Gálatas 4:4 - Li Santil hu

⁴ Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

Q'eqchi Bible

⁴ A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab',

Gálatas 4:4 ပူးပေါင်းရင်းမြစ်များ

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Romanos 1:3

Aꞌan aꞌin resilal li Ka̱cuaꞌ Jesucristo li Ralal li Dios. Li Ka̱cuaꞌ Jesucristo tzꞌakal cui̱nk xban nak quiyoꞌla arin saꞌ ruchichꞌochꞌ riqꞌuin jun reheb li ralal xcꞌajol laj David.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

San Marcos 1:15

Li Jesús quixye: —Xcuulac xkꞌehil lix nimajcual xcuanquilal li Dios. Chiyotꞌekꞌ e̱chꞌo̱l chejal e̱cꞌaꞌux ut pa̱bomak li Santil Evangelio, chan li Jesús.

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

San Mateo 1:23

Aꞌan aꞌin li quixye: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk lix cꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ. (Isa. 7:14) Chi jalbil ru Emanuel naraj naxye “Li Dios cuan kiqꞌuin”.

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

Efesios 1:10

Ta̱cuulak xkꞌehil nak ta̱tzꞌaklok ru chixjunil joꞌ naraj li Dios. Tixjunaji chixjunil li cꞌaꞌru cuan joꞌ saꞌ choxa joꞌ saꞌ ruchichꞌochꞌ. Ut aꞌ chic li Cristo ta̱jolomi̱nk re chixjunil.

San Lucas 2:7

Ut quiyoꞌla li xbe̱n xcꞌulaꞌal, quixlan saꞌ tꞌicr ut quixyocob saꞌ xnaꞌaj xcuaheb li cuacax xban nak ma̱cꞌaꞌ xnaꞌajeb saꞌ eb li ochoch.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

San Lucas 1:35

Li ángel quixye re: —Riqꞌuin xcuanquil li Santil Musikꞌej tatcana̱k chi yaj aj ixk. Lix cuanquil li nimajcual Dios ta̱cua̱nk a̱cuiqꞌuin. Ut li cꞌulaꞌal li ta̱yoꞌla̱k, aꞌan santo ut tzꞌakal ralal li Dios.

San Juan 6:38

La̱in xinchal chak saꞌ choxa re tinba̱nu li cꞌaꞌru naraj li Dios li quitaklan chak cue. Moco xinchal ta chixba̱nunquil li cꞌaꞌru nacuaj la̱in.

Jeremías 31:22

¿Joꞌ najtil chic te̱beni e̱rib yalak bar, la̱ex li incꞌaꞌ nequex-abin chicuu? La̱in li Ka̱cuaꞌ tinqꞌue jun li acꞌ naꞌleb saꞌ ruchichꞌochꞌ. Aꞌan nak li ixk, aꞌan li ta̱ilok re li cui̱nk.

Hebreos 2:14

Ya̱l nak la̱o ut li Jesucristo junaj li kachoxahil Yucuaꞌ. Li Jesucristo quitzꞌejcualoꞌ joꞌ la̱o. Quicuan xquiqꞌuel. Quicuan xbakel ut xtibel. Li Jesucristo quicam. Riqꞌuin lix camic, li Ka̱cuaꞌ Jesucristo quixsach xcuanquil laj tza, xban nak saꞌ xcꞌabaꞌ laj tza nak cuan li ca̱mc.

San Juan 10:36

Li Acuabej Dios xsicꞌoc cuu ut xinixtakla chak saꞌ ruchichꞌochꞌ. ¿Cꞌaꞌut nak nequeye la̱ex nak yo̱quin chixmajecuanquil li Dios riqꞌuin nak ninye nak la̱in li Ralal?

Zacarías 6:12

Ut ta̱ye re: Joꞌcaꞌin xye li Ka̱cuaꞌ li nimajcual Dios: Li sa̱j cui̱nk li nequeꞌxye “Xtux Cheꞌ” re, aꞌan chanchan jun xtux li cheꞌ li na-el chak saꞌ xya̱nk li xeꞌ. Li cui̱nk aꞌan ta̱yi̱ba̱nk re lix templo li Ka̱cuaꞌ.

Isaías 48:16

Cha̱lkex cuiqꞌuin ut cherabihak li tinye e̱re. Chalen saꞌ xticlajic incꞌaꞌ xina̱tinac e̱riqꞌuin riqꞌuin a̱tin chꞌaꞌaj xtaubal ru. Cuanquin e̱riqꞌuin nak yo̱ chi cꞌulma̱nc chixjunil aꞌin. Li nimajcual Dios ut li Santil Musikꞌej queꞌtaklan chak cue.—

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Romanos 15:8

La̱in ninye e̱re nak li Cristo quicꞌulun chi cꞌanjelac chiku la̱o aj judío. Riqꞌuin aꞌin naxcꞌutbesi chiku nak li Dios xqꞌue li quixyechiꞌi chak reheb li kaxeꞌto̱nil yucuaꞌ.

Hechos 1:7

Quichakꞌoc li Jesús ut quixye reheb: —Ma̱cuaꞌ e̱re la̱ex xnaubal li cꞌaꞌak re ru aꞌin. Caꞌaj cuiꞌ li Dios Acuabej nanaꞌoc re jokꞌe tixba̱nu xban nak caꞌaj cuiꞌ aꞌan yal re saꞌ xbe̱n chixjunil.

San Lucas 1:31

Anakcuan tatcana̱k chi yaj aj ixk. Li Dios tixqꞌue jun a̱cꞌulaꞌal te̱lom ut Jesús lix cꞌabaꞌ ta̱qꞌue.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

1 Juan 4:2

Chi joꞌcaꞌin naru te̱nau cui li Santil Musikꞌej xqꞌuehoc re li naꞌleb malaj incꞌaꞌ. Li ani ta̱yehok re nak li Jesucristo quitzꞌejcualoꞌ ut tzꞌakal cui̱nk nak quicꞌulun saꞌ ruchichꞌochꞌ, aꞌan li cuan li Santil Musikꞌej riqꞌuin.

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

Colosenses 2:14

Cuan tojba ma̱c saꞌ kabe̱n xban nak xkakꞌet li chakꞌrab tzꞌi̱banbil chak najter. Abanan li Dios quixye nak tojbil chic rix chixjunil li kama̱c xban nak li Jesucristo quicam chiru li cruz saꞌ kacꞌabaꞌ la̱o.

Romanos 9:5

Aꞌaneb li ralal xcꞌajol li kaxeꞌto̱nil yucuaꞌ laj Abraham, laj Isaac ut laj Jacob. Ut saꞌ xya̱nkeb aꞌan quiyoꞌla li Cristo nak quitzꞌejcualoꞌ ut quicꞌulun saꞌ ruchichꞌochꞌ. Lokꞌoninbil taxak chi junelic li Cristo li kꞌaxal nim xcuanquil saꞌ xbe̱neb chixjunileb. Joꞌcan taxak.

San Juan 8:42

Li Jesús quixye reheb: —Cui ta ya̱l nak li Dios e̱yucuaꞌ, niquine̱ra raj la̱in xban nak riqꞌuin li Dios quinchal chak. Cuanquin arin saꞌ e̱ya̱nk. Incꞌaꞌ quintakla chak cuib injunes. Aꞌ li Dios, aꞌan li quitaklan chak cue.

San Mateo 5:17

Me̱cꞌoxla nak xinchal chixsachbal xcuanquil li chakꞌrab li quiqꞌueheꞌ re laj Moisés chi moco li ac xoleꞌxye li profeta. Incꞌaꞌ xinchal chixsachbal xcuanquil aꞌan. Xinchal ban re nak ta̱tzꞌaklok ru aꞌan.

Malaquías 3:1

Li Dios quixye: —La̱in tintakla lin takl laj cꞌamol be chicuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb chixcꞌulbal li Jun li tintakla. Chi se̱b ta̱cha̱lk li Ka̱cuaꞌ li yo̱quex chixsicꞌbal ut ta̱oc saꞌ li templo. Li ani cha̱lc re, aꞌan ta̱xakaba̱nk re xcuanquil li contrato, li yo̱quex chiroybeninquil, chan li Dios.

Números 28:22

Ut teꞌxqꞌue ajcuiꞌ chokꞌ xmayejeb jun li te̱lom chiba̱t re xtojbal rix li ma̱c.

Romanos 5:6

La̱o incꞌaꞌ naru nakacol kib yal kajunes. Abanan quicuulac xkꞌehil nak quicam li Ka̱cuaꞌ Jesucristo re kacolbal la̱o aj ma̱c.

1 Timoteo 2:6

Ut aꞌan ajcuiꞌ li quixqꞌue rib chi ca̱mc saꞌ kacꞌabaꞌ la̱o re nak ta̱ru̱k tocolekꞌ chikajunilo. Ut nak quicuulac xkꞌehil, li Cristo quixcꞌutbesi chiku lix ya̱lal aꞌin nak quicam chiru li cruz.

San Lucas 20:44

Li rey David quixye “aj Colol cue” re li Ka̱cuaꞌ, usta aꞌan xcomoneb li ralal xcꞌajol, chan li Jesús.