Gálatas 3:22 - Li Santil hu

²² Li Santil Hu naxye nak chixjunil li ruchichꞌochꞌ cuan rubel xcuanquil li ma̱c re nak chixjunileb li teꞌpa̱ba̱nk re li Ka̱cuaꞌ Jesucristo teꞌxcꞌul ajcuiꞌ li colba-ib li quiyechiꞌi̱c xban li Dios.

Q'eqchi Bible

²² Ab'an li Santil Hu kixch'utub' chixjunil rub'el xwankil li maak re naq li xyeechi'om li Yos taak'eemanq reheb' laj paab'anel sa' xk'ab'a' xpaab'ankil li Jesukriist.

Gálatas 3:22 ပူးပေါင်းရင်းမြစ်များ

Romanos 11:32

Li Dios quiril nak chixjunileb li cuanqueb saꞌ ruchichꞌochꞌ aj ma̱queb. Joꞌcan nak quixcanabeb chixba̱nunquil lix ma̱usilaleb xbaneb lix kꞌetba a̱tin. Aban toj cuan ajcuiꞌ ruxta̱n li Dios saꞌ xbe̱neb.

Hebreos 9:15

Anakcuan cuan li acꞌ contrato xban xcamic li Jesucristo. Chixjunileb li bokbileb xban li Dios ta̱cua̱nk xcuybal lix ma̱queb, eb li queꞌcuan rubel xcuanquil li xbe̱n contrato joꞌ ajcuiꞌ la̱o li cuanco rubel xcuanquil li acꞌ contrato. Ut ta̱cua̱nk kayuꞌam chi junelic joꞌ quixyechiꞌi li Dios. Li Jesucristo quicam chiru cruz re kacolbal. Riqꞌuin lix lokꞌlaj quiqꞌuel quixtoj rix li kama̱c.

Gálatas 3:23

Nak toj ma̱jiꞌ nacꞌulun li Jesucristo saꞌ ruchichꞌochꞌ, toj cuanco rubel xcuanquil li chakꞌrab. Chanchan cuanco chi pre̱xil. Yo̱co chiroybeninquil nak li Dios tixtakla chak li Jesucristo li yechiꞌinbil xban, re nak riqꞌuin xpa̱banquil aꞌan tocolekꞌ.

1 Juan 2:25

Li yuꞌam ma̱cꞌaꞌ rosoꞌjic, aꞌan li naxyechiꞌi ke li Jesucristo.

San Juan 3:36

Li ani napa̱ban re li Cꞌajolbej cuan xyuꞌam chi junelic. Ut li ani incꞌaꞌ napa̱ban re li Cꞌajolbej incꞌaꞌ ta̱cua̱nk xyuꞌam chi junelic. Cuan ban li tojba ma̱c saꞌ xbe̱n, chan laj Juan.

San Juan 12:46

La̱in xinchal chixqꞌuebal li cutan saken saꞌ ruchichꞌochꞌ. Li ani ta̱pa̱ba̱nk cue la̱in, aꞌan incꞌaꞌ chic ta̱cua̱nk saꞌ xkꞌojyi̱nal ru li ma̱c.

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

Salmos 143:2

Incꞌaꞌ taxak tatrakok a̱tin saꞌ inbe̱n la̱in aj cꞌanjel cha̱cuu xban nak ma̱ ani ta̱ru̱k tixye nak ma̱cꞌaꞌ xma̱c cha̱cuu.

2 Pedro 3:13

Abanan li Ka̱cuaꞌ Dios quixyechiꞌi ke li acꞌ choxa ut li acꞌ ruchichꞌochꞌ. Aꞌan yo̱co chiroybeninquil. Saꞌ li ruchichꞌochꞌ aꞌan junes ti̱quilal ta̱cua̱nk.

2 Pedro 1:4

Saꞌ xcꞌabaꞌ lix nimal xlokꞌal ut xcuanquilal li Dios quixyechiꞌi kama̱tan kꞌaxal lokꞌ ut nim xcuanquil. Li Dios quixyechiꞌi ke lix cuanquilal re toe̱lk saꞌ li ma̱usilal li cuan saꞌ ruchichꞌochꞌ ut quixyechiꞌi ajcuiꞌ ke lix cuanquilal re nak takacanab xrahinquil ru li ma̱c, ut re ajcuiꞌ nak totzꞌako̱nk riqꞌuin lix ti̱quilal li Dios.

2 Timoteo 1:1

La̱in laj Pablo. La̱in x-apóstol li Jesucristo xban nak joꞌcan quiraj li Dios. Taklanbilin chixyebal resil li acꞌ yuꞌam li yechiꞌinbil ke xban li Dios, li yuꞌam li naxqꞌue ke li Jesucristo.

Gálatas 3:29

Cui la̱ex rehex chic li Cristo, la̱ex ajcuiꞌ ralal xcꞌajol laj Abraham ut la̱ex te̱re̱chani ajcuiꞌ li cꞌaꞌru quiyechiꞌi̱c re laj Abraham xban li Dios.

Romanos 10:9

Cui riqꞌuin xtzꞌu̱mal a̱cue ta̱chꞌolob xya̱lal nak li Jesús aꞌan li Cristo li Ralal li Dios, ut cui ta̱pa̱b chi anchal a̱chꞌo̱l nak li Dios quicuaclesin cuiꞌchic re chi yoꞌyo saꞌ xya̱nkeb li camenak, tatcolekꞌ.

Romanos 5:12

Joꞌcaꞌin nak quiticla li ma̱c saꞌ ruchichꞌochꞌ, yal xban jun chi cui̱nk aj Adán xcꞌabaꞌ. Ut xban li ma̱c cuan li ca̱mc ut chixjunileb nequeꞌcam xban nak chixjunileb xeꞌma̱cob.

Romanos 3:23

Chixjunileb xeꞌma̱cob ut incꞌaꞌ nequeꞌxcꞌul li lokꞌal li naxqꞌue li Dios.

Hechos 16:31

Eb aꞌan queꞌxye: —Pa̱b li Ka̱cuaꞌ Jesucristo. Tatcolekꞌ la̱at joꞌqueb ajcuiꞌ li cuanqueb saꞌ la̱ cuochoch, chan laj Pablo.

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

San Juan 6:40

Li Yucuaꞌbej li quitaklan chak cue, aꞌan naraj nak chixjunileb li teꞌxqꞌue retal nak la̱in li Cꞌajolbej ut tineꞌxpa̱b ta̱cua̱nk xyuꞌameb chi junelic. Ut la̱in tincuaclesiheb ut tinqꞌue xyuꞌameb saꞌ rosoꞌjiqueb li cutan, chan li Jesús.

Gálatas 3:17

Aꞌin ut tinye: Li Dios quixba̱nu jun li contrato najter riqꞌuin laj Abraham ut quixxakab xcuanquil saꞌ xcꞌabaꞌ li Cristo. Li chakꞌrab li quiqꞌueheꞌ re laj Moisés ca̱hib ciento riqꞌuin laje̱b xcaꞌcꞌa̱l (430) chihab mokon incꞌaꞌ naxsach xcuanquil li contrato li ac xakabanbil xcuanquil, chi moco tixcanab ta chi ma̱cꞌaꞌ rajbal li yechiꞌinbil re laj Abraham xban li Dios.

Gálatas 3:14

Li Jesucristo quixtoj rix li kama̱c nak quicam chiru li cruz re nak saꞌ xcꞌabaꞌ aꞌan li ma̱cuaꞌeb aj judío teꞌxcꞌul li rosobtesinquil riqꞌuin li Dios joꞌ li quixcꞌul laj Abraham ut re ajcuiꞌ nak riqꞌuin xpa̱banquil li Jesucristo takacꞌul li Santil Musikꞌej li quiyechiꞌi̱c ke xban li Dios.

San Marcos 16:16

Li ani ta̱pa̱ba̱nk ut ta̱cube̱k xhaꞌ, aꞌan ta̱colekꞌ; aꞌut li ani incꞌaꞌ ta̱pa̱ba̱nk, aꞌan ta̱xic saꞌ tojba ma̱c.

Romanos 3:22

Ta̱ti̱cobresi̱k ban li kachꞌo̱l chiru li Dios riqꞌuin xpa̱banquil li Ka̱cuaꞌ Jesucristo. Chixjunileb li teꞌpa̱ba̱nk re, li Dios tixti̱cobresi lix chꞌo̱leb. Moco jalan ta li junju̱nk chiru li Dios.