Gálatas 4:26 - Li Santil hu

²⁶ Abanan lix Sara, aꞌan retalil li Jerusalén li cuan saꞌ choxa. Ut la̱o ralal xcꞌajol aꞌan.

Q'eqchi Bible

²⁶ A'ut li Jerusalén wank taqe'q a'an ach'ab'anb'il ut a'an li qana',

Gálatas 4:26 ပူးပေါင်းရင်းမြစ်များ

Hebreos 12:22

Abanan la̱ex incꞌaꞌ xeba̱nu joꞌ queꞌxba̱nu eb laj Israel. Nak la̱ex nequepa̱b li Cristo, chanchan nak ac xexjiloc riqꞌuin li tzu̱l Sión. Sión naraj naxye li santil choxa cuan cuiꞌ li yoꞌyo̱quil Dios. Acꞌ Jerusalén nayeman ajcuiꞌ re li naꞌajej aꞌan. Aran cuanqueb li qꞌuila okꞌob chi ángel. Yo̱queb chixlokꞌoninquil li Dios.

Filipenses 3:20

Abanan la̱o nococꞌoxlac chirix li cuan saꞌ choxa xban nak la̱o reho chic li tzꞌakal Dios ut yo̱co chiroybeninquil nak tol-e̱lk cuiꞌchic li Ka̱cuaꞌ Jesucristo laj Colol ke.

Apocalipsis 21:2

Ut quicuil nak yo̱ chak chi cubec saꞌ choxa cuan cuiꞌ li Dios li santil tenamit, li Acꞌ Jerusalén. Cꞌajoꞌ xchꞌinaꞌusal. Chanchan jun li ixakilbej tikibanbil chi cha̱bil xban nak oc re chi sumla̱c.

Apocalipsis 3:12

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, tinqꞌue xlokꞌal ut ma̱ ani ta̱ru̱k ta̱isi̱nk re saꞌ lix naꞌaj li ta̱qꞌuehekꞌ re xban lin Yucuaꞌ. Chanchanak li okech li nacu̱tun re lix templo li Dios, li incꞌaꞌ na-ecꞌan saꞌ xnaꞌaj. Aꞌan ta̱cua̱nk riqꞌuin lin Yucuaꞌ chi junelic saꞌ li Acꞌ Jerusalén li tixqꞌue lin Yucuaꞌ cuan saꞌ choxa. Acꞌ chic lix cꞌabaꞌ tinqꞌue. Ut chixjunileb teꞌxnau nak aꞌan ralal xcꞌajol lin Yucuaꞌ. Ut tinqꞌue ajcuiꞌ re lin cꞌabaꞌ la̱in.

Isaías 66:10

Chisahokꞌ taxak le̱ chꞌo̱l riqꞌuin li tenamit Jerusalén. Chisahokꞌ taxak le̱ chꞌo̱l che̱junilex la̱ex li nequexrahoc re. Chinujak taxak le̱ chꞌo̱l riqꞌuin li sahil chꞌo̱lej la̱ex li quexya̱bac saꞌ xcꞌabaꞌ li tenamit Jerusalén.

Gálatas 4:22

Tzꞌi̱banbil retalil nak laj Abraham quicuan cuib li ralal, jun riqꞌuin li lokꞌbil mo̱s ut li jun chic riqꞌuin li tzꞌakal rixakil. (Gén. 21:2-9)

Romanos 6:18

Anakcuan colbilex chic chiru li ma̱c. Ut xekꞌaxtesi e̱rib joꞌ aj cꞌanjel chiru li Dios chixba̱nunquil li ti̱quilal.

Romanos 6:14

Incꞌaꞌ chic cheqꞌue e̱rib rubel xcuanquil li ma̱c. Anakcuan cuanquex rubel xcuanquil lix nimal rusilal li Dios. Moco cuanquex ta chic rubel xcuanquil li chakꞌrab li quiqꞌueheꞌ re laj Moisés.

San Juan 8:36

Joꞌcan nak cui la̱in li Cꞌajolbej tincolok e̱re chiru li ma̱c, relic chi ya̱l libre chic cua̱nkex.

Joel 3:17

La̱ex te̱nau nak la̱in li Ka̱cuaꞌ le̱ Dios ut cuanquin saꞌ lin santil naꞌaj saꞌ xbe̱n li tzu̱l Sión. Li tenamit Jerusalén ta̱santobresi̱k ut incꞌaꞌ chic teꞌcha̱lk li jalaneb xtenamit chi numta̱c saꞌ xbe̱n li tenamit Israel.

Isaías 65:18

Chisahokꞌ taxak saꞌ le̱ chꞌo̱l chi junelic xban li cꞌaꞌru tinyi̱b. La̱in tinyi̱b jun acꞌ Jerusalén nujenak chi sahil chꞌo̱lejil. Ut numtajenak xsahileb xchꞌo̱l li teꞌcua̱nk aran.

Oseas 4:5

Chi kꞌek chi cutan nequeba̱nu le̱ ma̱usilal ut joꞌcan ajcuiꞌ nequeꞌxba̱nu li profeta li incꞌaꞌ useb xnaꞌleb. La̱in tinsach ru le̱ tenamit, la̱ex aj Israel.

Oseas 2:5

xban nak eb aꞌan ralal xcꞌajol li ixk li incꞌaꞌ naxuta̱nac xba̱nunquil li ma̱usilal. Li ixk aꞌan quixye: —La̱in tinxic riqꞌuineb li cui̱nk li nequeꞌqꞌuehoc cue lin cua cuucꞌa, li nequeꞌqꞌuehoc cue li cha̱bil tꞌicr lana ut lino joꞌ ajcuiꞌ li vino ut li aceite olivo, chan.

Oseas 2:2

Ex cualal incꞌajol, chekꞌusak le̱ naꞌ. Yehomak re xcanabak xba̱nunquil li yibru naꞌleb xban nak aꞌan ma̱cuaꞌ chic cuixakil ut la̱in ma̱cuaꞌin chic xbe̱lom. Xcanabak xcꞌayinquil rib ut xcanabak xmuxbal ru lix sumlajic.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

1 Pedro 2:16

Libre chic cua̱nkex. Abanan moco xban ta nak libre chic cua̱nkex nak tex-oc chixba̱nunquil li ma̱usilal. Cheqꞌuehak ban e̱chꞌo̱l chi cꞌanjelac chiru li Dios.

Gálatas 5:1

Ma̱cuaꞌo chic joꞌ li lokꞌbil mo̱s xban nak moco cuanco ta chic rubel xcuanquil li najter chakꞌrab. Libre ban chic cuanco xban nak li Cristo quicoloc ke chiru xcuanquil li najter chakꞌrab. Chexcua̱nk ut chi cau e̱chꞌo̱l saꞌ le̱ pa̱ba̱l ut me̱qꞌue chic e̱rib rubel xcuanquil li chakꞌrab.

Isaías 52:9

Jap a̱cue xban xsahil a̱chꞌo̱l ut bichan re xlokꞌoninquil li Ka̱cuaꞌ, la̱at tenamit Jerusalén, li juqꞌuinbil a̱cuu. Sahak saꞌ a̱chꞌo̱l xban nak li Ka̱cuaꞌ tixcoleb lix tenamit ut tixcꞌojob xchꞌo̱leb. Tixcoleb lix tenamit Jerusalén.

Apocalipsis 17:5

Ut tzꞌi̱banbil saꞌ lix pe̱quem jun li cꞌabaꞌej mukmu xya̱lal. Aꞌan aꞌin li tzꞌi̱banbil: Li nimla tenamit Babilonia aꞌaneb li nequeꞌcꞌamoc be chi coꞌbe̱tac yumbe̱tac ut chixba̱nunquil chixjunil li ma̱usilal.

Gálatas 4:25

Lix Agar, aꞌan retalil li tzu̱l Sinaí li cuan Arabia. Aꞌan ajcuiꞌ retalil li tenamit Jerusalén. Ut eb laj Jerusalén chanchaneb li lokꞌbil mo̱s nak cuanqueb, xban nak toj cuanqueb rubel xcuanquil li najter chakꞌrab.

Apocalipsis 12:1

Ut quicuil jun li sachba chꞌo̱lej saꞌ choxa. Quicuil jun li ixk. Nalemtzꞌun li rakꞌ joꞌ nalemtzꞌun li sakꞌe. Li po cuan rubel rok ut cuan jun corona saꞌ xjolom ut chiru li corona cuan cablaju li chahim.