin, chi moco tixba̱nu li tijleb li xqꞌue li Ka̱cuaꞌ. Ut chixjunileb li tenamit teꞌxye: Joꞌcan taxak.

Efesios 4:17

Aꞌan aꞌin li tento tinye e̱re. Saꞌ xcꞌabaꞌ li Ka̱cuaꞌ ninye e̱re nak me̱ba̱nu chic joꞌ nequeꞌxba̱nu li incꞌaꞌ nequeꞌpa̱ban. Eb aꞌan nequeꞌxqꞌue xchꞌo̱l chirix li ma̱cꞌaꞌ na-oc cuiꞌ.

Deuteronomio 31:21

Nabal li raylal ut li chꞌaꞌajquilal ta̱cha̱lk saꞌ xbe̱neb. Abanan ta̱bicha̱k li bich aꞌin chokꞌ retalil li ma̱usilal queꞌxba̱nu. La̱in ninnau cꞌaꞌru cuan saꞌ xchꞌo̱leb usta toj ma̱jiꞌ xincꞌameb saꞌ li naꞌajej li quinyechiꞌi reheb, chan li Dios.

Deuteronomio 8:19

Abanan cui la̱ex ta̱sachk saꞌ e̱chꞌo̱l li Ka̱cuaꞌ le̱ Dios ut cui te̱cuikꞌib e̱rib chiruheb li jalanil dios re xlokꞌoninquileb, la̱in ninye e̱re nak relic chi ya̱l ta̱sachekꞌ e̱ru.

San Mateo 23:18

Ut nequeye ajcuiꞌ: “Li ani naxba̱nu xjuramento saꞌ xcꞌabaꞌ li artal, li jun aꞌan incꞌaꞌ tento tixba̱nu li cꞌaꞌru quixye. Abanan li ani naxba̱nu xjuramento saꞌ xcꞌabaꞌ li mayej cuan saꞌ xbe̱n li artal, tento nak tixba̱nu li cꞌaꞌru quixye saꞌ lix juramento,” chanquex.

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

1 Ts 4:6

Ma̱ ani tixmux rib riqꞌuin xmakꞌbal rixakil junak cui̱nk ut ma̱ ani tixmux rib riqꞌuin xmakꞌbal xbe̱lom junak ixk. Incꞌaꞌ teꞌxba̱nu chi joꞌcan xban nak li Ka̱cuaꞌ Jesucristo ta̱rakok a̱tin saꞌ xbe̱n chixjunileb li nequeꞌba̱nun re li naꞌleb aꞌan, joꞌ ac yebil e̱re kaban.

Hechos 20:21

Yo̱quin chixjulticanquil chiruheb laj judío ut chiruheb li ma̱cuaꞌeb aj judío, nak teꞌxyotꞌ xchꞌo̱l ut teꞌxjal xcꞌaꞌux chiru li Dios ut teꞌpa̱ba̱nk saꞌ xcꞌabaꞌ li Ka̱cuaꞌ Jesucristo.

Hechos 2:40

Ma̱cuaꞌ caꞌaj cuiꞌ aꞌan li quixye laj Pedro reheb. Quixchꞌolob ban ajcuiꞌ xya̱lal chiruheb riqꞌuin nabal chi a̱tin ut quixqꞌue xnaꞌlebeb. Quixye reheb: —Chenauhak xcolbal e̱rib chiru li tojba ma̱c li ta̱cha̱lk saꞌ xbe̱neb li incꞌaꞌ useb xnaꞌleb, chan.

San Lucas 16:28

Aran cuanqueb o̱b li cui̱tzꞌin. Chatakla xchꞌolobanquil xya̱lal chiruheb re nak eb aꞌan incꞌaꞌ teꞌcha̱lk saꞌ li naꞌajej aꞌin chi cꞌuluc raylal,” chan.

San Mateo 23:16

Ra cha̱lel saꞌ e̱be̱n, la̱ex mutzꞌ aj cꞌamol be. La̱ex nequeye: “Li ani tixba̱nu xjuramento saꞌ xcꞌabaꞌ lix templo li Dios, incꞌaꞌ tento tixba̱nu li quixye. Abanan li ani tixba̱nu xjuramento saꞌ xcꞌabaꞌ li oro li cuan saꞌ lix templo li Dios, li jun aꞌan tento nak tixba̱nu li cꞌaꞌru xye saꞌ xjuramento,” chanquex.

Nehemías 9:34

Eb li karey, ut eb li nequeꞌtaklan saꞌ kaya̱nk, eb laj tij, ut eb li kanaꞌ kayucuaꞌ incꞌaꞌ queꞌxba̱nu li cꞌaꞌru naxye saꞌ li chakꞌrab li caqꞌue ke. Incꞌaꞌ queꞌraj rabinquil li caye reheb ut incꞌaꞌ queꞌxpa̱b la̱ cua̱tin li caqꞌue chokꞌ re xkꞌusbaleb.

Hechos 15:1

Cuanqueb aj pa̱banel queꞌchal chak Judea. Queꞌoc chixyebal reheb laj pa̱banel: —Incꞌaꞌ naru texcolekꞌ cui incꞌaꞌ te̱ba̱nu li circuncisión joꞌ naxye li chakꞌrab li quiqꞌueheꞌ re laj Moisés, chanqueb.

Gálatas 5:2

La̱in laj Pablo. Qꞌuehomak retal li yo̱quin chixyebal e̱re. Cui toj nequecꞌul li circuncisión re nak ta̱ti̱cobresi̱k e̱chꞌo̱l, aꞌan naraj naxye nak ma̱cꞌaꞌ na-oc cuiꞌ che̱ru li Cristo.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.