Gálatas 4:12 - Li Santil hu

¹² Ex inherma̱n, usta la̱in aj judío, xcuisi cuib rubel xcuanquil li chakꞌrab. Nintzꞌa̱ma che̱ru nak te̱ba̱nu joꞌ xinba̱nu la̱in. Me̱qꞌue chic e̱rib rubel xcuanquil li chakꞌrab. La̱ex ma̱cꞌaꞌ junak raylal xeba̱nu cue.

Q'eqchi Bible

¹² Ex was wiitz'in, nintz'aama cheru naq jo'kaqex laa'in, xb'aan naq laa'in xinb'aanu wib' kama' laa'ex. Maak'a' junaq rahilal xeb'aanu we.

Gálatas 4:12 ပူးပေါင်းရင်းမြစ်များ

2 Corintios 2:5

Li ani quixqꞌue xrahil inchꞌo̱l xban li incꞌaꞌ us quixba̱nu, moco caꞌaj cuiꞌ la̱in ta quixqꞌue xrahil inchꞌo̱l. Quixqꞌue aj ban cuiꞌ xrahil e̱chꞌo̱l la̱ex. Aban ma̱re cuan ajcuiꞌ incꞌaꞌ quirahoꞌ xchꞌo̱l xban. Abanan ninnau nak cuan ajcuiꞌ queꞌrahoꞌ xchꞌo̱l xban. Incꞌaꞌ nacuaj xkꞌusbal chi kꞌaxal cau.

1 Reyes 22:4

Quixpatzꞌ re laj Josafat: —¿Ma tina̱tenkꞌa chi pletic riqꞌuineb li cuanqueb Ramot, xcue̱nt Galaad? chan. Ut laj Josafat quixye re: —La̱in ut eb lin soldado texkatenkꞌa. Lin soldado ut eb lin cacua̱y teꞌxic che̱tenkꞌanquil chi pletic.

Génesis 34:15

Cui chixjunilex la̱ex te̱cꞌul li circuncisión joꞌ nak xkacꞌul la̱o, la̱o takasume li cꞌaꞌru xaye ke.

Gálatas 6:14

Aꞌut la̱in ma̱ jokꞌe tinnimobresi cuib injunes. Li cꞌaꞌru ninnimobresi xcuanquil la̱in, aꞌan lix camic li Ka̱cuaꞌ Jesucristo chiru li cruz. Saꞌ xcꞌabaꞌ lix camic li Cristo, camenak chic lix naꞌleb li ruchichꞌochꞌ chicuu, ut chanchan nak camenakin la̱in chiru li ruchichꞌochꞌ.

Gálatas 2:14

Nak quinqꞌue retal nak incꞌaꞌ yo̱queb chixba̱nunquil joꞌ naraj li evangelio, chiruheb chixjunileb laj pa̱banel quinye re laj Pedro: “Ya̱l nak la̱at aj judío chalen chak saꞌ la̱ yoꞌlajic, abanan ac junxil xacanab xba̱nunquil li cꞌaynakeb chixba̱nunquil laj judío. ¿Cꞌaꞌut nak nacamineb ru li ma̱cuaꞌeb laj judío chixba̱nunquil joꞌ nequeꞌxba̱nu laj judío?” chanquin re.

2 Corintios 6:13

Yo̱quin chi a̱tinac e̱riqꞌuin joꞌ nak naa̱tinac junak li yucuaꞌbej riqꞌuin li ralal xcꞌajol. Nintzꞌa̱ma che̱ru nak tine̱ra joꞌ nak nequexinra la̱in.

Hechos 21:21

Ac xeꞌrabi resil nak la̱at yo̱cat chixcꞌutbal chiruheb laj judío, li cuanqueb saꞌ xya̱nkeb li ma̱cuaꞌeb aj judío, nak incꞌaꞌ teꞌxba̱nu li circuncisión reheb li ralal xcꞌajol, chi moco teꞌxba̱nu li cꞌaꞌru cꞌaynakeb xba̱nunquil laj judío.

Gálatas 6:18

Ex inherma̱n, aꞌ taxak li rusilal li Ka̱cuaꞌ Jesucristo chicua̱nk e̱riqꞌuin che̱junilex. Joꞌcan taxak.

2 Corintios 6:11

Ex herma̱n, la̱ex li cuanquex Corinto, nequexinra. Joꞌcan nak xinye e̱re chixjunil li cuan saꞌ inchꞌo̱l.

Gálatas 4:11

Nachal incꞌaꞌux e̱ban. Ma̱re yal ma̱cꞌaꞌ rajbal nak xincꞌanjelac saꞌ e̱ya̱nk.

Gálatas 4:13

La̱ex nequenau nak xban nak quinyajer, quincana Galacia. Joꞌcan nak quiru quinye resil li evangelio e̱re xbe̱n cua.