Gálatas 5:22 - Li Santil hu

²² Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Q'eqchi Bible

²² A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

Gálatas 5:22 ပူးပေါင်းရင်းမြစ်များ

San Juan 15:5

La̱in joꞌ li xto̱nal li uvas ut la̱ex joꞌ li rukꞌ. Cui cua̱nkex cuiqꞌuin ut la̱in cua̱nkin e̱riqꞌuin, la̱ex texcua̱nk saꞌ ti̱quilal ut texqꞌui̱k saꞌ le̱ pa̱ba̱l. Yal e̱junes ma̱cꞌaꞌ naru te̱ba̱nu.

San Juan 15:2

Li ani incꞌaꞌ naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li na-isi̱c xban nak incꞌaꞌ nau̱chin. Abanan li ani naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li nau̱chin. Ut li na-iloc re naxsabesi re nak tixqꞌue nabal li ru.

Efesios 5:9

Li ani quicutanobresi̱c lix chꞌo̱l xban li Dios naxnau lix ya̱lal ut nacuan saꞌ cha̱bilal ut saꞌ ti̱quilal.

Salmos 1:3

Li cui̱nk aꞌan chanchan jun li cheꞌ aubil chire li rok haꞌ. Li cheꞌ aꞌan incꞌaꞌ nachakic. Nau̱chin saꞌ xkꞌehil ut lix xak incꞌaꞌ nakꞌanoꞌ ru. Ut li naru̱chin nache̱coꞌ chi cha̱bil. Joꞌcan nak li cui̱nk li naxcꞌoxla lix chakꞌrab li Dios, us na-el riqꞌuin chixjunil li naxba̱nu.

San Juan 15:16

Ma̱cuaꞌ la̱ex xexsicꞌoc cuu la̱in. La̱in ban xinsicꞌoc e̱ru la̱ex ut xexinxakab chixba̱nunquil li ti̱quilal. Le̱ ti̱quilal incꞌaꞌ ta̱osokꞌ. Ta̱cua̱nk ban chi junelic. Ut lin Yucuaꞌ tixqꞌue e̱re chixjunil li te̱tzꞌa̱ma saꞌ incꞌabaꞌ la̱in.

Romanos 7:4

Joꞌcan ajcuiꞌ la̱o, ex inherma̱n. Xban nak xkapa̱b li Jesucristo chanchan kochben nak quicam li Cristo. Ut ma̱cꞌaꞌ chic xcuanquil lix chakꞌrab laj Moisés saꞌ kabe̱n. Ut ma̱cꞌaꞌo chic rubel xcuanquil li chakꞌrab. La̱o reho chic li Cristo li quicuacli cuiꞌchic chi yoꞌyo saꞌ xya̱nkeb li camenak re nak tocꞌanjelak chiru li Dios.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

San Mateo 12:33

Joꞌcan ajcuiꞌ cui cha̱bil junak cheꞌ, cha̱bil ajcuiꞌ li ru. Cui incꞌaꞌ us li cheꞌ, li ru incꞌaꞌ ajcuiꞌ us. Ut riqꞌuin li naru̱chin, nanaꞌli ru li cheꞌ.

1 Corintios 13:13

Joꞌcan nak li pa̱ba̱l, li yoꞌoni̱nc ut li rahoc cua̱nk chi junelic. Abanan li kꞌaxal nim xcuanquil saꞌ xya̱nkeb li oxib aꞌin, aꞌan li rahoc.

Filipenses 1:11

Ut riqꞌuin li cha̱bilal li qꞌuebil e̱re xban li Jesucristo, nequeqꞌue xlokꞌal li Dios.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

Efesios 4:23

Ut acꞌobresinbilak taxak le̱ ra̱m ut le̱ cꞌaꞌux.

Salmos 92:14

Usta ac ti̱xeb chic, junelic yo̱keb chi qꞌui̱c ut cauhakeb rib.

Romanos 6:22

Anakcuan colbilex chic chiru li ma̱c ut kꞌaxtesinbilex chic chi cꞌanjelac chiru li Dios. Ut le̱ kꞌajca̱munquil aꞌan le̱ santobresinquil ut le̱ yuꞌam chi junelic.

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

1 Timoteo 4:12

Ut la̱at, at Timoteo, chatcua̱nk saꞌ xya̱lal ut chat-a̱tinak saꞌ xya̱lal. Charaheb la̱ cuas a̱cui̱tzꞌin. Cauhak taxak a̱chꞌo̱l saꞌ la̱ pa̱ba̱l ut ti̱cak taxak la̱ yuꞌam. Joꞌcan taxak ta̱ba̱nu re nak ma̱ ani chitzꞌekta̱na̱nk a̱cue xban la̱ sa̱jilal. Cheꞌxtzol ban ribeb a̱cuiqꞌuin xban nak yo̱kat chixcꞌambaleb xbe saꞌ ti̱quilal.

Romanos 15:3

Li Cristo incꞌaꞌ quixba̱nu li quiraj xjunes rib. Quixba̱nu ban li naraj li Dios. Quixtenkꞌaheb chixjunileb. Joꞌcan nak quixcꞌul joꞌ tzꞌi̱banbil saꞌ li Santil Hu: Saꞌ inbe̱n quinak la̱ majecuanquil li queꞌxba̱nu eb li queꞌhoboc a̱cue. (Sal. 69:9)

1 Pedro 5:12

Laj Silvano, aꞌan jun tzꞌakal aj pa̱banel. Aꞌan ta̱cꞌamok re li hu aꞌin xintzꞌi̱ba chokꞌ e̱re. Moco qꞌui ta li a̱tin xintzꞌi̱ba e̱re. Riqꞌuin li a̱tin aꞌin yo̱quin chixqꞌuebal e̱naꞌleb. Xinchꞌolob xya̱lal che̱ru chanru li rusilal li Dios. Aꞌin taxak chiqꞌuehok xcacuil e̱chꞌo̱l.

Romanos 15:14

Ex herma̱n, la̱in ninnau nak cha̱bilex ut nequenau lix ya̱lal ut nequeqꞌue ajcuiꞌ e̱naꞌleb chi ribil e̱rib.

San Lucas 13:9

Ut cui ta̱u̱chi̱nk, us; ut cui incꞌaꞌ, ta̱yocꞌ mokon,” chan.—

1 Timoteo 3:11

Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil.

Oseas 14:8

Eb li ralal xcꞌajol laj Efraín teꞌxye: —¿Cꞌaꞌ chic ru teꞌoc cuiꞌ ke li yi̱banbil dios? Ut la̱in tinsume ut tinye reheb: —La̱in yo̱quin che̱rabinquil ut yo̱quin che̱rilbal. La̱in chanchanin li cheꞌ rax rax ru. La̱in tin-ilok e̱re ut la̱in tin-osobtesi̱nk e̱re re nak ta̱cua̱nk cuiꞌchic nabal cꞌaꞌru e̱re, chaꞌak li Dios reheb.

2 Ts 3:2

Chextijok ajcuiꞌ chikix re nak li Dios ta̱colok ke chiruheb li cui̱nk li incꞌaꞌ useb xnaꞌlebeb ut nequeꞌba̱nun re li ma̱usilal xban nak moco chixjunileb ta nequeꞌpa̱ban re li Dios.

Eclesiastés 7:8

Kꞌaxal us nak ta̱choy li cꞌanjel li ac xatiquib xba̱nunquil chiru nak ta̱tiquib xba̱nunquil jun chic cꞌanjel ut incꞌaꞌ ta̱choy xba̱nunquil. Ut kꞌaxal us li cuyuc ib chiru li nimobresi̱nc ib.

Jeremías 33:6

Abanan la̱in tinqꞌuirtesiheb lin tenamit Jerusalén ut tinqꞌue xcacuilal xchꞌo̱leb. Ut tebinqꞌue cuiꞌchic chi cua̱nc saꞌ tuktu̱quil usilal. Ut ma̱cꞌaꞌ chic ta̱chꞌiꞌchꞌiꞌi̱nk reheb.

Romanos 8:5

Ut eb li toj nequeꞌxba̱nu li najter naꞌleb, caꞌaj cuiꞌ li cꞌaꞌru naxrahi ru lix chꞌo̱leb nequeꞌxcꞌoxla xba̱nunquil. Abanan eb li nequeꞌcuan joꞌ naxye li Santil Musikꞌej, eb aꞌan nequeꞌxqꞌue xchꞌo̱l chixba̱nunquil li cꞌaꞌru naraj li Santil Musikꞌej.

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

Romanos 15:30

Ex herma̱n, nintzꞌa̱ma che̱ru nak tine̱tenkꞌa saꞌ le̱ tij saꞌ xcꞌabaꞌ li Jesucristo ut saꞌ xcꞌabaꞌ ajcuiꞌ li rahoc ib li qꞌuebil ke xban li Santil Musikꞌej.