Gálatas 4:21 - Li Santil hu

²¹ La̱ex li toj te̱raj cua̱nc rubel xcuanquil li najter chakꞌrab, ¿cꞌaꞌut nak incꞌaꞌ nequeqꞌue retal li cꞌaꞌru naxye?

Q'eqchi Bible

²¹ Laa'ex li teeraj wank rub'el xwankil li Najter Chaq'rab', yehomaq we: ma ink'a' nekerab'i li naxye li Chaq'rab'?

Gálatas 4:21 ပူးပေါင်းရင်းမြစ်များ

Gálatas 3:10

Chixjunileb li nequeꞌxsicꞌ xti̱quilal xchꞌo̱l riqꞌuin xba̱nunquil li naxye saꞌ li najter chakꞌrab, tenebanbil li tojba ma̱c saꞌ xbe̱neb xban nak joꞌcaꞌin tzꞌi̱banbil saꞌ li Santil Hu: Tenebanbil li tojba ma̱c saꞌ xbe̱neb li ani incꞌaꞌ nequeꞌxba̱nu chixjunil li tzꞌi̱banbil retalil saꞌ li chakꞌrab. (Deut. 27:26)

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Gálatas 4:9

Anakcuan ac xexpa̱ban ut rehex chic li Dios. ¿Cꞌaꞌut nak te̱raj cuiꞌchic sukꞌi̱c chi cꞌanjelac saꞌ le̱ najteril naꞌleb li ma̱cꞌaꞌ na-oc cuiꞌ? Ut, ¿cꞌaꞌut nak te̱raj cuiꞌchic xqꞌuebal e̱rib rubel xcuanquil li najter chakꞌrab?

Romanos 6:14

Incꞌaꞌ chic cheqꞌue e̱rib rubel xcuanquil li ma̱c. Anakcuan cuanquex rubel xcuanquil lix nimal rusilal li Dios. Moco cuanquex ta chic rubel xcuanquil li chakꞌrab li quiqꞌueheꞌ re laj Moisés.

San Juan 15:25

Joꞌcaꞌin xcꞌulman xban nak tzꞌi̱banbil chak retalil saꞌ li chakꞌrab li quiqꞌueheꞌ reheb: Ma̱cꞌaꞌ raj inma̱c, abanan xicꞌ quineꞌril.

San Juan 12:34

Eb li qꞌuila tenamit queꞌxye re: —Saꞌ li kachakꞌrab la̱o aj judío tzꞌi̱banbil retalil nak li Cristo li Mesías ta̱cua̱nk xyuꞌam chi junelic. ¿Cꞌaꞌut nak nacaye la̱at nak li Cꞌajolbej ta̱qꞌuehekꞌ chiru cruz? ¿Ani li Cꞌajolbej li yo̱cat chixyebal? chanqueb.

San Juan 10:34

Li Jesús quixye reheb: —¿Ma incꞌaꞌ ta biꞌ tzꞌi̱banbil retalil saꞌ le̱ chakꞌrab nak li Dios quixye reheb li queꞌcꞌuluc re li ra̱tin “diosex la̱ex”? (Sal. 82:6)

San Lucas 16:29

Laj Abraham quixye re: “Cuan riqꞌuineb li hu li tzꞌi̱banbil xban laj Moisés, ut eb li profeta. Cheꞌxqꞌuehak retal li cꞌaꞌru tzꞌi̱banbil saꞌ li hu aꞌan,” chan.

San Marcos 10:3

Ut nak quichakꞌoc li Jesús, quixye reheb: —¿Cꞌaꞌru le̱ chakꞌrabinquil quixcanab e̱re laj Moisés?—