Gálatas 5:19 - Li Santil hu

¹⁹ Cutan saken cꞌaꞌru li incꞌaꞌ us li nakarahi ru xba̱nunquil kajunes. Aꞌan eb aꞌin: muxuc caxa̱r, coꞌbe̱tac yumbe̱tac, ut li xuta̱nalil naꞌleb,

Q'eqchi Bible

¹⁹ Nawno chi us k'aru nachalk rik'in li tz'ejwalej: ko'b'eetak yumb'eetak, muxuk ib', jo'maajo'il wank,

Gálatas 5:19 ပူးပေါင်းရင်းမြစ်များ

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Gálatas 6:8

Joꞌcan ajcuiꞌ saꞌ li kayuꞌam. Li ani naxba̱nu li incꞌaꞌ us li naxrahi ru xba̱nunquil xjunes rib, li jun aꞌan ta̱sachk. Abanan li ani naxba̱nu li cꞌaꞌru naraj li Santil Musikꞌej, li jun aꞌan ta̱cua̱nk xyuꞌam chi junelic.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

1 Corintios 3:3

Incꞌaꞌ texru̱k xtaubal ru anakcuan xban nak toj nequeba̱nu li cꞌaꞌru naxrahi ru le̱ chꞌo̱l. Nak toj cuan li cakali̱nc ib ut li cuechꞌi̱nc ib saꞌ e̱ya̱nk, ¿ma incꞌaꞌ ta biꞌ yo̱quex chixba̱nunquil li cꞌaꞌru naxrahi ru le̱ chꞌo̱l? Ut la̱ex nequejuntakꞌe̱ta e̱rib riqꞌuineb li toj ma̱cꞌaꞌ li Santil Musikꞌej riqꞌuineb.

Romanos 8:13

Cui toj yo̱quex chixba̱nunquil li naxrahi ru le̱ chꞌo̱l, texca̱mk. Aban cui riqꞌuin e̱tenkꞌanquil xban li Santil Musikꞌej, te̱canab xba̱nunquil le̱ yehom e̱ba̱nuhom li quilaje̱ba̱nu chak junxil, ta̱cua̱nk e̱yuꞌam chi junelic.

Romanos 8:5

Ut eb li toj nequeꞌxba̱nu li najter naꞌleb, caꞌaj cuiꞌ li cꞌaꞌru naxrahi ru lix chꞌo̱leb nequeꞌxcꞌoxla xba̱nunquil. Abanan eb li nequeꞌcuan joꞌ naxye li Santil Musikꞌej, eb aꞌan nequeꞌxqꞌue xchꞌo̱l chixba̱nunquil li cꞌaꞌru naraj li Santil Musikꞌej.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

1 Corintios 6:18

Me̱ba̱nu chic li ma̱usilal. Chixjunil li cꞌaꞌak re ru chi ma̱quil kꞌaxal yibru. Abanan li coꞌbe̱tac yumbe̱tac kꞌaxal cuiꞌchic yibru xban nak li ani nama̱cob chi toj ma̱jiꞌ sumsu, li jun aꞌan naxmux rib xjunes rib.

Gálatas 5:17

Li cꞌaꞌru incꞌaꞌ us li nakarahi ru xba̱nunquil kajunes, aꞌan xicꞌ na-ileꞌ xban li Santil Musikꞌej. Ut li cꞌaꞌru us li naxrahi chokꞌ ke li Santil Musikꞌej, aꞌan incꞌaꞌ naxcꞌam rib riqꞌuin li nakaj xba̱nunquil kajunes. Xicꞌ nequeꞌril rib chi ribil rib ut xban aꞌan incꞌaꞌ nakaba̱nu li us li nakaj raj xba̱nunquil.

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

Romanos 8:9

Abanan la̱ex incꞌaꞌ chic yo̱quex chixba̱nunquil li naxrahi ru le̱ chꞌo̱l. Yo̱quex ban chixba̱nunquil li cꞌaꞌru naraj li Santil Musikꞌej cui ya̱l nak cuan li Santil Musikꞌej e̱riqꞌuin. Li ani ma̱cꞌaꞌ li Santil Musikꞌej riqꞌuin, aꞌan ma̱cuaꞌ re li Cristo.

Romanos 7:18

La̱in ninnau nak moco cha̱bilin ta. Chalen saꞌ inyoꞌlajic la̱in chak aj ma̱c. Nacuaj raj xba̱nunquil li us, abanan incꞌaꞌ ninru chixba̱nunquil.

Romanos 7:5

Junxil xkaba̱nu chak li cꞌaꞌru incꞌaꞌ us li quixrahi chak ru li kachꞌo̱l. Li chakꞌrab quixcꞌut chiku cꞌaꞌru li incꞌaꞌ us ut aꞌ chic li incꞌaꞌ us quicuulac chiku xba̱nunquil. Ut riqꞌuin xba̱nunquil aꞌan cuan li ca̱mc.

San Juan 3:6

Li ani yoꞌlajenak riqꞌuin lix naꞌ xyucuaꞌ cuan xyuꞌam saꞌ ruchichꞌochꞌ. Abanan li ani yoꞌlajenak riqꞌuin li Santil Musikꞌej cuan xyuꞌam chi junelic.

Salmos 17:4

La̱in yo̱quin chixba̱nunquil joꞌ naxye la̱ chakꞌrab ut incꞌaꞌ ninjunaji cuib saꞌ xya̱nkeb li nequeꞌxba̱nu ra xi̱cꞌ.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

Romanos 7:25

Caꞌaj cuiꞌ li Ka̱cuaꞌ Jesucristo ta̱colok cue chiru lin najter naꞌleb. Ac xinkꞌaxtesi cuib rubel xcuanquil lix chakꞌrab li Dios ut acꞌ chic lin naꞌleb. Ninqꞌue inchꞌo̱l chixpa̱banquil li Dios, aban xban nak yal cui̱nkin, toj cuan lin najter naꞌleb cuiqꞌuin. Abanan ninbantioxi chiru li Dios xban nak li Ka̱cuaꞌ Jesucristo ta̱tenkꞌa̱nk cue re nak tincanab xba̱nunquil lin najter naꞌleb.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.