Gálatas 4:17 - Li Santil hu

¹⁷ Chanchan kꞌaxal nequera eb laj balakꞌ. Abanan ma̱cuaꞌ usilal li teꞌraj e̱riqꞌuin. E̱balakꞌinquil ban li teꞌraj. Eb aꞌan teꞌraj nak te̱risi e̱rib cuiqꞌuin re nak eb aꞌan chic li te̱ta̱ke.

Q'eqchi Bible

¹⁷ Leeraab'al neke'xb'aanu eb' a'an, moko us ta; li te'raj, a'an eejek'b'al wik'in re naq a'aneb' chik teera ut teetaaqeheb'.

Gálatas 4:17 ပူးပေါင်းရင်းမြစ်များ

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

1 Corintios 4:8

Ac xcꞌojla e̱chꞌo̱l xban nak saꞌ e̱chꞌo̱l la̱ex nak ac xetau e̱naꞌleb. Chanchanex li biom saꞌ le̱ pa̱ba̱l nak nequecꞌoxla. ¿Ma la̱ex chic rey nak nequecꞌoxla? Saꞌ e̱chꞌo̱l la̱ex nak ma̱cꞌaꞌ kacuanquil. Us raj ac ta cuan xetau e̱naꞌaj chokꞌ rey, re nak tocua̱nk ajcuiꞌ raj la̱o chi takla̱nc e̱rochben.

Romanos 10:2

La̱in ninnau nak nequeꞌx-oxlokꞌi li Dios, abanan toj ma̱jiꞌ nequeꞌxnau chanru xpa̱banquil li Dios.

San Mateo 23:15

Ra cha̱lel saꞌ e̱be̱n la̱ex aj tzꞌi̱b ut la̱ex aj fariseo, ex aj caꞌ pacꞌal u. Nequesuti li ruchichꞌochꞌ joꞌ ajcuiꞌ li palau re xsicꞌbal ani ta̱pa̱ba̱nk re le̱ tijleb. Ut nak ac xeꞌxkꞌaxtesi rib saꞌ e̱ya̱nk, kꞌaxal cuiꞌchic yibru xnaꞌlebeb che̱ru la̱ex ut e̱ma̱c la̱ex nak teꞌxic saꞌ xbalba.

2 Pedro 2:18

Nequeꞌoc chi yehoc xni̱nkal ru a̱tin saꞌ lix majelal xnaꞌlebeb. Ut riqꞌuin li ma̱c naxrahi li tzꞌejcualej yo̱queb chixkꞌunbesinquileb li cristian li toj queꞌel chak saꞌ xya̱nkeb.

Filipenses 2:21

Eb li jun chꞌol chic junes li us chokꞌ reheb aꞌan nequeꞌxcꞌoxla ut incꞌaꞌ nequeꞌxcꞌoxla xba̱nunquil li naraj li Jesucristo.

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

1 Corintios 11:2

Ex inherma̱n, cꞌajoꞌ nasahoꞌ saꞌ inchꞌo̱l nak ninjulticoꞌ e̱re ut yo̱quex chixba̱nunquil li tijleb xexintzol cuiꞌ.

1 Corintios 4:18

Cuan li xeꞌkꞌetkꞌetoꞌ saꞌ e̱ya̱nk. Eb aꞌan nequeꞌxye nak ninxucuac. Joꞌcan nak incꞌaꞌ chic ninxic e̱riqꞌuin.

Gálatas 4:16

¿Ma xicꞌ chic niquine̱ril anakcuan yal xban nak xinye e̱re lix ya̱lal chi joꞌcanan?

Gálatas 4:18

Us cui teꞌraj e̱tenkꞌanquil cui chi anchal xchꞌo̱leb teꞌxba̱nu. Abanan tento teꞌxba̱nu chi junelic ut ma̱cuaꞌ caꞌaj cuiꞌ nak cuanquin e̱riqꞌuin.