Gálatas 4:7 - Li Santil hu

⁷ Joꞌcan ut anakcuan ma̱cuaꞌex chic lokꞌbil mo̱s. La̱ex ban chic ralal li Dios. Ut xban nak la̱ex chic ralal li Dios, te̱re̱chani ajcuiꞌ li yechiꞌinbil reheb li ralal xcꞌajol xban nak joꞌcan quiraj li Dios.

Q'eqchi Bible

⁷ Jo'kan naq maawa'at chik aj loq'b'il k'anjel, laa'at b'an alal k'ajolb'ej; ut wi laa'at alalb'ej, laa'ataq aj eechaninel sa' xk'ab'a' li Yos.

Gálatas 4:7 ပူးပေါင်းရင်းမြစ်များ

Gálatas 3:29

Cui la̱ex rehex chic li Cristo, la̱ex ajcuiꞌ ralal xcꞌajol laj Abraham ut la̱ex te̱re̱chani ajcuiꞌ li cꞌaꞌru quiyechiꞌi̱c re laj Abraham xban li Dios.

Gálatas 3:26

Anakcuan la̱ex chic ralal xcꞌajol li Dios che̱junilex xban nak xepa̱b li Jesucristo.

Gálatas 4:31

Joꞌcan ut, ex inherma̱n, la̱o ma̱cuaꞌo ralal xcꞌajol li lokꞌbil mo̱s. La̱o ban ralal xcꞌajol li tzꞌakal ixakilbej.

Salmos 73:26

Lin tibel ut li cua̱m nalubeꞌ. Abanan la̱at, at inDios, la̱at nacatcoloc cue. Caꞌaj cuiꞌ la̱at nacatqꞌuehoc xsahil inchꞌo̱l chi junelic.

Lamentaciones 3:24

Li Ka̱cuaꞌ, aꞌan li natenkꞌan cue. Ut aꞌan li ninyoꞌoni.

Jeremías 10:16

Abanan li Ka̱cuaꞌ lix Dios laj Jacob ma̱cuaꞌ joꞌcan tixcꞌul. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan quisicꞌoc ruheb laj Israel chokꞌ xtenamit. Li Ka̱cuaꞌ “Nimajcual Dios” xcꞌabaꞌ.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Apocalipsis 21:7

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, aꞌan ta̱re̱chani chixjunil li cꞌaꞌak re ru aꞌin. La̱inak lix Dios ut aꞌanak li cualal incꞌajol.

Jeremías 31:33

Li acꞌ contrato tinba̱nu riqꞌuineb laj Israel nak ta̱cuulak xkꞌehil, aꞌan aꞌin: Tinqꞌue chi cua̱nc lin chakꞌrab saꞌ li ra̱meb ut tinqꞌue chi cua̱nc saꞌ lix chꞌo̱leb. La̱inak lix Dioseb ut aꞌanakeb lin tenamit.

Salmos 16:5

At Ka̱cuaꞌ, caꞌaj cuiꞌ la̱at nacattenkꞌan cue. A̱cuiqꞌuin nachal chixjunil li cꞌaꞌru nacuaj. Caꞌaj cuiꞌ la̱at yal a̱cue saꞌ inbe̱n.

San Mateo 6:24

Ma̱ ani naru nacꞌanjelac chiru cuib chi patrón. Naru tixra li jun ut tixtzꞌekta̱na li jun chic malaj ut xicꞌ ta̱ril li jun ut tix-oxlokꞌi li jun chic. Joꞌcan nak ma̱ jokꞌe naru te̱cꞌoxla li Dios cui caꞌaj cuiꞌ le̱ biomal nequecꞌoxla.