Gálatas 4:30 - Li Santil hu

³⁰ Aban, ¿cꞌaꞌru naxye saꞌ li Santil Hu? Naxye chi joꞌcaꞌin: Isi li lokꞌbil mo̱s rochben lix yum xban nak li alalbej aꞌan incꞌaꞌ naru natzꞌak lix jun cablal li yucuaꞌbej. Aꞌ ban li alalbej li quiyoꞌla riqꞌuin li tzꞌakal ixakilbej, aꞌan li ta̱e̱chani̱nk re. (Gén. 21:10)

Q'eqchi Bible

³⁰ Ut k'aru naxye li Santil Hu? Naxye chi jo'ka'in: “Isi li loq'b'il ixq rochb'een li xyum, xb'aan naq li xyum li loq'b'il ixq ink'a' taatz'aq li xjunkab'lal li xyum li ach'ab'anb'il”.

Gálatas 4:30 ပူးပေါင်းရင်းမြစ်များ

San Juan 8:35

Junak cꞌayinbil chi cꞌanjelac moco ta̱cana̱k ta chi junaj cua saꞌ rochoch lix patrón. Aꞌut li alalbej, aꞌan tento nak ta̱cana̱k saꞌ rochoch chi junaj cua.

Santiago 4:5

Cuan xya̱lal nak tzꞌi̱banbil chi joꞌcaꞌin saꞌ li Santil Hu: Li Santil Musikꞌej li quixqꞌue li Dios chi cua̱nc kiqꞌuin, aꞌan kꞌaxal nocoxra ut aꞌan naraj nak caꞌaj cuiꞌ li Dios takalokꞌoni.

Gálatas 3:22

Li Santil Hu naxye nak chixjunil li ruchichꞌochꞌ cuan rubel xcuanquil li ma̱c re nak chixjunileb li teꞌpa̱ba̱nk re li Ka̱cuaꞌ Jesucristo teꞌxcꞌul ajcuiꞌ li colba-ib li quiyechiꞌi̱c xban li Dios.

Gálatas 3:8

Najter kꞌe cutan nak toj ma̱jiꞌ nacꞌulun resil li evangelio saꞌ ruchichꞌochꞌ, ac cuan saꞌ xchꞌo̱l li Dios nak ta̱ti̱cobresi̱k xchꞌo̱leb li ma̱cuaꞌeb aj judío nak teꞌpa̱ba̱nk. Joꞌcan nak tzꞌi̱banbil saꞌ li Santil Hu li quixye li Dios re laj Abraham: Saꞌ a̱cꞌabaꞌ la̱at osobtesinbilakeb chixjunileb li tenamit. (Gén. 12:3)

Romanos 11:2

Li Ka̱cuaꞌ Dios incꞌaꞌ quixtzꞌekta̱na lix tenamit, li quixsiqꞌueb ru junxil chokꞌ ralal xcꞌajol. ¿Ma incꞌaꞌ nequenau cꞌaꞌru tzꞌi̱banbil saꞌ li Santil Hu chirix laj Elías nak quitijoc chiru li Dios chixjitbaleb laj Israel? Quixye:

Romanos 4:3

Tzꞌi̱banbil saꞌ li Santil Hu nak laj Abraham quixpa̱b li cꞌaꞌru quixye li Dios. Ut xban lix pa̱ba̱l, li Dios quixye nak laj Abraham aꞌan jun cui̱nk ti̱c xchꞌo̱l. (Gén. 15:6)

Gálatas 4:22

Tzꞌi̱banbil retalil nak laj Abraham quicuan cuib li ralal, jun riqꞌuin li lokꞌbil mo̱s ut li jun chic riqꞌuin li tzꞌakal rixakil. (Gén. 21:2-9)

Gálatas 4:31

Joꞌcan ut, ex inherma̱n, la̱o ma̱cuaꞌo ralal xcꞌajol li lokꞌbil mo̱s. La̱o ban ralal xcꞌajol li tzꞌakal ixakilbej.