Gálatas 5:1 - Li Santil hu

¹ Ma̱cuaꞌo chic joꞌ li lokꞌbil mo̱s xban nak moco cuanco ta chic rubel xcuanquil li najter chakꞌrab. Libre ban chic cuanco xban nak li Cristo quicoloc ke chiru xcuanquil li najter chakꞌrab. Chexcua̱nk ut chi cau e̱chꞌo̱l saꞌ le̱ pa̱ba̱l ut me̱qꞌue chic e̱rib rubel xcuanquil li chakꞌrab.

Q'eqchi Bible

¹ Li Kriist ki'ach'ab'ank qe re naq ach'ab'anb'ilaqo chi yaal. Wanqex b'i' chi kaw eech'ool sa' leepaab'aal ut meek'e chik eerib' chi wank chi b'ak'b'o.

Gálatas 5:1 ပူးပေါင်းရင်းမြစ်များ

2 Corintios 3:17

Ut li Ka̱cuaꞌ, aꞌan ajcuiꞌ li Santil Musikꞌej. Li ani cuan li Santil Musikꞌej riqꞌuin, aꞌan moco cuan ta chic rubel xcuanquil li chakꞌrab chi moco li ma̱c. Libre ban chic cuan.

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

1 Pedro 2:16

Libre chic cua̱nkex. Abanan moco xban ta nak libre chic cua̱nkex nak tex-oc chixba̱nunquil li ma̱usilal. Cheqꞌuehak ban e̱chꞌo̱l chi cꞌanjelac chiru li Dios.

Romanos 6:14

Incꞌaꞌ chic cheqꞌue e̱rib rubel xcuanquil li ma̱c. Anakcuan cuanquex rubel xcuanquil lix nimal rusilal li Dios. Moco cuanquex ta chic rubel xcuanquil li chakꞌrab li quiqꞌueheꞌ re laj Moisés.

Romanos 8:2

Lix cuanquil li Santil Musikꞌej li naqꞌuehoc yuꞌam saꞌ xcꞌabaꞌ li Jesucristo, aꞌan nacoloc cue chiru lix cuanquil li ma̱c ut li ca̱mc.

Gálatas 4:9

Anakcuan ac xexpa̱ban ut rehex chic li Dios. ¿Cꞌaꞌut nak te̱raj cuiꞌchic sukꞌi̱c chi cꞌanjelac saꞌ le̱ najteril naꞌleb li ma̱cꞌaꞌ na-oc cuiꞌ? Ut, ¿cꞌaꞌut nak te̱raj cuiꞌchic xqꞌuebal e̱rib rubel xcuanquil li najter chakꞌrab?

Hebreos 10:23

Joꞌcan nak cauhak taxak kachꞌo̱l saꞌ li kapa̱ba̱l xban nak li Dios naxqꞌue li cꞌaꞌru naxyechiꞌi ke.

Gálatas 2:4

Abanan cuan ajcuiꞌ junju̱nk queꞌraj raj xminbal ru xcꞌulbal li circuncisión. Eb aꞌan nequeꞌxye rib nak aj pa̱baneleb. Queꞌoc saꞌ kaya̱nk chi mukmu re xqꞌuebal retal li usilal cuanco cuiꞌ saꞌ xcꞌabaꞌ li Jesucristo ma yo̱co chixpa̱banquil li najter chakꞌrab malaj incꞌaꞌ. Eb aꞌan queꞌraj raj cuiꞌchic kaqꞌuebal rubel xcuanquil li najter chakꞌrab.

Gálatas 4:31

Joꞌcan ut, ex inherma̱n, la̱o ma̱cuaꞌo ralal xcꞌajol li lokꞌbil mo̱s. La̱o ban ralal xcꞌajol li tzꞌakal ixakilbej.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

2 Pedro 2:19

Eb laj balakꞌ nequeꞌxye: Libre chic texcua̱nk, chanqueb. La̱ex chic yal e̱re cꞌaꞌru te̱ba̱nu, chanqueb. Ut incꞌaꞌ nequeꞌxqꞌue retal nak aꞌan eb li cꞌayinbileb chi cꞌanjelac chiru li ma̱c xban nak li ani toj nanumta li ma̱usilal saꞌ xbe̱n, toj cuan rubel xcuanquil li ma̱c.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

Romanos 7:6

Aꞌut anakcuan chanchan li camenako xban nak li najter chakꞌrab ma̱cꞌaꞌ chic xcuanquil chokꞌ ke la̱o. Ma̱cuaꞌ chic li chakꞌrab yal re saꞌ kabe̱n. Ut incꞌaꞌ chic yo̱co chi cꞌanjelac rubel xcuanquil li chakꞌrab tzꞌi̱banbil chak najter. Anakcuan nococꞌanjelac chiru li Dios saꞌ li acꞌ yuꞌam li naxqꞌue ke li Santil Musikꞌej.

Romanos 6:18

Anakcuan colbilex chic chiru li ma̱c. Ut xekꞌaxtesi e̱rib joꞌ aj cꞌanjel chiru li Dios chixba̱nunquil li ti̱quilal.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Hechos 15:10

Anakcuan ut ¿cꞌaꞌut nak yo̱quex chixyalbal rix li Dios riqꞌuin xqꞌuebal li i̱k aꞌin saꞌ xbe̱neb laj pa̱banel li ma̱cuaꞌeb aj judío? ¿Cꞌaꞌut nak te̱puersiheb chixba̱nunquil li naxye li chakꞌrab li incꞌaꞌ xoru chixba̱nunquil la̱o chi moco eb li kaxeꞌto̱nil yucuaꞌ?

1 Corintios 7:22

Li ani cuan rubel xcuanquil lix patrón nak quisiqꞌueꞌ ru xban li Ka̱cuaꞌ, li jun aꞌan libre chic cuan chiru li Dios. Ut li jun li incꞌaꞌ cuan rubel xcuanquil lix patrón nak quisiqꞌueꞌ ru, lokꞌbil chic xban li Cristo chi cꞌanjelac chiru.

Salmos 51:12

Chaqꞌue ta cuiꞌchic chicuecꞌa li sahil chꞌo̱lej li caqꞌue chak cue nak xina̱col. Ut chaqꞌue taxak xcacuilal inchꞌo̱l re nak tinba̱nu li cꞌaꞌru nacacuaj.

Proverbios 23:23

Li naꞌleb ut lix ya̱lal ut li kꞌusecꞌ kꞌaxal terto xtzꞌak. Me̱canab chi numecꞌ yal chi joꞌcan.

San Judas 1:3

Ex inherma̱n, anchal inchꞌo̱l nak yo̱quin chixcꞌoxlanquil tzꞌi̱bac e̱riqꞌuin chirix li kacolbal saꞌ comonil. Aban xinqꞌue retal nak ta̱ajma̱nk ru nak tintzꞌi̱bak e̱riqꞌuin re xtzꞌa̱manquil che̱ru nak te̱yal e̱kꞌe chixcolbal rix le̱ pa̱ba̱l. Aꞌan li junaj chi pa̱ba̱l kꞌaxtesinbil chak ke xban li Dios.

Filipenses 1:27

Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.

Efesios 6:14

Xakxo̱kex biꞌ chi cau. Aꞌan aꞌin li ta̱cꞌanjelak che̱ru re xcolbal e̱rib chiru laj tza. Li ya̱l ta̱cꞌanjelak joꞌ xcꞌa̱mal e̱saꞌ ut li ti̱quil chꞌo̱lej ta̱cꞌanjelak joꞌ li chꞌi̱chꞌ naramoc re le̱ chꞌo̱l.

Apocalipsis 2:25

Caꞌaj cuiꞌ tinye e̱re aꞌin: Cacuubresihomak e̱chꞌo̱l saꞌ le̱ pa̱ba̱l toj ta̱cuulak xkꞌehil nak tincuulak e̱riqꞌuin.

Hebreos 4:14

Li Ka̱cuaꞌ Jesucristo, li Ralal li Dios, aꞌan lix yucuaꞌil aj tij chokꞌ ke. Quitakeꞌ saꞌ choxa ut cuan chak riqꞌuin li Dios Acuabej. Yo̱ chak chi oque̱nc chikix chiru li Dios. Joꞌcan nak cauhak taxak kachꞌo̱l saꞌ li kapa̱ba̱l.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

2 Ts 2:15

Joꞌcan ut ex herma̱n, cauhak taxak e̱chꞌo̱l saꞌ le̱ pa̱ba̱l. Me̱canab xpa̱banquil le̱ tijbal li xkachꞌolob che̱ru nak xoa̱tinac e̱riqꞌuin. Chi moco te̱canab xpa̱banquil li cꞌaꞌru xkatakla xyebal e̱re saꞌ li hu li xkatakla e̱riqꞌuin.

1 Ts 3:8

Ut anakcuan naru chic tocua̱nk chi sa saꞌ kachꞌo̱l xban nak nakanau nak cau e̱chꞌo̱l saꞌ e̱pa̱ba̱l saꞌ xcꞌabaꞌ li Jesucristo.

Gálatas 4:26

Abanan lix Sara, aꞌan retalil li Jerusalén li cuan saꞌ choxa. Ut la̱o ralal xcꞌajol aꞌan.

Gálatas 3:25

Anakcuan ut ac xcuulac xkꞌehil xpa̱banquil li Jesucristo. Joꞌcan nak ma̱cꞌaꞌ chic xcuanquil li najter chakꞌrab saꞌ kabe̱n.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

San Mateo 23:4

Kꞌaxal a̱l li i̱k nequeꞌxqꞌue saꞌ xbe̱neb li cristian ut kꞌaxal chꞌaꞌaj xcꞌambal. Aꞌut eb aꞌan chi moco riqꞌuin ruꞌuj rukꞌeb nequeꞌraj xchꞌeꞌbal.

Romanos 7:3

Cui toj yoꞌyo lix be̱lom ut naxsume jalan chic cui̱nk, aꞌan naxmux ru lix sumlajic. Cui nacam li be̱lomej, ma̱cꞌaꞌ chic xcuanquil li chakꞌrab aꞌan saꞌ xbe̱n li ixk. Moco tixmux ta chic ru lix sumlajic cui nasumla riqꞌuin jalan chic cui̱nk.

Romanos 8:15

La̱ex xecꞌul li Santil Musikꞌej ut ma̱cꞌaꞌ chic e̱xiu. Moco joꞌquex ta junak li mo̱s naxxucua ru lix patrón. Xban nak li Santil Musikꞌej cuan kiqꞌuin, la̱o ban tzꞌakal ralal xcꞌajol li Dios. Joꞌcan nak nakaye “at inYucuaꞌ” re nak nocotijoc.

2 Corintios 11:20

Cui nequexrahobtesi̱c yal nequecuy. Cui namakꞌeꞌ li cꞌaꞌru e̱re che̱ru, ma̱cꞌaꞌ nequeye. Cui nequexbalakꞌi̱c, yal nequecanab chi joꞌcan. Ut cui nequeꞌxkꞌetkꞌeti rib che̱ru, aꞌan chic li nacuulac che̱ru. Ut cui nasaqꞌueꞌ saꞌ xnakꞌ e̱ru, yal nequecuy.

San Lucas 5:38

Joꞌcan nak li acꞌ vino saꞌ li acꞌ bo̱ls tzꞌu̱m naqꞌueman re nak ma̱cꞌaꞌ tixcꞌul li vino chi moco li bo̱ls tzꞌu̱m.