Gálatas 3:14 - Li Santil hu

¹⁴ Li Jesucristo quixtoj rix li kama̱c nak quicam chiru li cruz re nak saꞌ xcꞌabaꞌ aꞌan li ma̱cuaꞌeb aj judío teꞌxcꞌul li rosobtesinquil riqꞌuin li Dios joꞌ li quixcꞌul laj Abraham ut re ajcuiꞌ nak riqꞌuin xpa̱banquil li Jesucristo takacꞌul li Santil Musikꞌej li quiyechiꞌi̱c ke xban li Dios.

Q'eqchi Bible

¹⁴ Chi jo'kan li maawa'eb' aj Judiiy te'xk'ul ajwi' li rosob'tesihom li Yos yeeb'il chaq re laj Abrahán, sa' xk'ab'a' li Kristo Jesus, ut laa'o sa' xk'ab'a' li paab'aal tqak'ul li Musiq'ej li yeechi'inb'il chaq.

Gálatas 3:14 ပူးပေါင်းရင်းမြစ်များ

1 Corintios 12:13

Chikajunilo junajo riqꞌuin li Cristo usta aj judío, usta ma̱cuaꞌ aj judío, usta lokꞌbil mo̱s, usta incꞌaꞌ. Xkacꞌul li cubi haꞌ saꞌ xcꞌabaꞌ li jun chi Santil Musikꞌej ut chikajunilo cuan li Santil Musikꞌej kiqꞌuin. Joꞌcan nak junajo riqꞌuin li Cristo.

Efesios 2:18

Anakcuan chikajunilo, usta la̱o aj judío usta ma̱cuaꞌo aj judío, naru nococuan chi sum a̱tin riqꞌuin li Yucuaꞌbej Dios saꞌ xcꞌabaꞌ li Cristo. Ut li junaj chi Santil Musikꞌej natenkꞌan ke.

Gálatas 3:2

Caꞌaj cuiꞌ aꞌin nacuaj xpatzꞌbal e̱re. ¿Ma riqꞌuin ta biꞌ xba̱nunquil li naxye saꞌ li chakꞌrab nak xecꞌul li Santil Musikꞌej? Ma̱ jokꞌe. La̱ex xecꞌul li Santil Musikꞌej nak xepa̱b li Cristo.

Hechos 2:33

Quicꞌameꞌ xban li Dios re nak ta̱cꞌojla̱k saꞌ lix nim ukꞌ ut quiqꞌueheꞌ xcuanquil. Ut quiqꞌueheꞌ li Santil Musikꞌej re xban li Dios. Ut quixqꞌue ajcuiꞌ ke la̱o li Santil Musikꞌej joꞌ quiyechiꞌi̱c ke. Aꞌan aꞌin li yo̱quex chirilbal ut chirabinquil anakcuan.

Ezequiel 11:19

La̱in tinacꞌobresi li ra̱meb ut tinjal lix cꞌaꞌuxeb. Tinkꞌunobresi li ra̱meb ut tincuisi li cacuil chꞌo̱lej li cuan riqꞌuineb.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

San Juan 7:39

Nak quixye aꞌin, li Jesús yo̱ chi a̱tinac chirix li Santil Musikꞌej li ta̱cua̱nk riqꞌuineb li teꞌpa̱ba̱nk re. Saꞌ li cutan aꞌan, li Santil Musikꞌej toj ma̱jiꞌ nacꞌulun xban nak li Jesús toj ma̱jiꞌ naxic saꞌ choxa chixcꞌulbal lix lokꞌal.

Isaías 32:15

Abanan li Ka̱cuaꞌ Dios tixqꞌue lix musikꞌ ke ut torosobtesi cuiꞌchic. Tixsukꞌisi li chaki chꞌochꞌ chokꞌ cha̱bil chꞌochꞌ. Ut li cha̱bil chꞌochꞌ kꞌaxal cuiꞌchic nabal li acui̱mk tixqꞌue.

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

Efesios 3:16

Kꞌaxal nim li rusilal li Dios. Joꞌcan nak nintzꞌa̱ma chiru nak li Santil Musikꞌej chiqꞌuehok e̱cuanquilal ut xcacuilal e̱chꞌo̱l saꞌ le̱ pa̱ba̱l.

Efesios 2:22

Joꞌcan ajcuiꞌ la̱ex. Xban nak rehex chic li Cristo, junajex chic riqꞌuineb laj pa̱banel. Ut la̱ex ajcuiꞌ li rochoch li Dios xban nak li Santil Musikꞌej cuan e̱riqꞌuin.

Gálatas 4:6

Re xcꞌutbal chiku nak la̱o chic ralal xcꞌajol, li Dios quixtakla li Santil Musikꞌej re nak ta̱cua̱nk kiqꞌuin. Ut xban nak cuan li Santil Musikꞌej kiqꞌuin, joꞌcan nak naru nakaye re li Dios, “at inYucuaꞌ.”

Gálatas 3:16

Joꞌ tzꞌi̱banbil saꞌ li Santil Hu, li cꞌaꞌru quiyechiꞌi̱c re laj Abraham xban li Dios, quiyechiꞌi̱c ajcuiꞌ reheb li ralal xcꞌajol. Moco yo̱ ta chi a̱tinac chirixeb chixjunileb li ralal xcꞌajol. Yo̱ ban chi a̱tinac chirix jun ajcuiꞌ. Ut li jun aꞌan, aꞌan li Cristo.

2 Corintios 1:22

Ut li Dios quixtakla chak li Santil Musikꞌej chi cua̱nc kiqꞌuin chokꞌ retalil nak reho chic. Xban nak li Santil Musikꞌej cuan kiqꞌuin, nakanau chi ya̱l nak takacꞌul chixjunil li quixyechiꞌi ke.

Isaías 49:6

Li Ka̱cuaꞌ quixye cue: —Ma̱cuaꞌ caꞌaj cuiꞌ aꞌin li cꞌanjel ta̱ba̱nu. Tinqꞌue ban chic jun li cꞌanjel a̱cue kꞌaxal lokꞌ. Ma̱cuaꞌ caꞌaj cuiꞌ xtenkꞌanquileb li ralal xcꞌajol laj Jacob ta̱ba̱nu re nak teꞌsukꞌi̱k cuiꞌchic cuiqꞌuin. Tatinqꞌue aj ban cuiꞌ chokꞌ xcutan xsakeneb li ma̱cuaꞌeb aj Israel ut la̱at tatyehok resil li colba-ib reheb li cuanqueb saꞌ chixjunil li ruchichꞌochꞌ.—

Hechos 5:32

La̱o xkil aꞌan riqꞌuin ku. Joꞌcan nak nakachꞌolob xya̱lal aꞌin ut li Santil Musikꞌej li naxqꞌue li Dios reheb li nequeꞌpa̱ban, aꞌan ajcuiꞌ nacꞌutuc re lix ya̱lal aꞌin, chanqueb.

Hechos 4:12

Ut ma̱ ani chic aj iqꞌuin ta̱ru̱k takatau kacolbal, xban nak ma̱cꞌaꞌ chic junak cꞌabaꞌej saꞌ chixjunil li ruchichꞌochꞌ qꞌuebil ta ke re ta̱ru̱k tocolekꞌ cuiꞌ, chan laj Pedro.

San Lucas 24:49

Ut la̱in tintakla chak e̱re le̱ ma̱tan li quixyechiꞌi lin Yucuaꞌ. Abanan cana̱kex arin saꞌ li tenamit Jerusalén toj te̱cꞌul le̱ cuanquil li ta̱cha̱lk saꞌ choxa, chan li Jesús reheb.

San Lucas 11:13

Cui la̱ex li moco cha̱bilex ta nequenau xqꞌuebal li cꞌaꞌru cha̱bil re le̱ ralal e̱cꞌajol, ¿ma tojaꞌ ta chic le̱ yucuaꞌ cuan saꞌ choxa incꞌaꞌ tixqꞌue li Santil Musikꞌej re li ani tixtzꞌa̱ma chiru? chan li Jesús reheb.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Ezequiel 39:29

Ut ma̱ jaruj chic tincanabeb xjuneseb xban nak tinqꞌue lin musikꞌ reheb li ralal xcꞌajol laj Israel, chan li nimajcual Dios.

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.

Jeremías 31:33

Li acꞌ contrato tinba̱nu riqꞌuineb laj Israel nak ta̱cuulak xkꞌehil, aꞌan aꞌin: Tinqꞌue chi cua̱nc lin chakꞌrab saꞌ li ra̱meb ut tinqꞌue chi cua̱nc saꞌ lix chꞌo̱leb. La̱inak lix Dioseb ut aꞌanakeb lin tenamit.

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

Isaías 41:8

Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

Génesis 22:18

Xban nak xapa̱b li cua̱tin, chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌeb la̱ cualal a̱cꞌajol, chan.

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.