Gálatas 3:1 - Li Santil hu

¹ La̱ex aj Galacia, ma̱cꞌaꞌ e̱naꞌleb. ¿Ani xbalakꞌin e̱re nak incꞌaꞌ chic yo̱quex xpa̱banquil lix ya̱lal? Nak xkachꞌolob che̱ru chanru nak quiqꞌueheꞌ li Jesucristo chiru cruz, chanchan nak tzꞌakal yo̱quex chirilbal.

Q'eqchi Bible

¹ Ex aj Galacia maak'a' eena'leb'! Ani xtuulank eere? Chi xnaq' eeru xch'olob'amank xyaalal li Jesukriist k'eeb'il chiru krus!

Gálatas 3:1 ပူးပေါင်းရင်းမြစ်များ

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

Apocalipsis 2:20

Abanan incꞌaꞌ nacuulac chicuu nak nequecꞌam e̱rib saꞌ usilal riqꞌuin li ixk li yibru xnaꞌleb li chanchan lix naꞌleb lix Jezabel. Li ixk aꞌan naxqꞌue rib chokꞌ xprofeta li Dios, abanan moco ya̱l ta. Yo̱ ban chixbalakꞌinquileb laj cꞌanjel chicuu. Riqꞌuin li naxba̱nu yo̱ chixcꞌambaleb xbe chi yumbe̱tac ut chi coꞌbe̱tac. Ut yo̱ ajcuiꞌ chixcꞌambaleb xbe chixtzacanquil li tzacae̱mk mayejanbil chiru li jalanil Dios.

Gálatas 1:6

Nasach inchꞌo̱l e̱ban xban nak kꞌaxal junpa̱t yo̱quex chixcanabanquil li tzꞌakal Dios li quisicꞌoc e̱ru xban li rusilal li Jesucristo. Ut yo̱quex chixpa̱banquil jalan tijleb chirix li evangelio li moco ya̱l ta.

1 Pedro 4:17

Cuulac re xkꞌehil li rakoc a̱tin. Ta̱ticla̱k kiqꞌuin la̱o, li ralal xcꞌajol li Dios. Tento nak ta̱rakekꞌ a̱tin saꞌ kabe̱n la̱o aj pa̱banel. Ut ta̱rakekꞌ ajcuiꞌ a̱tin saꞌ xbe̱neb li incꞌaꞌ nequeꞌxpa̱b li Dios. Abanan kꞌaxal numtajenak cuiꞌchic li raylal teꞌxcꞌul eb aꞌan.

2 Pedro 2:18

Nequeꞌoc chi yehoc xni̱nkal ru a̱tin saꞌ lix majelal xnaꞌlebeb. Ut riqꞌuin li ma̱c naxrahi li tzꞌejcualej yo̱queb chixkꞌunbesinquileb li cristian li toj queꞌel chak saꞌ xya̱nkeb.

Hebreos 11:8

Xban lix pa̱ba̱l, laj Abraham qui-abin chiru li Dios nak quixye re nak ta̱e̱lk saꞌ li tenamit cuan cuiꞌ. Co̱ saꞌ li naꞌajej li quiyechiꞌi̱c re xban li Dios. Nak qui-el chak saꞌ li tenamit, co̱ chi incꞌaꞌ naxnau bar xic re.

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

Gálatas 4:9

Anakcuan ac xexpa̱ban ut rehex chic li Dios. ¿Cꞌaꞌut nak te̱raj cuiꞌchic sukꞌi̱c chi cꞌanjelac saꞌ le̱ najteril naꞌleb li ma̱cꞌaꞌ na-oc cuiꞌ? Ut, ¿cꞌaꞌut nak te̱raj cuiꞌchic xqꞌuebal e̱rib rubel xcuanquil li najter chakꞌrab?

Gálatas 3:3

¿Ma kꞌaxal cuiꞌchic ma̱cꞌaꞌ e̱naꞌleb? Cui riqꞌuin li Santil Musikꞌej xetiquib chak xpa̱banquil li Jesucristo, ¿ma nequecꞌoxla anakcuan nak ta̱tzꞌaklok ru le̱ pa̱ba̱l yal riqꞌuin li cꞌaꞌak re ru nequeba̱nu e̱junes?

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

Hebreos 5:9

Riqꞌuin li raylal li quixcꞌul li Jesucristo quitzꞌakobresi̱c ru chi cꞌanjelac chokꞌ xyucuaꞌil aj tij. Ut saꞌ xcꞌabaꞌ aꞌan cuan li colba-ib chi junelic reheb li teꞌpa̱ba̱nk re.

Efesios 5:15

Cheqꞌuehak retal chanru le̱ yuꞌam. Me̱ba̱nu joꞌ nequeꞌxba̱nu li incꞌaꞌ useb xnaꞌleb. Cheba̱nuhak ban joꞌ nequeꞌxba̱nu li cuanqueb xnaꞌleb.

1 Timoteo 6:4

Eb li cui̱nk aꞌan ma̱cꞌaꞌ nequeꞌxnau. Junes xnimobresinquil rib nequeꞌxba̱nu. Caꞌaj cuiꞌ xcuechꞌinquil ribeb chirix a̱tin nacuulac chiruheb. Ut riqꞌuin aꞌan nachal li cakali̱nc, li hoboc, li kꞌaba̱nc ut li cuiba̱nc chꞌo̱lej.

Gálatas 2:14

Nak quinqꞌue retal nak incꞌaꞌ yo̱queb chixba̱nunquil joꞌ naraj li evangelio, chiruheb chixjunileb laj pa̱banel quinye re laj Pedro: “Ya̱l nak la̱at aj judío chalen chak saꞌ la̱ yoꞌlajic, abanan ac junxil xacanab xba̱nunquil li cꞌaynakeb chixba̱nunquil laj judío. ¿Cꞌaꞌut nak nacamineb ru li ma̱cuaꞌeb laj judío chixba̱nunquil joꞌ nequeꞌxba̱nu laj judío?” chanquin re.

1 Corintios 11:26

Joꞌcan nak ninye e̱re rajlal nak te̱tzaca a caxlan cua aꞌin ut te̱rucꞌ xsaꞌ li secꞌ aꞌin, te̱jultica xcamic li Cristo. Cheba̱nuhak aꞌan toj ta̱cꞌulu̱nk cuiꞌchic li Ka̱cuaꞌ Jesucristo.

1 Corintios 2:2

Xban nak incꞌaꞌ xcuaj xcꞌutbal nak cuan innaꞌleb, joꞌcan nak caꞌaj cuiꞌ chirix lix camic li Cristo chiru li cruz xina̱tinac.

Romanos 6:17

Junxil cuanquex rubel xcuanquil li ma̱c. Aꞌut anakcuan, bantiox re li Dios, chi anchal e̱chꞌo̱l nequepa̱b li tijleb li xekꞌaxtesi cuiꞌ e̱rib.

Romanos 2:8

Aban riqꞌuin xjoskꞌil li Dios tixqꞌueheb chixtojbal xma̱queb li nequeꞌxnimobresi rib ut incꞌaꞌ nequeꞌraj xpa̱banquil lix ya̱lal. Eb aꞌan caꞌaj cuiꞌ li incꞌaꞌ us nequeꞌxcꞌoxla.

Hechos 6:7

Joꞌcan nak yo̱ chi abi̱c li ra̱tin li Ka̱cuaꞌ yalak bar. Ut yo̱queb chi ta̱mc laj pa̱banel aran Jerusalén. Ut nabaleb laj tij queꞌpa̱ban.

Apocalipsis 18:3

Xsacheꞌ xcuanquil xban nak numtajenak li ma̱c nequeꞌxba̱nu. Chixjunileb li rey li cuanqueb saꞌ ruchichꞌochꞌ nequeꞌcuulac Babilonia chixba̱nunquil li ma̱usilal riqꞌuineb. Chanchan calajenakeb xban li ma̱usilal yo̱queb chixba̱nunquil. Ut eb laj cꞌay queꞌbiomoꞌ aran xban nak nabal li cꞌaꞌak re ru queꞌxcꞌayi chi terto xtzꞌak, chan.

2 Ts 1:8

Chanchan li rakꞌ xam nak ta̱cha̱lk li Ka̱cuaꞌ Jesucristo riqꞌuin xnimal xlokꞌal chi rakoc a̱tin. Tixqꞌueheb chixtojbal xma̱queb li ani incꞌaꞌ nequeꞌpa̱ban re li Dios joꞌ ajcuiꞌ li ani incꞌaꞌ nequeꞌraj rabinquil resilal li colba-ib li naxqꞌue li Ka̱cuaꞌ Jesucristo.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

2 Corintios 10:5

Nakasach xcuanquileb li nequeꞌcuechꞌin rix lix cꞌanjel li Dios. Ut nakasach ajcuiꞌ xcuanquil chixjunil lix yehom xba̱nuhom li cui̱nk li naramoc re chiruheb li kas ki̱tzꞌin li rusilal li Dios. Nakacanab saꞌ rukꞌ li Dios lix naꞌlebeb aꞌan re nak chijala̱k lix naꞌlebeb xban li Cristo ut teꞌxba̱nu li cꞌaꞌru naraj aꞌan.

1 Samuel 13:13

Ut laj Samuel quixye re laj Saúl: —Xma̱cꞌaꞌil a̱naꞌleb xakꞌet cuiꞌ xchakꞌrab li Dios. Incꞌaꞌ xaba̱nu li naxye saꞌ li chakꞌrab li quixqꞌue a̱cue li Ka̱cuaꞌ la̱ Dios. Cui ta xaba̱nu li quixye a̱cue, li Ka̱cuaꞌ xxakab raj la̱ cuanquil saꞌ xnaꞌaj chi junelic, la̱at ut eb la̱ cualal a̱cꞌajol.

Romanos 10:16

Aban moco chixjunileb ta queꞌpa̱ban re li resil li colba-ib. Laj Isaías quixye: At Ka̱cuaꞌ, moco qꞌuiheb ta li xeꞌpa̱ban li resil li colba-ib li nakajultica chiruheb. (Isa. 53:1)

Deuteronomio 32:6

¿Ma joꞌcaꞌin nak te̱qꞌue re̱kaj li usilal li naxba̱nu li Ka̱cuaꞌ? Incꞌaꞌ us le̱ naꞌleb. Incꞌaꞌ nequetau xya̱lal. ¿Ma ma̱cuaꞌ ta biꞌ aꞌan li Ka̱cuaꞌ le̱ Dios li quiqꞌuehoc e̱yuꞌam? Aꞌan quiyoꞌobtesin e̱re ut quexxakab saꞌ le̱ naꞌaj.

San Lucas 24:25

Ut li Jesús quixye reheb: —¡La̱ex ma̱cꞌaꞌ e̱naꞌleb ut a̱l le̱ chꞌo̱l chixpa̱banquil chixjunil li cꞌaꞌru queꞌxye chak li profeta!

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

San Mateo 7:26

Ut yalak ani ta̱abi̱nk re li cua̱tin ut incꞌaꞌ tixba̱nu li cꞌaꞌru xinye, li jun aꞌan tinjuntakꞌe̱ta riqꞌuin li cui̱nk li ma̱cꞌaꞌ xnaꞌleb. Incꞌaꞌ quixyi̱b li rochoch chi cha̱bil. Yal saꞌ xbe̱n samaib quixqꞌue.

Hechos 16:6

Li Santil Musikꞌej quixcꞌut chiruheb nak incꞌaꞌ teꞌxic chixchꞌolobanquil resil li colba-ib saꞌ li naꞌajej Asia. Joꞌcan nak queꞌco̱eb Frigia ut queꞌnumeꞌ ajcuiꞌ saꞌ li naꞌajej Galacia.

Gálatas 1:2

La̱in yo̱quin chixtaklanquil li hu aꞌin e̱riqꞌuin che̱junilex la̱ex li cuanquex saꞌ li junju̱nk chi iglesia aran Galacia. Ut eb li herma̱n li cuanqueb cuochben yo̱queb ajcuiꞌ chixtaklanquil xsahil e̱chꞌo̱l.

Gálatas 5:11

Cui ta toj yo̱quin chixjulticanquil nak tento xcꞌulbal li circuncisión incꞌaꞌ raj chic tineꞌxrahobtesi. Cui ta toj yo̱quin chixba̱nunquil aꞌan, yo̱quin raj risinquil xcuanquil xcamic li Cristo chiru li cruz ut incꞌaꞌ raj chic teꞌjoskꞌokꞌ saꞌ inbe̱n.