Gálatas 5:10 - Li Santil hu

¹⁰ La̱in cau inchꞌo̱l saꞌ xcꞌabaꞌ li Ka̱cuaꞌ Jesucristo nak la̱ex moco jalan ta le̱ cꞌaꞌux chiru lin cꞌaꞌux la̱in. Li ani yo̱ chi poꞌoc ru le̱ pa̱ba̱l tixcꞌul xtojbal xma̱c aꞌ yal ani.

Q'eqchi Bible

¹⁰ Laa'in kaw inch'ool cherix laa'ex sa' xk'ab'a' li Qaawa' naq ink'a' teek'am jalan chik li b'e; ab'an li yo chi po'ok re leech'ool tixk'ul xtojb'al xmaak, a' yaal ani a'an.

Gálatas 5:10 ပူးပေါင်းရင်းမြစ်များ

Gálatas 5:12

Li ani yo̱queb chi poꞌoc ru le̱ pa̱ba̱l ut yo̱queb chixyebal nak tento xcꞌulbal li circuncisión, us raj cui teꞌxcꞌul eb aꞌan ut teꞌxset raj ribeb chi junaj cua re nak teꞌxcanab chꞌiꞌchꞌiꞌi̱nc saꞌ e̱ya̱nk.

Filipenses 3:15

Aꞌan taxak li chikara la̱o chikajunilo li ac cau kachꞌo̱l saꞌ li kapa̱ba̱l. Abanan cui la̱ex incꞌaꞌ nequecꞌoxla chi joꞌcan, li Dios ta̱cꞌutuk lix ya̱lal che̱ru.

Gálatas 1:7

Aꞌin moco naraj ta naxye nak cuan jun chic li evangelio. Lix ya̱lal aꞌan, aꞌin: cuanqueb li nequeꞌraj xpoꞌbal ru li evangelio li naxqꞌue li Ka̱cuaꞌ Jesucristo.

2 Corintios 2:3

Joꞌcan nak xintzꞌi̱ba li hu li xintakla e̱riqꞌuin. Incꞌaꞌ xco̱in e̱riqꞌuin xban nak incꞌaꞌ xcuaj xrahoꞌ inchꞌo̱l e̱ban la̱ex li xeqꞌue raj xsahil inchꞌo̱l. Ninnau nak nasahoꞌ ajcuiꞌ e̱chꞌo̱l la̱ex cui sa saꞌ inchꞌo̱l la̱in.

1 Timoteo 1:20

Saꞌ xya̱nkeb aꞌan cuan laj Himeneo ut laj Alejandro. Ac xinkꞌaxtesiheb saꞌ rukꞌ laj tza re xcꞌajtesinquileb ru re nak incꞌaꞌ chic teꞌxmajecua li Dios.

Gálatas 6:17

Ut chirix chixjunil aꞌin ma̱ ani ta chic chichꞌiꞌchꞌiꞌi̱nk cue xban nak cuan retalil chicuix li rahobtesi̱c li quincꞌul saꞌ xcꞌabaꞌ li Ka̱cuaꞌ Jesús.

Gálatas 4:17

Chanchan kꞌaxal nequera eb laj balakꞌ. Abanan ma̱cuaꞌ usilal li teꞌraj e̱riqꞌuin. E̱balakꞌinquil ban li teꞌraj. Eb aꞌan teꞌraj nak te̱risi e̱rib cuiqꞌuin re nak eb aꞌan chic li te̱ta̱ke.

Gálatas 3:1

La̱ex aj Galacia, ma̱cꞌaꞌ e̱naꞌleb. ¿Ani xbalakꞌin e̱re nak incꞌaꞌ chic yo̱quex xpa̱banquil lix ya̱lal? Nak xkachꞌolob che̱ru chanru nak quiqꞌueheꞌ li Jesucristo chiru cruz, chanchan nak tzꞌakal yo̱quex chirilbal.

Gálatas 2:6

Ut eb li ni̱nkeb xcuanquil saꞌ xya̱nkeb laj pa̱banel ma̱cꞌaꞌ queꞌxye chirix li cꞌaꞌru yo̱quin chixba̱nunquil. Ma̱cꞌaꞌ nacuaj re usta ni̱nkeb xcuanquil. Chiru li Dios juntakꞌe̱to.

Gálatas 2:4

Abanan cuan ajcuiꞌ junju̱nk queꞌraj raj xminbal ru xcꞌulbal li circuncisión. Eb aꞌan nequeꞌxye rib nak aj pa̱baneleb. Queꞌoc saꞌ kaya̱nk chi mukmu re xqꞌuebal retal li usilal cuanco cuiꞌ saꞌ xcꞌabaꞌ li Jesucristo ma yo̱co chixpa̱banquil li najter chakꞌrab malaj incꞌaꞌ. Eb aꞌan queꞌraj raj cuiꞌchic kaqꞌuebal rubel xcuanquil li najter chakꞌrab.

2 Corintios 10:6

Ninnau nak tincuulak e̱riqꞌuin naru tinkꞌuseb li toj yo̱queb chixba̱nunquil li incꞌaꞌ us. Abanan incꞌaꞌ nacuaj texinkꞌus la̱ex. Nacuaj ban nak te̱jal le̱ cꞌaꞌux ut te̱ba̱nu li naraj li Dios.

1 Corintios 5:5

Isihomak li cui̱nk aꞌan saꞌ e̱ya̱nk. Nak cua̱nk chic saꞌ rukꞌ laj tza tixcꞌul li raylal ut riqꞌuin li raylal tixcꞌul, tixcanab taxak xba̱nunquil li ma̱usilal re nak naru ta̱colekꞌ nak tol-e̱lk cuiꞌchic li Jesucristo.

Hechos 15:24

Xkabi resil nak cuanqueb li xeꞌel arin saꞌ kaya̱nk ut xeꞌco̱eb aran saꞌ le̱ tenamit che̱chꞌiꞌchꞌiꞌinquil ut chixpoꞌbal e̱chꞌo̱l riqꞌuin li cꞌaꞌru nequeꞌxye. Abanan moco la̱o ta xotaklan reheb.

Filemón 1:21

Nintzꞌi̱bac a̱cuiqꞌuin xban nak ninnau chi ya̱l nak ta̱ba̱nu li usilal cue. Ut ninnau ajcuiꞌ nak li ta̱ba̱nu, aꞌan kꞌaxal cuiꞌchic nabal chiru li nintzꞌa̱ma cha̱cuu.

2 Ts 3:4

Ut cꞌojcꞌo kachꞌo̱l saꞌ e̱be̱n la̱ex saꞌ xcꞌabaꞌ li Ka̱cuaꞌ Jesucristo nak yo̱quex chixba̱nunquil li xkajultica che̱ru ut nakanau nak te̱ba̱nu li bar cuan takaye e̱re.

Gálatas 4:20

Nacuaj ta ac cuanquin e̱riqꞌuin anakcuan re nak tinnau chanru tina̱tinak e̱riqꞌuin. Cꞌajoꞌ incꞌaꞌux che̱rix xban nak incꞌaꞌ ninnau chanru cuanquex.

Gálatas 4:11

Nachal incꞌaꞌux e̱ban. Ma̱re yal ma̱cꞌaꞌ rajbal nak xincꞌanjelac saꞌ e̱ya̱nk.

2 Corintios 13:10

Joꞌcan nak yo̱quin chixtzꞌi̱banquil li hu aꞌin e̱riqꞌuin nak toj ma̱jiꞌ ninxic e̱riqꞌuin. Nak cua̱nkin cuiꞌchic saꞌ e̱ya̱nk la̱in incꞌaꞌ nacuaj texinkꞌus chi cau usta cuan incuanquil re e̱kꞌusbal. Li Ka̱cuaꞌ incꞌaꞌ quixqꞌue lin cuanquil re e̱sachbal. Re ban e̱tenkꞌanquil saꞌ le̱ pa̱ba̱l.

2 Corintios 10:2

Joꞌcan nak incꞌaꞌ nacuaj a̱tinac chi cau. Usan cui nak tincuulak e̱riqꞌuin incꞌaꞌ tento nak toj tina̱tinak e̱riqꞌuin chi cau. La̱in naru ajcuiꞌ nequebinsume li nequeꞌa̱tinac chicuix ut nequeꞌxye nak li cꞌaꞌru yo̱quin chixba̱nunquil, aꞌan yal xnaꞌleb cui̱nk.

2 Corintios 8:22

Ut yo̱co chixtaklanquil jun chic li kaherma̱n chirixeb. Qꞌuila cua xkaqꞌue retal nak naxqꞌue xchꞌo̱l chixba̱nunquil li cꞌaꞌak re ru re xtenkꞌanquil li rech aj pa̱banelil. Xban nak aꞌan cau xchꞌo̱l e̱riqꞌuin, joꞌcan nak sa xchꞌo̱l chi xic e̱riqꞌuin.

2 Corintios 7:16

Nacꞌojla inchꞌo̱l riqꞌuin li cꞌaꞌru nequeba̱nu ut sa inchꞌo̱l e̱riqꞌuin.

2 Corintios 5:16

Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

2 Corintios 2:6

Tzꞌakal lix kꞌusbal li yo̱ chixcꞌulbal e̱riqꞌuin.

2 Corintios 1:15

Caꞌ sut raj xincꞌoxla numecꞌ e̱riqꞌuin xban nak ninnau nak xine̱cꞌul raj chi sa saꞌ e̱chꞌo̱l. Joꞌcan nak xinnumeꞌ raj e̱riqꞌuin nak xinchal arin Macedonia.

Gálatas 5:7

Us nak quetiquib chak pa̱ba̱nc junxil. ¿Ani xtacchiꞌin e̱re nak incꞌaꞌ chic yo̱quex chixpa̱banquil li ya̱l?