Gálatas 4:6 - Li Santil hu

⁶ Re xcꞌutbal chiku nak la̱o chic ralal xcꞌajol, li Dios quixtakla li Santil Musikꞌej re nak ta̱cua̱nk kiqꞌuin. Ut xban nak cuan li Santil Musikꞌej kiqꞌuin, joꞌcan nak naru nakaye re li Dios, “at inYucuaꞌ.”

Q'eqchi Bible

⁶ Ut relik chi yaal naq alal k'ajolb'ejex chik, xb'aan naq li Yos kixtaqla chaq sa' qach'ool li xMusiq' li Ralal, li nayehok chi kaw: “Abbá, at inYuwa'!”.

Gálatas 4:6 ပူးပေါင်းရင်းမြစ်များ

Romanos 5:5

Li cꞌaꞌru nakayoꞌoni nakanau nak takacꞌul, xban nak kꞌaxal nocoxra li Dios ut naxcꞌut chiku lix nimal xrahom xban li Santil Musikꞌej li qꞌuebil chak ke.

Romanos 8:9

Abanan la̱ex incꞌaꞌ chic yo̱quex chixba̱nunquil li naxrahi ru le̱ chꞌo̱l. Yo̱quex ban chixba̱nunquil li cꞌaꞌru naraj li Santil Musikꞌej cui ya̱l nak cuan li Santil Musikꞌej e̱riqꞌuin. Li ani ma̱cꞌaꞌ li Santil Musikꞌej riqꞌuin, aꞌan ma̱cuaꞌ re li Cristo.

Filipenses 1:19

Ut junelic ta̱sahokꞌ inchꞌo̱l xban nak ninnau nak yo̱quex chi tijoc chicuix. Ut li Santil Musikꞌej natenkꞌan cue. Joꞌcan nak nasahoꞌ saꞌ inchꞌo̱l xban nak ninnau nak chixjunil li nincꞌul, li Dios tixsukꞌisi chokꞌ usilal chokꞌ cue.

Efesios 2:18

Anakcuan chikajunilo, usta la̱o aj judío usta ma̱cuaꞌo aj judío, naru nococuan chi sum a̱tin riqꞌuin li Yucuaꞌbej Dios saꞌ xcꞌabaꞌ li Cristo. Ut li junaj chi Santil Musikꞌej natenkꞌan ke.

2 Corintios 3:17

Ut li Ka̱cuaꞌ, aꞌan ajcuiꞌ li Santil Musikꞌej. Li ani cuan li Santil Musikꞌej riqꞌuin, aꞌan moco cuan ta chic rubel xcuanquil li chakꞌrab chi moco li ma̱c. Libre ban chic cuan.

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

San Judas 1:20

Aꞌut la̱ex, ex inherma̱n, cauhak taxak e̱chꞌo̱l saꞌ le̱ santil pa̱ba̱l. Ut chextijok riqꞌuin xcuanquil li Santil Musikꞌej.

San Juan 16:7

Abanan la̱in xinye lix ya̱lal e̱re. Kꞌaxal us chokꞌ e̱re nak tinxic xban nak cui incꞌaꞌ ninxic, incꞌaꞌ ta̱cha̱lk li Santil Musikꞌej e̱riqꞌuin. Aꞌan li ta̱tenkꞌa̱nk e̱re ut aꞌan li ta̱cꞌojoba̱nk re le̱ chꞌo̱l. Nak tinxic, la̱in tintakla chak li Santil Musikꞌej e̱riqꞌuin.

San Juan 14:16

La̱in tintzꞌa̱ma chiru lin Yucuaꞌ nak tixqꞌue e̱re li Santil Musikꞌej. Aꞌan ta̱cꞌojoba̱nk e̱chꞌo̱l ut aꞌan ta̱tenkꞌa̱nk e̱re. Aꞌan ta̱cua̱nk e̱riqꞌuin chi junelic.

San Lucas 11:13

Cui la̱ex li moco cha̱bilex ta nequenau xqꞌuebal li cꞌaꞌru cha̱bil re le̱ ralal e̱cꞌajol, ¿ma tojaꞌ ta chic le̱ yucuaꞌ cuan saꞌ choxa incꞌaꞌ tixqꞌue li Santil Musikꞌej re li ani tixtzꞌa̱ma chiru? chan li Jesús reheb.

2 Corintios 1:22

Ut li Dios quixtakla chak li Santil Musikꞌej chi cua̱nc kiqꞌuin chokꞌ retalil nak reho chic. Xban nak li Santil Musikꞌej cuan kiqꞌuin, nakanau chi ya̱l nak takacꞌul chixjunil li quixyechiꞌi ke.

San Juan 15:26

Nak ta̱cha̱lk li Santil Musikꞌej, laj Cꞌojobanel Chꞌo̱l, e̱riqꞌuin aꞌan tixcꞌut chi tzꞌakal lix ya̱lal che̱ru chicuix la̱in. La̱in tintakla chak e̱riqꞌuin li Santil Musikꞌej li nachal riqꞌuin lin Yucuaꞌ.

San Lucas 11:2

Ut li Ka̱cuaꞌ quixye reheb: —Nak textijok, te̱ye chi joꞌcaꞌin: Ka̱cuaꞌ, cuancat saꞌ li santil choxa, lokꞌoninbil taxak la̱ santil cꞌabaꞌ. Chicha̱lk ta la̱ nimajcual cuanquilal. Chi-uxk ta li nacacuaj joꞌ saꞌ choxa, joꞌ ta ajcuiꞌ saꞌ ruchichꞌochꞌ.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

Jeremías 3:4

La̱ex yo̱quex chixba̱nunquil li ma̱usilal ut nequeye cue, “La̱at li kayucuaꞌ. Xoa̱ra chalen saꞌ kasa̱jilal.

1 Pedro 1:11

Eb li profeta queꞌxye resil li raylal tixcꞌul li Cristo ut lix nimal xlokꞌal li ta̱cꞌutbesi̱k mokon. Queꞌxqꞌue xchꞌo̱l chixsiqꞌuinquil ani tzꞌakal li Cristo. Queꞌxsicꞌ xya̱lal jokꞌe ut cꞌaꞌru chi cutanil ta̱cꞌulma̱nk li yo̱ chi cꞌutbesi̱c chiruheb xban li Santil Musikꞌej.

Efesios 6:18

Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

Jeremías 3:19

La̱ex aj Israel, la̱in xcuaj nak xexincꞌul chokꞌ cualal incꞌajol. Xinqꞌue e̱re jun li cha̱bil naꞌajej. Aꞌan li kꞌaxal cha̱bil chiru chixjunil li naꞌajej li cuan saꞌ ruchichꞌochꞌ. La̱in xcuaj nak te̱ye “At inyucuaꞌ” cue. Incꞌaꞌ xcuaj nak tine̱tzꞌekta̱na.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

Efesios 1:13

Ut joꞌcan ajcuiꞌ la̱ex li ma̱cuaꞌex aj judío. Nak xerabi lix ya̱lal li colba-ib, la̱ex xepa̱b li Cristo ut xecꞌul li Santil Musikꞌej, li quiyechiꞌi̱c e̱re chokꞌ retalil nak la̱ex chic li ralal xcꞌajol.

1 Corintios 15:45

Tzꞌi̱banbil saꞌ li Santil Hu chi joꞌcaꞌin: Laj Adán li xbe̱n cui̱nk quiqꞌueheꞌ xmusikꞌ nak quiyoꞌobtesi̱c xban li Dios. (Gén. 2:7) Abanan li xcab Adán, aꞌ li Ka̱cuaꞌ Jesucristo, aꞌan musikꞌej ut aꞌan li naqꞌuehoc kayuꞌam chi junelic.

Hechos 16:7

Nak queꞌcuulac Misia, queꞌraj raj xic Bitinia. Abanan li Santil Musikꞌej incꞌaꞌ quixcanabeb re teꞌxic aran.

San Juan 7:39

Nak quixye aꞌin, li Jesús yo̱ chi a̱tinac chirix li Santil Musikꞌej li ta̱cua̱nk riqꞌuineb li teꞌpa̱ba̱nk re. Saꞌ li cutan aꞌan, li Santil Musikꞌej toj ma̱jiꞌ nacꞌulun xban nak li Jesús toj ma̱jiꞌ naxic saꞌ choxa chixcꞌulbal lix lokꞌal.

San Marcos 14:36

Ut quixye ajcuiꞌ: —At inYucuaꞌ, la̱in ninnau nak chixjunil naru xba̱nunquil cha̱cuu. Cui ta naru incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in.—

1 Ts 4:8

Joꞌcan nak li ani natzꞌekta̱nan re li tijleb aꞌin, ma̱cuaꞌ cui̱nk li naxtzꞌekta̱na. Aꞌ ban li Dios li naqꞌuehoc ke li Santil Musikꞌej, aꞌan li naxtzꞌekta̱na.