Gálatas 4:8 - Li Santil hu

⁸ Nak toj ma̱jiꞌ nequepa̱b chak li Dios, quelokꞌoniheb li ma̱cuaꞌeb tzꞌakal dios ut quexcꞌanjelac chak chiruheb.

Q'eqchi Bible

⁸ Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos.

Gálatas 4:8 ပူးပေါင်းရင်းမြစ်များ

1 Corintios 8:4

Anakcuan tina̱tinak chirix li tzacae̱mk mayejanbil chiruheb li yi̱banbil dios. La̱o nakanau nak li yi̱banbil dios ma̱cꞌaꞌ nequeꞌoc cuiꞌ xban nak moco dioseb ta. Nakanau nak jun ajcuiꞌ li Dios cuan.

2 Ts 1:8

Chanchan li rakꞌ xam nak ta̱cha̱lk li Ka̱cuaꞌ Jesucristo riqꞌuin xnimal xlokꞌal chi rakoc a̱tin. Tixqꞌueheb chixtojbal xma̱queb li ani incꞌaꞌ nequeꞌpa̱ban re li Dios joꞌ ajcuiꞌ li ani incꞌaꞌ nequeꞌraj rabinquil resilal li colba-ib li naxqꞌue li Ka̱cuaꞌ Jesucristo.

1 Ts 4:5

Eb li incꞌaꞌ nequeꞌxnau ru li Dios, nequeꞌxba̱nu li yibru naꞌleb li nequeꞌxrahi ru xba̱nunquil. Me̱ba̱nu joꞌ nequeꞌxba̱nu eb aꞌan.

1 Ts 1:9

Yalak bar yo̱queb chixserakꞌinquil chanru nak coe̱cꞌul nak cocuulac e̱riqꞌuin ut yo̱queb chixserakꞌinquil chanru nak quecanab xlokꞌoninquil li yi̱banbil dios ut quepa̱b ut nequexcꞌanjelac chic chiru li tzꞌakal Dios, li yoꞌyo.

1 Pedro 4:3

Tzꞌakal taxak li ma̱c li xeba̱nu chak. Xeba̱nu joꞌ nequeꞌxba̱nu li incꞌaꞌ nequeꞌpa̱ban chiru li Dios. Junxil nasemsot le̱ chꞌo̱l riqꞌuin li joꞌ ma̱joꞌil naꞌleb. Xeba̱nu chak li cala̱c ut li ninkꞌei̱c. Xeba̱nu chak li numcuaꞌac num ucꞌac. Ut xeba̱nu ajcuiꞌ li tzꞌekbe̱talil aj naꞌleb. Xuta̱nal xeba̱nu chak junxil nak xenima chak ruheb li yi̱banbil dios.

1 Corintios 1:21

Li Dios naxnau chixjunil. Ac cuan saꞌ xchꞌo̱l li Dios nak li cuanqueb saꞌ ruchichꞌochꞌ ma̱ jaruj teꞌxtau ru xnaꞌleb li Dios yal xjuneseb rib. Joꞌcan nak quiraj xcolbaleb li teꞌpa̱ba̱nk re li resil li colba-ib usta cuan li nequeꞌyehoc re nak to̱ntil naꞌleb li yo̱co chixjulticanquil che̱ru chirix li Cristo.

Isaías 37:19

Queꞌxcꞌat chixjunileb lix dioseb xban nak moco tzꞌakal dioseb ta. Yal pec ut yal cheꞌ yi̱banbileb xbaneb li cui̱nk. Joꞌcan nak queꞌsacheꞌ.

2 Crónicas 13:9

¿Ma incꞌaꞌ ta biꞌ xerisiheb chak laj tij li ralal xcꞌajoleb laj Aarón ut eb laj levitas li nequeꞌcꞌanjelac chiru li Dios? ¿Ma incꞌaꞌ ta biꞌ xexakabeb jalaneb laj tij chi cꞌanjelac chiruheb le̱ dios joꞌ nequeꞌxba̱nu li jalan tenamit? Che̱ru la̱ex yalak ani naru ta̱xakaba̱k chokꞌ aj tij cui tixcꞌam junak toro toj sa̱j malaj ut cuukubak xcarner re nak tixkꞌaxtesi rib chokꞌ aj tij chiruheb li ma̱cuaꞌeb tzꞌakal Dios.

Efesios 4:18

Incꞌaꞌ nequeꞌxtau xya̱lal. Ma̱cꞌaꞌ riqꞌuineb li junelic yuꞌam li naxqꞌue li Dios xban nak incꞌaꞌ nequeꞌraj xnaubal lix ya̱lal ut kꞌaxal cauheb xchꞌo̱l.

1 Corintios 12:2

Nak toj ma̱jiꞌ nequexpa̱ban chak queqꞌue chak xcuanquil li yi̱banbil dios li incꞌaꞌ nequeꞌa̱tinac ut queqꞌue e̱rib chi balakꞌi̱c riqꞌuin xpa̱banquileb.

Jeremías 10:25

Isi la̱ joskꞌil saꞌ xbe̱neb li xni̱nkal ru tenamit li incꞌaꞌ nacateꞌxlokꞌoni. Isi la̱ joskꞌil saꞌ xbe̱neb li incꞌaꞌ nequeꞌxya̱ba la̱ cꞌabaꞌ xban nak queꞌxsach ruheb li ralal xcꞌajol laj Jacob. Queꞌxsach ruheb chixjunileb ut queꞌxsach ajcuiꞌ lix naꞌajeb.—

Josué 24:15

Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.

Josué 24:2

Ut laj Josué quixye reheb chixjunileb li tenamit: —Aꞌan aꞌin li xye li Ka̱cuaꞌ li kaDios la̱o aj Israel: “Najter kꞌe cutan eb le̱ xeꞌto̱nil yucuaꞌ, laj Taré lix yucuaꞌeb laj Abraham, ut laj Nacor, queꞌcuan jun pacꞌal li nimaꞌ Éufrates ut queꞌxlokꞌoniheb li jalanil dios.

Éxodo 5:2

Ut laj faraón quichakꞌoc ut quixye: —¿Ani li nimajcual Dios re nak tinpa̱b lix chakꞌrab nak tincanabeb laj Israel chi xic? La̱in incꞌaꞌ ninnau ru li nimajcual Dios aꞌan. Incꞌaꞌ tincanabeb chi xic laj Israel.—

1 Juan 3:1

Cheqꞌuehak retal nak li Acuabej Dios cꞌajoꞌ nocoxra. Nocoxqꞌue chokꞌ ralal xcꞌajol. Relic chi ya̱l nak la̱o ralal xcꞌajol. Joꞌcan nak li ma̱jiꞌ nequeꞌpa̱ban incꞌaꞌ nequeꞌxtau ru li kanaꞌleb xban nak ma̱jiꞌ nequeꞌxnau xya̱lal xpa̱banquil li Dios.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

Hechos 17:23

Nak yo̱quin chi be̱c saꞌ le̱ tenamit xebinqꞌue retal li cꞌaꞌru nequelokꞌoni ut xintau ajcuiꞌ jun li artal tzꞌi̱banbil chiru “Re li Dios li Incꞌaꞌ Naubil Ru”. Li Dios li nequelokꞌoni la̱ex chi incꞌaꞌ nequenau ru, aꞌan ajcuiꞌ li yo̱quin chixchꞌolobanquil xya̱lal che̱ru.

Hechos 14:12

Laj Bernabé queꞌxqꞌue xcꞌabaꞌ chokꞌ Júpiter, ut laj Pablo Mercurio queꞌxqꞌue chokꞌ xcꞌabaꞌ xban nak aꞌan aj cꞌamol be chi a̱tinac.

San Juan 1:10

Li Cristo quicuan saꞌ ruchichꞌochꞌ. Abanan li cuanqueb saꞌ ruchichꞌochꞌ incꞌaꞌ queꞌxqꞌue retal chi tzꞌakal nak aꞌan li Cristo usta saꞌ xcꞌabaꞌ aꞌan quiyi̱ba̱c li ruchichꞌochꞌ.

Jeremías 2:11

¿Ma xeꞌxjal ta biꞌ lix dioseb li tenamit aꞌan? ¿Ma xeꞌxcanab ta biꞌ xlokꞌoninquil lix dioseb usta ma̱cuaꞌeb tzꞌakal dios? Abanan, la̱in xine̱tzꞌekta̱na la̱ex lin tenamit, usta la̱in li xinqꞌuehoc e̱lokꞌal. Aꞌ chic li yi̱banbil dios li ma̱cꞌaꞌ nequeꞌoc cuiꞌ nequelokꞌoni.

Romanos 1:23

Incꞌaꞌ nequeꞌxlokꞌoni li yoꞌyo̱quil Dios. Aꞌ chic lix jalam u̱ch li cui̱nk li nacam, aꞌan chic nequeꞌxlokꞌoni. Ut lix jalam u̱ch li xul nequeꞌxqꞌue chokꞌ xdioseb joꞌ li xul li nequeꞌrupupic ut li xul li nequeꞌbe̱c, joꞌqueb ajcuiꞌ li nequeꞌxjucuqui rib chiru chꞌochꞌ.

Jeremías 5:7

Li Ka̱cuaꞌ quixye: —¿Chanru nak tincuy tinsach le̱ ma̱c? Eb le̱ ralal e̱cꞌajol xineꞌxtzꞌekta̱na ut xeꞌxba̱nu li juramento saꞌ xcꞌabaꞌeb li jalanil dios li moco dioseb ta. La̱in quinqꞌuehoc re li cꞌaꞌru queꞌraj. Abanan eb aꞌan xeꞌxlokꞌoniheb li jalanil dios. Chanchan nak queꞌxmux ru lix sumlajiqueb ut queꞌco̱eb riqꞌuineb li ixk li nequeꞌxcꞌayi ribeb.

Jeremías 16:20

¿Ma naru ta biꞌ teꞌxyi̱b lix dioseb li cristian? Naru nequeꞌxyi̱b, abanan moco tzꞌakal dioseb ta.”

Gálatas 4:3

Joꞌcan ajcuiꞌ la̱o. Junxil chanchano cocꞌal. Cocuan rubel xcuanquil li najter naꞌleb nak toj ma̱jiꞌ nakanau bar cuan li ya̱l.