Gálatas 3:20 - Li Santil hu

²⁰ Abanan ma̱ ani quijaloc a̱tin nak li Dios quixyechiꞌi li ma̱tan re laj Abraham. Aꞌ li Dios, aꞌan li quiba̱nun re.

Q'eqchi Bible

²⁰ Ab'an, naq wank junaq aj oksinel aatin, naraj naxye naq wankeb' ka' jachal, a'ut li Yos jun ajwi' chirib'il.

Gálatas 3:20 ပူးပေါင်းရင်းမြစ်များ

1 Timoteo 2:5

Ut li ya̱l, aꞌan aꞌin: nak jun ajcuiꞌ li Dios cuan ut jun ajcuiꞌ li na-oquen ut naa̱tinac chikix chiru li Dios. Aꞌan li Ka̱cuaꞌ Jesucristo li quitzꞌejcualoꞌ nak quicꞌulun saꞌ ruchichꞌochꞌ.

Deuteronomio 6:4

Abihomak, la̱ex aj Israel, li Ka̱cuaꞌ li kaDios, aꞌan jun ajcuiꞌ.

Hebreos 9:15

Anakcuan cuan li acꞌ contrato xban xcamic li Jesucristo. Chixjunileb li bokbileb xban li Dios ta̱cua̱nk xcuybal lix ma̱queb, eb li queꞌcuan rubel xcuanquil li xbe̱n contrato joꞌ ajcuiꞌ la̱o li cuanco rubel xcuanquil li acꞌ contrato. Ut ta̱cua̱nk kayuꞌam chi junelic joꞌ quixyechiꞌi li Dios. Li Jesucristo quicam chiru cruz re kacolbal. Riqꞌuin lix lokꞌlaj quiqꞌuel quixtoj rix li kama̱c.

Hebreos 8:6

Aꞌut lix cꞌanjel li Jesucristo numtajenak xcuanquil chiru li queꞌxba̱nu chak eb laj tij junxil. Saꞌ li acꞌ contrato li Jesucristo chic naa̱tinac chikix chiru li Dios. Kꞌaxal cha̱bil li acꞌ contrato xban nak riqꞌuin aꞌan kꞌaxal lokꞌ cuiꞌchic li yechiꞌinbil ke xban li Dios.

Li xHu LAJ JOB 9:33

Us raj nak cuan ta junak aj rakol a̱tin cuan xcuanquil chi rakoc a̱tin saꞌ kabe̱n saꞌ cuibal.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

Gálatas 3:17

Aꞌin ut tinye: Li Dios quixba̱nu jun li contrato najter riqꞌuin laj Abraham ut quixxakab xcuanquil saꞌ xcꞌabaꞌ li Cristo. Li chakꞌrab li quiqꞌueheꞌ re laj Moisés ca̱hib ciento riqꞌuin laje̱b xcaꞌcꞌa̱l (430) chihab mokon incꞌaꞌ naxsach xcuanquil li contrato li ac xakabanbil xcuanquil, chi moco tixcanab ta chi ma̱cꞌaꞌ rajbal li yechiꞌinbil re laj Abraham xban li Dios.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Hechos 12:20

Laj Herodes yo̱ xjoskꞌil saꞌ xbe̱neb laj Tiro ut laj Sidón. Eb aꞌan queꞌchal saꞌ comonil. Ut queꞌxkꞌunbesi laj Blasto li natenkꞌan re li rey. Queꞌxtzꞌa̱ma chiru nak aꞌan ta̱a̱tinak chirixeb chiru li rey re nak ta̱ru̱k teꞌxcꞌam rib saꞌ usilal riqꞌuin xban nak saꞌ xtenamit li rey na-el xtzacae̱mkeb.