Gálatas 4:18 - Li Santil hu

¹⁸ Us cui teꞌraj e̱tenkꞌanquil cui chi anchal xchꞌo̱leb teꞌxba̱nu. Abanan tento teꞌxba̱nu chi junelic ut ma̱cuaꞌ caꞌaj cuiꞌ nak cuanquin e̱riqꞌuin.

Q'eqchi Bible

¹⁸ Maak'a' reek' naq texrahe'q, ab'an re chaab'ilal ut junelik; moko ka'aj ta wi' naq wankin sa' eeyanq.

Gálatas 4:18 ပူးပေါင်းရင်းမြစ်များ

Filipenses 2:12

Ex inherma̱n, raro̱quex inban, junelic xexpa̱ban chicuu nak cuanquin chak e̱riqꞌuin. Joꞌcan ajcuiꞌ te̱ba̱nu anakcuan nak ma̱ anihin e̱riqꞌuin. Junelic chexcꞌoxlak chirix le̱ colbal. Cheqꞌuehak taxak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak ta̱tzꞌaklok ru le̱ colbal.

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Filipenses 1:27

Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.

Gálatas 4:13

La̱ex nequenau nak xban nak quinyajer, quincana Galacia. Joꞌcan nak quiru quinye resil li evangelio e̱re xbe̱n cua.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

Salmos 119:139

Cꞌajoꞌ nak nachal lin joskꞌil chirilbal nak eb li xicꞌ nequeꞌiloc cue nequeꞌxtzꞌekta̱na la̱ chakꞌrab.

San Juan 2:17

Tojoꞌnak quinak saꞌ xchꞌo̱leb lix tzolom nak tzꞌi̱banbil retalil saꞌ li Santil Hu li naxye chi joꞌcaꞌin: La̱in ninra la̱ cuochoch ut narahoꞌ saꞌ inchꞌo̱l nak nequeꞌxba̱nu li incꞌaꞌ us saꞌ la̱ cuochoch. (Sal. 69:9)

Isaías 59:17

Li ti̱quilal quicꞌanjelac chiru joꞌ jun li chꞌi̱chꞌ re xcolbal re xchꞌo̱l. Ut li colba-ib quicꞌanjelac chiru joꞌ lix punit chꞌi̱chꞌ. Ut li tojba ma̱c quicꞌanjelac chiru joꞌ li rakꞌ. Ut lix joskꞌil quicꞌanjelac chiru joꞌ li tꞌicr re xlanbal rib.

Salmos 69:9

Cꞌajoꞌ nak ninra la̱ cuochoch ut nayotꞌeꞌ inchꞌo̱l nak nequeꞌxba̱nu li incꞌaꞌ us saꞌ la̱ cuochoch. Saꞌ inbe̱n quinak la̱ majecuanquil li queꞌxba̱nu eb li queꞌhoboc a̱cue.

Gálatas 4:20

Nacuaj ta ac cuanquin e̱riqꞌuin anakcuan re nak tinnau chanru tina̱tinak e̱riqꞌuin. Cꞌajoꞌ incꞌaꞌux che̱rix xban nak incꞌaꞌ ninnau chanru cuanquex.

Gálatas 4:17

Chanchan kꞌaxal nequera eb laj balakꞌ. Abanan ma̱cuaꞌ usilal li teꞌraj e̱riqꞌuin. E̱balakꞌinquil ban li teꞌraj. Eb aꞌan teꞌraj nak te̱risi e̱rib cuiqꞌuin re nak eb aꞌan chic li te̱ta̱ke.