Gálatas 3:23 - Li Santil hu

²³ Nak toj ma̱jiꞌ nacꞌulun li Jesucristo saꞌ ruchichꞌochꞌ, toj cuanco rubel xcuanquil li chakꞌrab. Chanchan cuanco chi pre̱xil. Yo̱co chiroybeninquil nak li Dios tixtakla chak li Jesucristo li yechiꞌinbil xban, re nak riqꞌuin xpa̱banquil aꞌan tocolekꞌ.

Q'eqchi Bible

²³ Naq toj maji' nak'ulunk li paab'aal, tz'aptz'ooko naq koowank rub'el xwankil li Chaq'rab', yooko chi royb'eninkil naq tolxk'utb'esi rib' li paab'aal.

Gálatas 3:23 ပူးပေါင်းရင်းမြစ်များ

Gálatas 5:18

Ut cui la̱ex beresinbilex xban li Santil Musikꞌej, moco cuanquex ta chic rubel xcuanquil li najter chakꞌrab.

Gálatas 3:19

¿Cꞌaꞌru aj e nak quiqꞌueheꞌ li chakꞌrab? Aꞌan quiqꞌueheꞌ re nak tixcꞌut chiruheb li tenamit nak aꞌaneb aj kꞌetol chakꞌrab. Ut li chakꞌrab aꞌan quicuan xcuanquil toj quicꞌulun li Jesucristo li quiyoꞌla saꞌ xya̱nkeb li ralal xcꞌajol laj Abraham, li yechiꞌinbil xban li Dios. Eb li ángel queꞌcꞌanjelac chiru li Dios nak queꞌxye li chakꞌrab re laj Moisés; ut laj Moisés, aꞌan li quiyehoc re chiruheb li tenamit.

Romanos 11:32

Li Dios quiril nak chixjunileb li cuanqueb saꞌ ruchichꞌochꞌ aj ma̱queb. Joꞌcan nak quixcanabeb chixba̱nunquil lix ma̱usilaleb xbaneb lix kꞌetba a̱tin. Aban toj cuan ajcuiꞌ ruxta̱n li Dios saꞌ xbe̱neb.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Hebreos 11:13

Chixjunileb aꞌan quilajeꞌcam. Usta incꞌaꞌ queꞌxcꞌul chixjunil li cꞌaꞌru quiyechiꞌi̱c reheb xban li Dios, queꞌxpa̱b nak ta̱cꞌulma̱nk li yechiꞌinbil. Joꞌcan nak saheb saꞌ xchꞌo̱l. Queꞌxye nak li ruchichꞌochꞌ aꞌin ma̱cuaꞌ tzꞌakal xnaꞌajeb; yal numeleb ban saꞌ ruchichꞌochꞌ.

Gálatas 4:21

La̱ex li toj te̱raj cua̱nc rubel xcuanquil li najter chakꞌrab, ¿cꞌaꞌut nak incꞌaꞌ nequeqꞌue retal li cꞌaꞌru naxye?

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.