Gálatas 3:12 - Li Santil hu

¹² Li chakꞌrab incꞌaꞌ naxye nak topa̱ba̱nk. Caꞌaj cuiꞌ naxye nak tento xba̱nunquil li naxye re nak ta̱cua̱nk li kayuꞌam. Joꞌcaꞌin tzꞌi̱banbil saꞌ li chakꞌrab: Li ani naxba̱nu chixjunil li naxye li chakꞌrab, li jun aꞌan ta̱cua̱nk xyuꞌam. (Lev. 18:5)

Q'eqchi Bible

¹² A'ut li Chaq'rab' ink'a' nachalk sa' xk'ab'a' li paab'aal, naxye b'an: “Li taab'aanunq re chixjunil a'in, yo'yooq sa' xk'ab'a' a'an”.

Gálatas 3:12 ပူးပေါင်းရင်းမြစ်များ

Levítico 18:5

Cui te̱ba̱nu li cꞌaꞌru naxye lin chakꞌrab li xinqꞌue e̱re, ut cui te̱ba̱nu chixjunil li cꞌaꞌru xexintakla cuiꞌ, ta̱cua̱nk le̱ yuꞌam. La̱in li Ka̱cuaꞌ le̱ Dios.

Nehemías 9:29

La̱at caye reheb nak teꞌxba̱nu joꞌ naxye li chakꞌrab. Abanan eb aꞌan queꞌxkꞌetkꞌeti rib ut incꞌaꞌ queꞌraj xba̱nunquil. Incꞌaꞌ queꞌxba̱nu joꞌ caye reheb. Queꞌxtzꞌekta̱na ban li chakꞌrab. Ut li chakꞌrab li caqꞌue reheb, aꞌan raj quiqꞌuehoc xyuꞌameb. Queꞌxcacuubresi ban lix chꞌo̱leb ut incꞌaꞌ queꞌraj rabinquil li cꞌaꞌru caye reheb.

Romanos 4:14

Cui ta caꞌaj cuiꞌ li cuanqueb rubel xcuanquil li najter chakꞌrab li teꞌe̱chani̱nk re li yechiꞌinbil xban li Dios, ma̱cꞌaꞌ raj na-oc cuiꞌ li kapa̱ba̱l. Ut ma̱cꞌaꞌ raj na-oc cuiꞌ li yechiꞌinbil xban li Dios.

Romanos 4:16

Xban nak cuan xpa̱ba̱l laj Abraham, li Dios quixyechiꞌi li ma̱tan re xban xnimal rusilal. Ut quixyechiꞌi ajcuiꞌ reheb chixjunileb li ralal xcꞌajol. Li yechiꞌinbil ma̱cuaꞌ caꞌaj cuiꞌ reheb li cuanqueb rubel xcuanquil li chakꞌrab. Reheb aj ban cuiꞌ chixjunileb li nequeꞌpa̱ban joꞌ nak quipa̱ban laj Abraham. Joꞌcan nak nayeman nak laj Abraham aꞌan li kayucuaꞌ chikajunilo xban nak aꞌan laj cꞌamol be chiku saꞌ li kapa̱ba̱l.

Ezequiel 20:11

La̱in quinqꞌue lin chakꞌrab reheb ut quincꞌut chiruheb chanru teꞌxba̱nu xban nak li ani naxba̱nu li cꞌaꞌru ninye, cua̱nk xyuꞌam.

Romanos 11:6

Moco riqꞌuin ta xyehom xba̱nuhomeb nak quixsiqꞌueb ru. Yal riqꞌuin ban lix nimal ruxta̱n li Dios nak quixsiqꞌueb ru. Cui ta quixsiqꞌueb ru saꞌ xcꞌabaꞌ xyehom xba̱nuhomeb, aꞌan ma̱cuaꞌ raj chic xban xnimal ruxta̱n li Dios.

San Mateo 19:17

Ut li Jesús quixye re: —¿Cꞌaꞌut nak nacaye cha̱bil cue cui incꞌaꞌ nacanau anihin? Jun ajcuiꞌ li cha̱bil cuan ut aꞌan li Dios. Cui ta̱cuaj nak ta̱cua̱nk la̱ yuꞌam chi junelic ba̱nu li cꞌaꞌru naxye li chakꞌrab.—

Ezequiel 20:13

Abanan eb laj Israel queꞌxkꞌetkꞌeti ribeb chicuu saꞌ li chaki chꞌochꞌ. Incꞌaꞌ queꞌxba̱nu li cꞌaꞌru quinye reheb. Queꞌxtzꞌekta̱na lin chakꞌrab usta queꞌxnau nak riqꞌuin xba̱nunquil li cꞌaꞌru ninye cua̱nk xyuꞌameb. Ut queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb ut tinsach ruheb saꞌ li chaki chꞌochꞌ.

Romanos 7:10

Li chakꞌrab xqꞌue raj inyuꞌam, abanan nak quicuabi chanchan incamsinquil quixba̱nu.