Gálatas 5:13 - Li Santil hu

¹³ Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

Q'eqchi Bible

¹³ Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Gálatas 5:13 ပူးပေါင်းရင်းမြစ်များ

1 Pedro 2:16

Libre chic cua̱nkex. Abanan moco xban ta nak libre chic cua̱nkex nak tex-oc chixba̱nunquil li ma̱usilal. Cheqꞌuehak ban e̱chꞌo̱l chi cꞌanjelac chiru li Dios.

1 Corintios 9:19

La̱in moco taklanbilin ta xban cui̱nk, abanan ninqꞌue cuib chi cꞌanjelac chiruheb chixjunileb re nak teꞌxpa̱b li Cristo inban la̱in.

1 Corintios 8:9

Naru te̱tzaca li mayejanbil tzacae̱mk. Abanan cheqꞌuehak retal nak incꞌaꞌ te̱luctasi xchꞌo̱l li toj kꞌuneb xchꞌo̱l saꞌ lix pa̱ba̱leb xban nak nequetzaca aꞌan. Cheqꞌuehak retal nak incꞌaꞌ ta̱oc cuiꞌchic chi ma̱cobc e̱ban la̱ex.

Gálatas 5:14

Chixjunil li chakꞌrab natauman ru riqꞌuin xba̱nunquil li jun aꞌin: Chara la̱ cuas a̱cui̱tzꞌin joꞌ nak nacara a̱cuib la̱at. (Lev. 19:18)

Efesios 5:21

Chepa̱bak e̱rib chi ribil e̱rib re xqꞌuebal xlokꞌal li Cristo.

Gálatas 6:2

Chetenkꞌahak e̱rib chi ribil e̱rib chixnumsinquil li chꞌaꞌajquilal nachal saꞌ e̱be̱n. Chi joꞌcan yo̱kex chixba̱nunquil li cꞌaꞌru taklanbilex cuiꞌ xban li Jesucristo.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

San Judas 1:4

Nintzꞌi̱ba li hu aꞌin xban nak cuanqueb aj balakꞌ queꞌxchꞌic rib saꞌ e̱ya̱nk chi mukmu. Eb aꞌan nequeꞌxye nak laj pa̱banel naru teꞌxba̱nu yalak cꞌaꞌru chi ma̱usilal ut xban li rusilal li kaDios, ma̱cꞌaꞌ teꞌxcꞌul. Nequeꞌxsach xcuanquil li Ka̱cuaꞌ Jesucristo, laj e̱chal ke. Eb aꞌan aj kꞌetoleb ra̱tin li Dios ut chalen chak junxil cutan ac xakabanbil chak li rakba a̱tin saꞌ xbe̱neb.

2 Pedro 2:19

Eb laj balakꞌ nequeꞌxye: Libre chic texcua̱nk, chanqueb. La̱ex chic yal e̱re cꞌaꞌru te̱ba̱nu, chanqueb. Ut incꞌaꞌ nequeꞌxqꞌue retal nak aꞌan eb li cꞌayinbileb chi cꞌanjelac chiru li ma̱c xban nak li ani toj nanumta li ma̱usilal saꞌ xbe̱n, toj cuan rubel xcuanquil li ma̱c.

2 Corintios 4:5

Incꞌaꞌ yo̱co chixchꞌolobanquil che̱ru nak la̱o toe̱pa̱b. Yo̱co ban chixchꞌolobanquil xya̱lal nak li Jesucristo aꞌan li Ka̱cuaꞌ. Ut la̱o yal aj cꞌanjelo che̱ru saꞌ xcꞌabaꞌ li Jesucristo.

Hechos 20:35

Riqꞌuin chixjunil li xinba̱nu, xincꞌut che̱ru chanru xtenkꞌanquileb li teꞌraj tenkꞌa̱c. Chijulticokꞌ ke li quixye li Ka̱cuaꞌ Jesús: Kꞌaxal us li qꞌuehoc chiru li cꞌuluc, chan.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

Gálatas 4:22

Tzꞌi̱banbil retalil nak laj Abraham quicuan cuib li ralal, jun riqꞌuin li lokꞌbil mo̱s ut li jun chic riqꞌuin li tzꞌakal rixakil. (Gén. 21:2-9)

1 Ts 1:3

Nak nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo.

2 Corintios 12:15

Joꞌcan nak chixjunil li cꞌaꞌru cuan cue chi anchal inchꞌo̱l tinsach re e̱tenkꞌanquil ut tintacuasi cuib re nak texcolekꞌ. Cui kꞌaxal nequexinra, ¿ma incꞌaꞌ ta biꞌ ta̱ru̱k tine̱ra la̱in?

2 Corintios 3:17

Ut li Ka̱cuaꞌ, aꞌan ajcuiꞌ li Santil Musikꞌej. Li ani cuan li Santil Musikꞌej riqꞌuin, aꞌan moco cuan ta chic rubel xcuanquil li chakꞌrab chi moco li ma̱c. Libre ban chic cuan.

Gálatas 2:4

Abanan cuan ajcuiꞌ junju̱nk queꞌraj raj xminbal ru xcꞌulbal li circuncisión. Eb aꞌan nequeꞌxye rib nak aj pa̱baneleb. Queꞌoc saꞌ kaya̱nk chi mukmu re xqꞌuebal retal li usilal cuanco cuiꞌ saꞌ xcꞌabaꞌ li Jesucristo ma yo̱co chixpa̱banquil li najter chakꞌrab malaj incꞌaꞌ. Eb aꞌan queꞌraj raj cuiꞌchic kaqꞌuebal rubel xcuanquil li najter chakꞌrab.

Gálatas 5:1

Ma̱cuaꞌo chic joꞌ li lokꞌbil mo̱s xban nak moco cuanco ta chic rubel xcuanquil li najter chakꞌrab. Libre ban chic cuanco xban nak li Cristo quicoloc ke chiru xcuanquil li najter chakꞌrab. Chexcua̱nk ut chi cau e̱chꞌo̱l saꞌ le̱ pa̱ba̱l ut me̱qꞌue chic e̱rib rubel xcuanquil li chakꞌrab.

2 Corintios 2:8

Nintzꞌa̱ma che̱ru nak checꞌutak chiru nak nequera.