Gálatas 5:18 - Li Santil hu

¹⁸ Ut cui la̱ex beresinbilex xban li Santil Musikꞌej, moco cuanquex ta chic rubel xcuanquil li najter chakꞌrab.

Q'eqchi Bible

¹⁸ Ab'anan wi b'eresinb'ilex xb'aan li Musiq'ej, moko wankex ta rub'el xwankil li Chaq'rab'.

Gálatas 5:18 ပူးပေါင်းရင်းမြစ်များ

Romanos 8:14

Chixjunileb li nequeꞌba̱nun re li cꞌaꞌru naraj li Santil Musikꞌej, aꞌaneb tzꞌakal ralal xcꞌajol li Dios.

Gálatas 5:25

Cui acꞌ chic li kayuꞌam qꞌuebil ke xban li Santil Musikꞌej, chikacanabak kib rubel xcuanquil re nak aꞌan chic ta̱beresi̱nk ke.

Proverbios 8:20

Li cha̱bil naꞌleb li ninqꞌue, aꞌan naxcꞌut chanru nak texcua̱nk saꞌ xya̱lal ut saꞌ ti̱quilal.

Ezequiel 36:27

Ut la̱in tinqꞌue e̱re lin musikꞌ. Texinqꞌue chixpa̱banquil lin chakꞌrab ut te̱ba̱nu li cꞌaꞌru ninye. Te̱ba̱nu li cꞌaꞌru texintakla cuiꞌ.

Gálatas 5:16

Li nacuaj xyebal e̱re, aꞌan aꞌin: Checanabak e̱rib rubel xcuanquil li Santil Musikꞌej re nak aꞌan ta̱beresi̱nk e̱re. Cui te̱ba̱nu aꞌan, incꞌaꞌ chic te̱ba̱nu li incꞌaꞌ us li nequerahi ru xba̱nunquil.

Romanos 7:4

Joꞌcan ajcuiꞌ la̱o, ex inherma̱n. Xban nak xkapa̱b li Jesucristo chanchan kochben nak quicam li Cristo. Ut ma̱cꞌaꞌ chic xcuanquil lix chakꞌrab laj Moisés saꞌ kabe̱n. Ut ma̱cꞌaꞌo chic rubel xcuanquil li chakꞌrab. La̱o reho chic li Cristo li quicuacli cuiꞌchic chi yoꞌyo saꞌ xya̱nkeb li camenak re nak tocꞌanjelak chiru li Dios.

San Juan 16:13

Abanan nak ta̱cha̱lk li Santil Musikꞌej, aꞌan tixcꞌut che̱ru chixjunil lix ya̱lal. Incꞌaꞌ ta̱a̱tinak yal xjunes. Tixye ban e̱re chixjunil li cꞌaꞌru ta̱rabi riqꞌuin li Dios ut tixchꞌolob che̱ru li cꞌaꞌru ta̱cha̱lk mokon.

2 Timoteo 1:7

Ma̱cuaꞌ li xucuac li xkama̱tani chak riqꞌuin li Dios. Kacuanquil ban xkama̱tani riqꞌuin. Li Dios nocoxtenkꞌa chixra̱baleb li kas ki̱tzꞌin ut aꞌan naqꞌuehoc ke li cha̱bil naꞌleb.

1 Timoteo 1:9

Joꞌcan nak nacuaj nak te̱qꞌue retal nak li chakꞌrab moco qꞌuebil ta reheb li ti̱queb xchꞌo̱l. Reheb ban li incꞌaꞌ nequeꞌabin ut li nequeꞌkꞌetoc re li chakꞌrab. Reheb ajcuiꞌ li incꞌaꞌ useb xnaꞌleb ut eb laj ma̱c. Reheb ajcuiꞌ li incꞌaꞌ nequeꞌpa̱ban re li Dios chi moco cuanqueb junak xpa̱ba̱leb. Ut reheb ajcuiꞌ laj camsinel ut li nequeꞌxcamsi xnaꞌ xyucuaꞌeb.

Romanos 8:12

Joꞌcan ut ex inherma̱n, tento nak te̱ba̱nu li naraj li Santil Musikꞌej ut ma̱cuaꞌ li cꞌaꞌru naxrahi ru le̱ chꞌo̱l.

Gálatas 5:23

tu̱lanil ut cuyuc ib. Ma̱cꞌaꞌ junak chakꞌrab naxye nak incꞌaꞌ us xba̱nunquil aꞌin.