Gálatas 3:10 - Li Santil hu

¹⁰ Chixjunileb li nequeꞌxsicꞌ xti̱quilal xchꞌo̱l riqꞌuin xba̱nunquil li naxye saꞌ li najter chakꞌrab, tenebanbil li tojba ma̱c saꞌ xbe̱neb xban nak joꞌcaꞌin tzꞌi̱banbil saꞌ li Santil Hu: Tenebanbil li tojba ma̱c saꞌ xbe̱neb li ani incꞌaꞌ nequeꞌxba̱nu chixjunil li tzꞌi̱banbil retalil saꞌ li chakꞌrab. (Deut. 27:26)

Q'eqchi Bible

¹⁰ Chek'e reetal: chixjunileb' li k'ojk'ookeb' xch'ool rik'in xk'anjelankil li Chaq'rab' teneb'anb'il li tojb'amaak sa' xb'eeneb', xb'aan naq naxye li Santil Hu: “Maa'usinb'ilaqeb' chixjunileb' li ink'a' neke'xk'e xch'ool chirix chixjunil li tz'iib'anb'il sa' xhuhil li Chaq'rab' chi moko neke'xb'aanu”.

Gálatas 3:10 ပူးပေါင်းရင်းမြစ်များ

Deuteronomio 27:26

Tzꞌekta̱nanbil li ani incꞌaꞌ tixqꞌue xcuanquil chixjunil li chakꞌrab aꞌin, chi moco tixba̱nu li tijleb li xqꞌue li Ka̱cuaꞌ. Ut chixjunileb li tenamit teꞌxye: Joꞌcan taxak.

Romanos 8:7

Li toj yo̱queb chixba̱nunquil li naxrahi ru lix chꞌo̱leb, cuanqueb saꞌ xi̱qꞌuilal riqꞌuin li Dios ut incꞌaꞌ nequeꞌraj xcubsinquil rib rubel xcuanquil lix chakꞌrab li Dios chi moco nequeꞌru chixba̱nunquil.

Jeremías 11:3

Ta̱ye reheb: Joꞌcaꞌin xye li Ka̱cuaꞌ lix Dioseb laj Israel. Tzꞌekta̱nanbil li ani incꞌaꞌ naxba̱nu li cꞌaꞌru naxye saꞌ li contrato aꞌin.

Romanos 6:23

Lix tojbal rix li ma̱c, aꞌan li ca̱mc. Aban li ma̱tan naxqꞌue ke li Dios, aꞌan li junelic yuꞌam saꞌ xcꞌabaꞌ li Ka̱cuaꞌ Jesucristo laj Colol ke.

Romanos 4:15

Nachal xjoskꞌil li Dios saꞌ xbe̱neb li nequeꞌkꞌetoc re li chakꞌrab. Xban nak cuan li chakꞌrab, cuan li kꞌetoc a̱tin. Cui ta ma̱cꞌaꞌ li chakꞌrab, ma̱cꞌaꞌ raj kꞌetoc a̱tin.

Gálatas 2:16

Abanan nakanau nak ma̱ ani ta̱ti̱cobresi̱k xchꞌo̱l chiru li Dios riqꞌuin xba̱nunquil li cꞌaꞌru naxye li chakꞌrab. Riqꞌuin ban xpa̱banquil li Jesucristo. La̱o xkapa̱b li Ka̱cuaꞌ Jesucristo re ta̱ti̱cobresi̱k kachꞌo̱l chiru li Dios riqꞌuin xpa̱banquil li Cristo ut ma̱cuaꞌ riqꞌuin xba̱nunquil li naxye li chakꞌrab cocoleꞌ. Riqꞌuin xba̱nunquil li naxye li chakꞌrab, ma̱ ani ta̱ti̱cobresi̱k xchꞌo̱l chiru li Dios.

Ezequiel 18:4

Chixjunileb li cristian cueheb la̱in joꞌ li naꞌbej yucuaꞌbej joꞌ eb ajcuiꞌ li alal cꞌajolbej. Ut li ani nama̱cob, aꞌan ta̱ca̱mk.

Deuteronomio 29:20

Li Ka̱cuaꞌ incꞌaꞌ tixcuy xma̱c li ani tixba̱nu chi joꞌcan. Ta̱joskꞌokꞌ ban riqꞌuin ut tixtakla saꞌ xbe̱n chixjunil li raylal li tzꞌi̱banbil retalil saꞌ li hu aꞌin toj retal ta̱sachekꞌ ru ut incꞌaꞌ ta̱cua̱nk ralal xcꞌajol.

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Isaías 43:28

Eb li nequeꞌtaklan saꞌ e̱be̱n xeꞌxmux ru lin templo. Joꞌcan nak la̱in xincanabeb chi sachc laj Israel. Xincanabeb lin tenamit chi hobecꞌ, chan li Dios.

Génesis 4:11

Anakcuan tzꞌekta̱nanbilakat xban li chꞌochꞌ x-ucꞌac re lix quiqꞌuel la̱ cui̱tzꞌin xacamsi.

2 Corintios 3:7

Li chakꞌrab li quiqꞌueheꞌ re laj Moisés tzꞌi̱banbil chiru pec ut quicꞌutun xlokꞌal li Dios nak quixqꞌue li chakꞌrab aꞌin. Quilemtzꞌun li riloba̱l laj Moisés ut eb laj Israel incꞌaꞌ queꞌxcuy rilbal usta junpa̱t ajcuiꞌ quicuan saꞌ li riloba̱l laj Moisés lix lokꞌal li Dios. Li najter chakꞌrab aꞌin li quicꞌamoc chak re li ca̱mc saꞌ kabe̱n quicꞌulun riqꞌuin xlokꞌal li Dios.

Jeremías 32:23

Queꞌre̱chani li naꞌajej ut queꞌxyal xsahil. Abanan incꞌaꞌ queꞌxba̱nu li cꞌaꞌru caye reheb, chi moco queꞌxba̱nu li naxye saꞌ la̱ chakꞌrab. Incꞌaꞌ queꞌxba̱nu li cꞌaꞌru cataklaheb cuiꞌ. Joꞌcan nak la̱at caqꞌue chixjunil li raylal aꞌin saꞌ xbe̱neb.