Gálatas 3:2 - Li Santil hu

² Caꞌaj cuiꞌ aꞌin nacuaj xpatzꞌbal e̱re. ¿Ma riqꞌuin ta biꞌ xba̱nunquil li naxye saꞌ li chakꞌrab nak xecꞌul li Santil Musikꞌej? Ma̱ jokꞌe. La̱ex xecꞌul li Santil Musikꞌej nak xepa̱b li Cristo.

Q'eqchi Bible

² Ka'ajwi' a'in nawaj xnawb'al eerik'in: ma xek'ul li Musiq'ej sa' xk'ab'a' xk'anjelankil li Chaq'rab' malaj rik'in xpaab'ankil li Aatin eerab'ihom wik'in?

Gálatas 3:2 ပူးပေါင်းရင်းမြစ်များ

Gálatas 3:14

Li Jesucristo quixtoj rix li kama̱c nak quicam chiru li cruz re nak saꞌ xcꞌabaꞌ aꞌan li ma̱cuaꞌeb aj judío teꞌxcꞌul li rosobtesinquil riqꞌuin li Dios joꞌ li quixcꞌul laj Abraham ut re ajcuiꞌ nak riqꞌuin xpa̱banquil li Jesucristo takacꞌul li Santil Musikꞌej li quiyechiꞌi̱c ke xban li Dios.

Hechos 15:8

Li Dios naxnau cꞌaꞌru nanumeꞌ saꞌ xchꞌo̱l li junju̱nk. Quixcꞌut chiku nak naxraheb aꞌan nak quixqꞌue li Santil Musikꞌej reheb joꞌ nak quixqꞌue ke la̱o.

Gálatas 3:5

Li Dios naxqꞌue li Santil Musikꞌej ut naxba̱nu li milagros e̱riqꞌuin. Nacuaj tinpatzꞌ e̱re aꞌin: ¿ma naxba̱nu aꞌan xban nak nequepa̱b li chakꞌrab malaj ut xban nak xepa̱b li Cristo li quiyeheꞌ resil e̱re?

Hebreos 2:4

Li Dios quixcꞌut chiku nak tzꞌakal ya̱l aꞌan riqꞌuineb li retalil ut li milagro li quilajxba̱nu riqꞌuin lix nimal xcuanquilal. Ut naxcꞌut ajcuiꞌ chiku nak ya̱l xban nak naxqꞌue li Santil Musikꞌej reheb li junju̱nk. Joꞌcan nak ac xma̱tan xma̱tan li junju̱nk joꞌ naraj li Dios.

Hechos 8:15

Nak queꞌcuulac Samaria, queꞌtijoc saꞌ xbe̱neb laj pa̱banel re nak teꞌxcꞌul li Santil Musikꞌej xban nak toj ma̱jiꞌ queꞌxcꞌul.

Hechos 2:38

Laj Pedro quichakꞌoc ut quixye reheb: —Chiyotꞌekꞌ e̱chꞌo̱l ut jalomak e̱cꞌaꞌux ut ta̱cubsi̱k e̱haꞌ chi junju̱nkalex saꞌ xcꞌabaꞌ li Jesucristo re nak tixcuy e̱ma̱c li Dios ut tixqꞌue e̱re li Santil Musikꞌej.

Hebreos 6:4

Cuanqueb li ac xeꞌxtau xya̱lal. Xeꞌxcꞌul li rusilal li Dios. Xeꞌxcꞌul li Santil Musikꞌej.

Romanos 1:17

Lix ya̱lal li colba-ib naxcꞌut chiku nak caꞌaj cuiꞌ riqꞌuin xpa̱banquil li Dios ti̱c chic li kachꞌo̱l chiru ut cua̱nko chi sum a̱tin riqꞌuin, joꞌ naxye saꞌ li Santil Hu: Li ti̱c xchꞌo̱l riqꞌuin xpa̱banquil li Dios cuan xyuꞌam chi junelic. (Hab. 2:4)

1 Pedro 1:12

Li cꞌaꞌru quixcꞌutbesi chak li Dios chiruheb li profeta junxil incꞌaꞌ ta̱cꞌulma̱nk nak toj cuanqueb aꞌan. Ta̱cꞌulma̱nk ban saꞌ li cutan nak cuanquex la̱ex. Eb li profeta queꞌxchꞌolob che̱ru lix ya̱lal aꞌin, li quicꞌuteꞌ chak chiruheb xban li Santil Musikꞌej li taklanbil chak xban li Dios. Ut eb li ángel queꞌraj ajcuiꞌ raj xtaubal ru chixjunil li cꞌaꞌak re ru aꞌin.

2 Corintios 11:4

Nincꞌoxlac che̱rix xban nak cuan li nequeꞌcuulac saꞌ e̱ya̱nk ut nequeqꞌue e̱chꞌo̱l chirabinquil li cꞌaꞌru nequeꞌxye, usta jalan nequeꞌxcꞌut che̱ru chirix li Jesucristo. Ut nequepa̱b li cꞌaꞌru nequeꞌxye usta jalan nequeꞌxye chirix li Santil Musikꞌej. Ut naxcꞌul e̱chꞌo̱l nak jalan nequeꞌxcꞌut che̱ru chirix li colba-ib li ac xepa̱b xbe̱n cua.

1 Corintios 9:21

Eb li ma̱cuaꞌeb aj judío moco cuanqueb ta rubel xcuanquil lix chakꞌrab laj Moisés. Nak cuanquin saꞌ xya̱nkeb aꞌan, ninba̱nu joꞌ nequeꞌxba̱nu eb aꞌan re nak teꞌxpa̱b li Cristo inban la̱in. Abanan aꞌan incꞌaꞌ naraj naxye nak incꞌaꞌ ninba̱nu li naxye li Dios. Incꞌaꞌ ninba̱nu li incꞌaꞌ us. La̱in ninba̱nu li naxye li Cristo.

Gálatas 3:3

¿Ma kꞌaxal cuiꞌchic ma̱cꞌaꞌ e̱naꞌleb? Cui riqꞌuin li Santil Musikꞌej xetiquib chak xpa̱banquil li Jesucristo, ¿ma nequecꞌoxla anakcuan nak ta̱tzꞌaklok ru le̱ pa̱ba̱l yal riqꞌuin li cꞌaꞌak re ru nequeba̱nu e̱junes?

Hebreos 4:2

La̱o xkabi resil li colba-ib joꞌ nak queꞌrabi resil najter. Abanan ma̱cꞌaꞌ qui-oc cuiꞌ reheb nak queꞌrabi xban nak incꞌaꞌ queꞌpa̱ban.