Gálatas 2:9 - Li Santil hu

⁹ Laj Jacobo, laj Pedro ut laj Juan, aꞌaneb aj cꞌamol be saꞌ xya̱nkeb laj pa̱banel. Nak queꞌxqꞌue retal nak sicꞌbil cuu xban li Dios, queꞌxqꞌue li rukꞌeb cue ut re laj Bernabé. Aꞌan retalil nak kacomon kib chi cꞌanjelac chiru li Dios. Ut xkacꞌu̱b ru nak la̱in ut laj Bernabé tocꞌanjelak saꞌ xya̱nkeb li ma̱cuaꞌeb aj judío ut eb aꞌan teꞌcꞌanjelak saꞌ xya̱nkeb laj judío.

Q'eqchi Bible

⁹ Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.

Gálatas 2:9 ပူးပေါင်းရင်းမြစ်များ

Romanos 12:3

Xban ruxta̱n li Dios nak qꞌuebil cue lin cꞌanjel. Joꞌcan nak ninchꞌolob xya̱lal che̱ru re nak incꞌaꞌ te̱nimobresi e̱rib. Cheqꞌuehak ban xcuanquil le̱ cꞌanjel qꞌuebil e̱re xban li Dios saꞌ xcꞌabaꞌ le̱ pa̱ba̱l.

Apocalipsis 3:12

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, tinqꞌue xlokꞌal ut ma̱ ani ta̱ru̱k ta̱isi̱nk re saꞌ lix naꞌaj li ta̱qꞌuehekꞌ re xban lin Yucuaꞌ. Chanchanak li okech li nacu̱tun re lix templo li Dios, li incꞌaꞌ na-ecꞌan saꞌ xnaꞌaj. Aꞌan ta̱cua̱nk riqꞌuin lin Yucuaꞌ chi junelic saꞌ li Acꞌ Jerusalén li tixqꞌue lin Yucuaꞌ cuan saꞌ choxa. Acꞌ chic lix cꞌabaꞌ tinqꞌue. Ut chixjunileb teꞌxnau nak aꞌan ralal xcꞌajol lin Yucuaꞌ. Ut tinqꞌue ajcuiꞌ re lin cꞌabaꞌ la̱in.

Gálatas 2:2

Co̱in xban nak li Dios quixcꞌutbesi chicuu nak tento tinxic Jerusalén. Ut queꞌxchꞌutub rib li nequeꞌcꞌamoc be chiruheb laj pa̱banel. Ut quinserakꞌi reheb li resilal li evangelio li yo̱quin chixjulticanquil reheb li ma̱cuaꞌeb aj judío. Quinchꞌolob xya̱lal chiruheb re nak incꞌaꞌ ta̱cana̱k chi ma̱cꞌaꞌ rajbal chiruheb li cꞌaꞌru yo̱quin chixba̱nunquil joꞌ ajcuiꞌ li ac xinba̱nu.

Romanos 1:5

Saꞌ xcꞌabaꞌ li Ka̱cuaꞌ Jesucristo qꞌuebilin chokꞌ apóstol xban li Dios re xchꞌolobanquil xya̱lal chiruheb li tenamit yalak bar re nak teꞌxpa̱b li Jesucristo ut teꞌxba̱nu li cꞌaꞌru naraj.

1 Juan 1:3

Nakachꞌolob xya̱lal che̱ru chirix li cꞌaꞌru quikil ut li cꞌaꞌru quikabi re nak tocua̱nk chi sum a̱tin chi kibil kib. Ut tocua̱nk ajcuiꞌ chi sum a̱tin riqꞌuin li Acuabej Dios ut riqꞌuin li Jesucristo, li Ralal.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

1 Timoteo 3:15

Abanan ma̱re tinba̱yk chi cuulac. Joꞌcan nak yo̱quin chi tzꞌi̱bac a̱cuiqꞌuin re nak ta̱nau chanru teꞌcꞌanjelak li teꞌxakaba̱k chi cꞌanjelac saꞌ xya̱nkeb li nequeꞌpa̱ban re li yoꞌyo̱quil Dios. Ut la̱o aj pa̱banel, la̱o li nakaqꞌue xcuanquil ut nakacol rix li katijbal li tzꞌakal ya̱l.

Colosenses 1:29

Joꞌcan nak ninyal inkꞌe chi cꞌanjelac chi anchal inchꞌo̱l ut li Cristo naqꞌuehoc incacuilal chixba̱nunquil lin cꞌanjel chiru li Dios.

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

2 Corintios 8:4

Qui-ala saꞌ xchꞌo̱leb tenkꞌa̱nc. Ut queꞌxye ke nak chi anchaleb xchꞌo̱l queꞌraj xtenkꞌanquileb li rech aj pa̱banelil li cuanqueb Jerusalén.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Romanos 15:15

Abanan saꞌ li hu aꞌin cau caꞌchꞌin li a̱tin xintzꞌi̱ba e̱riqꞌuin re nak incꞌaꞌ ta̱sachk saꞌ e̱chꞌo̱l li xinye. Ninba̱nu aꞌin saꞌ xcꞌabaꞌ lin cꞌanjel li quixqꞌue cue li Dios.

Hechos 15:13

Nak queꞌrakeꞌ chi a̱tinac, laj Jacobo quichakꞌoc ut quixye: —Ex inherma̱n, abihomak li oc cue xyebal e̱re.

Hechos 15:7

Ut nak ac xeꞌxcuechꞌi ribeb chi us chirix li naꞌleb aꞌin, laj Pedro quicuacli ut qui-oc chi a̱tinac. Quixye reheb: —Ex herma̱n, la̱ex nequenau nak ac junxil quixsicꞌ chak cuu li Dios saꞌ e̱ya̱nk re tinye resil li colba-ib reheb li ma̱cuaꞌeb aj judío re nak teꞌpa̱ba̱nk ajcuiꞌ eb aꞌan.

Hechos 4:36

Quicuan jun li cui̱nk aj José xcꞌabaꞌ. Eb li apóstol queꞌxqꞌue Bernabé chokꞌ xcab xcꞌabaꞌ. Chi jalbil ru naraj naxye “Aj Cꞌojobanel Chꞌo̱lej”. Aꞌan xcomoneb li nequeꞌtenkꞌan reheb laj tij. Chipre xtenamit.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

2 Reyes 10:15

Laj Jehú qui-el saꞌ li naꞌajej aꞌan ut co̱. Nak yo̱ chi xic, quixcꞌul laj Jonadab li ralal laj Recab. Laj Jehú quixqꞌue xsahil xchꞌo̱l ut quixye re: —¿Ma junaj la̱ cꞌaꞌux cuiqꞌuin? ¿Ma tat-oque̱nk chicuix? chan. Laj Jonadab quixye: —Junaj. Tin-oque̱nk cha̱cuix, chan. Laj Jehú quixye re: —Cui ya̱l nak joꞌcan, qꞌue la̱ cuukꞌ cue, chan. Laj Jonadab quixqꞌue li rukꞌ re ut laj Jehú quixtenkꞌa chi takecꞌ saꞌ li carruaje.

San Lucas 22:8

Li Jesús quixye reheb laj Pedro ut laj Juan: —Ayukex ut cauresihomak chak li tzacae̱mk re li pascua re totzaca̱nk, chan.

San Juan 1:42

Ut quixcꞌam laj Simón riqꞌuin li Jesús. Li Jesús quiril aꞌan ut quixye re: —La̱at laj Simón li ralal laj Jonás. Anakcuan Pedro chic a̱cꞌabaꞌ.— (Chi jalbil ru naraj naxye “Pec”.)

Hechos 12:17

Quixtaksi li rukꞌ re nak teꞌxcanab choki̱nc, ut quixserakꞌi reheb chanru nak qui-isi̱c saꞌ tzꞌalam xban li Ka̱cuaꞌ. Quixye reheb: —Yehomak resil aꞌin re laj Jacobo ut reheb chixjunileb laj pa̱banel, chan. Ut chirix aꞌan co̱ saꞌ jalan naꞌajej.

2 Corintios 11:5

Eb aꞌan nequeꞌxye nak apostoleb ut nequeꞌxnimobresi rib ut nequeꞌxye nak kꞌaxal cha̱bileb. ¿Ma cubenak ta biꞌ incuanquil la̱in chiruheb aꞌan?

2 Corintios 12:11

Chanchan nak ma̱cꞌaꞌ innaꞌleb nak ninserakꞌi e̱re chixjunil li xincꞌul. Incꞌaꞌ raj xinye e̱re. Abanan e̱ban la̱ex nak xinba̱nu xban nak la̱ex incꞌaꞌ nequeqꞌue incuanquil chokꞌ apóstol. La̱ex raj li xexqꞌuehoc incuanquil. Moco cubenak ta incuanquil la̱in chiruheb li nequeꞌxqꞌue rib chokꞌ apóstol usta ma̱cꞌaꞌ incuanquil injunes.

Gálatas 1:16

Ut nak li Dios quiraj xcꞌutbesinquil li Ralal chicuu re nak tinchꞌolob resil chiruheb li ma̱cuaꞌeb aj judío, incꞌaꞌ xinpatzꞌ innaꞌleb re junak cui̱nk.

Gálatas 1:18

Oxib chihab xpa̱banquil li Dios inban nak co̱in Jerusalén re nak tinnau ru laj Pedro. Oꞌlaju cutan quincuan chak riqꞌuin.

Gálatas 2:1

Mokon chic nak ac xnumeꞌ ca̱laju chihab, co̱in cuiꞌchic Jerusalén cuochben laj Bernabé. Ut kacꞌam laj Tito chikix.

Gálatas 6:3

Li ani naxcꞌoxla nak nim xcuanquil xjunes rib, li jun aꞌan yo̱ chixbalakꞌinquil rib xjunes.