Gálatas 5:20 - Li Santil hu

²⁰ lokꞌoni̱nc yi̱banbil dios, tu̱lac, xi̱qꞌuil u̱chi̱nc, pletic, cakali̱nc, joskꞌi̱nc, yoꞌoba̱nc ra xi̱cꞌ, cuechꞌij ib, poꞌoc ru pa̱ba̱l,

Q'eqchi Bible

²⁰ xloq'oninkil li yal k'oxlanb'il yos, tuulak, xik'il uuchink, po'ok ru junajil, kaqalik, josq'ink, yoob'ank raaxiik', wech'ij ib', jachok ib',

Gálatas 5:20 ပူးပေါင်းရင်းမြစ်များ

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

1 Corintios 11:19

Nak nacuan li cuechꞌi̱nc ib saꞌ e̱ya̱nk, riqꞌuin aꞌan nacꞌutun ani li tzꞌakal aj pa̱banel ut ani incꞌaꞌ.

Tito 3:10

Ut cui junak cui̱nk aj poꞌol chꞌo̱lej yo̱ chi tacchiꞌi̱nc saꞌ xya̱nkeb laj pa̱banel, ta̱qꞌue xnaꞌleb jun sut malaj cuib sut ut cui incꞌaꞌ na-abin cha̱cuu, incꞌaꞌ chic texcua̱nk saꞌ comonil riqꞌuin.

2 Corintios 11:19

La̱ex cuan raj e̱naꞌleb nak nequerecꞌa e̱rib. Abanan nequeqꞌue e̱chꞌo̱l chirabinquil li cꞌaꞌru nequeꞌxye li ma̱cꞌaꞌeb xnaꞌleb.

Deuteronomio 18:10

Ut ma̱ jun e̱re tixcꞌat lix cocꞌal chokꞌ xmayej, chi moco texkꞌehi̱nk, chi moco textu̱lak, chi moco texxic chi patzꞌoc riqꞌuineb laj tu̱l ut eb laj kꞌe.

2 Pedro 2:1

Queꞌcuan ajcuiꞌ chak profeta aj balakꞌ saꞌ xya̱nkeb laj Israel junxil. Joꞌcan ajcuiꞌ saꞌ e̱ya̱nk la̱ex, teꞌcua̱nk aj tzolonel aj balakꞌ. Chi timil ut saꞌ mukmu teꞌrocsi li balakꞌ aj naꞌleb re xsachbal xpa̱banquil li Dios toj retal teꞌxtzꞌekta̱na li Ka̱cuaꞌ Jesucristo li quicam saꞌ xcꞌabaꞌeb. Ut riqꞌuin li nequeꞌxba̱nu, nequeꞌxsach ribeb chi junaj cua ut yo̱queb chixbokbal raylal saꞌ xbe̱neb.

Ezequiel 22:18

—At ralal cui̱nk, eb laj Israel ma̱cꞌaꞌ nequeꞌoc cuiꞌ chicuu la̱in. Chanchaneb li chꞌi̱chꞌ cobre. Ut chanchaneb li cacuil chꞌi̱chꞌ hierro ut plomo li na-elaꞌan nak ac xcꞌateꞌ saꞌ xam li cha̱bil plata re risinquil lix tzꞌajnil.

2 Crónicas 33:6

Quixcꞌateb li ralal chokꞌ xmayej saꞌ li ru takꞌa re Ben-hinom. Naxic riqꞌuineb laj kꞌe chixpatzꞌbal cꞌaꞌru ta̱cha̱lk chiru mokon. Quixqꞌueheb xcuanquil laj kꞌe ut eb laj tu̱l ut eb li nequeꞌxnau xba̱nunquil li magia ut quixpatzꞌ xnaꞌleb riqꞌuineb li musikꞌej. Numtajenak li ma̱usilal li quixba̱nu toj retal nak quinumta xjoskꞌil li Ka̱cuaꞌ saꞌ xbe̱n.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

Romanos 2:8

Aban riqꞌuin xjoskꞌil li Dios tixqꞌueheb chixtojbal xma̱queb li nequeꞌxnimobresi rib ut incꞌaꞌ nequeꞌraj xpa̱banquil lix ya̱lal. Eb aꞌan caꞌaj cuiꞌ li incꞌaꞌ us nequeꞌxcꞌoxla.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

Gálatas 5:15

Ut cui yo̱quex chixjoskꞌinquil e̱rib ut yo̱quex chixrahobtesinquil e̱rib, chexcꞌoxlak caꞌchꞌinak. Ma̱re anchal te̱poꞌ ru le̱ pa̱ba̱l chi ribil e̱rib.

Santiago 3:14

Cui toj cuan li cꞌahi̱nc ut li cakali̱nc e̱riqꞌuin, me̱nimobresi e̱rib chixyebal nak cuan e̱naꞌleb. Riqꞌuin xba̱nunquil aꞌan yo̱quex chi ticꞌtiꞌic ut xmukbal lix ya̱lal.

1 Juan 3:15

Li ani xicꞌ naril lix herma̱n, aꞌan chanchan aj camsinel ras ri̱tzꞌin. La̱ex nequenau nak junak aj camsinel ras ri̱tzꞌin ma̱cꞌaꞌ xyuꞌam chi junelic.