Gálatas 2:21 - Li Santil hu

²¹ Joꞌcan nak incꞌaꞌ nintzꞌekta̱na xcuanquil li rusilal li Dios. Cui ta saꞌ xcꞌabaꞌ li chakꞌrab nati̱cobresi̱c kachꞌo̱l, ma̱cꞌaꞌ raj rajbal nak quicam li Cristo.

Q'eqchi Bible

²¹ Ink'a' nintz'eqtaana xwankil li rusilal li Yos, xb'aan naq, wi ta sa' xk'ab'a' li Chaq'rab' natawmank li tiikil ch'oolej, maak'a' raj rajb'al naq kikamk li Kriist.

Gálatas 2:21 ပူးပေါင်းရင်းမြစ်များ

Romanos 11:6

Moco riqꞌuin ta xyehom xba̱nuhomeb nak quixsiqꞌueb ru. Yal riqꞌuin ban lix nimal ruxta̱n li Dios nak quixsiqꞌueb ru. Cui ta quixsiqꞌueb ru saꞌ xcꞌabaꞌ xyehom xba̱nuhomeb, aꞌan ma̱cuaꞌ raj chic xban xnimal ruxta̱n li Dios.

Gálatas 3:21

¿Ma aꞌin ta biꞌ naraj naxye nak li chakꞌrab naxsach xcuanquil li cꞌaꞌru quixyechiꞌi li Dios? ¡Ma̱ jokꞌe! Cui ta naru ta̱cua̱nk li kayuꞌam chi junelic riqꞌuin xba̱nunquil li naxye li chakꞌrab, ta̱ti̱cokꞌ aj raj cuiꞌ li kachꞌo̱l chiru li Dios xban li chakꞌrab.

Hebreos 7:11

Li ralal xcꞌajol laj Leví ut laj Aarón, aꞌaneb li nequeꞌchꞌoloban chiruheb laj Israel lix ya̱lal lix chakꞌrab li Dios li quixye laj Moisés. Abanan chi moco li chakꞌrab chi moco eb laj tij li ta̱ru̱k ta̱colok ke. Cui ta eb laj tij ut li chakꞌrab, incꞌaꞌ raj chic quitakla̱c chak junak aj tij kꞌaxal nim xcuanquil joꞌ nak quicuan laj Melquisedec. Laj tij li quitakla̱c chak ma̱cuaꞌ xcomoneb laj Aarón.

1 Corintios 15:14

Cui ta incꞌaꞌ quicuacli cuiꞌchic chi yoꞌyo li Jesucristo, ma̱cꞌaꞌ raj xya̱lal li nakajultica resil, ut ma̱cꞌaꞌ raj rajbal li xepa̱b.

Gálatas 2:16

Abanan nakanau nak ma̱ ani ta̱ti̱cobresi̱k xchꞌo̱l chiru li Dios riqꞌuin xba̱nunquil li cꞌaꞌru naxye li chakꞌrab. Riqꞌuin ban xpa̱banquil li Jesucristo. La̱o xkapa̱b li Ka̱cuaꞌ Jesucristo re ta̱ti̱cobresi̱k kachꞌo̱l chiru li Dios riqꞌuin xpa̱banquil li Cristo ut ma̱cuaꞌ riqꞌuin xba̱nunquil li naxye li chakꞌrab cocoleꞌ. Riqꞌuin xba̱nunquil li naxye li chakꞌrab, ma̱ ani ta̱ti̱cobresi̱k xchꞌo̱l chiru li Dios.

Romanos 10:3

Ut incꞌaꞌ nequeꞌxnau chanru nak nati̱coꞌ li kachꞌo̱l chiru li Dios. Queꞌxyal xti̱cobresinquil xchꞌo̱leb chiru li Dios yal xjuneseb rib. Ut incꞌaꞌ queꞌraj xba̱nunquil li yebil xban li Dios.

Isaías 49:4

Abanan la̱in quincꞌoxla nak yo̱quin chi cꞌanjelac chi ma̱cꞌaꞌ rajbal. Saꞌ inchꞌo̱l la̱in nak yo̱quin chixchoybal inmetzꞌe̱u chi ma̱cꞌaꞌ aj e. Abanan, li Dios naxnau ma us ma incꞌaꞌ us li yo̱quin chixba̱nunquil. Aꞌan ta̱qꞌuehok re lin kꞌajca̱munquil.

1 Corintios 15:2

Aꞌan aꞌin lix ya̱lal li xinchꞌolob che̱ru, li xexcoleꞌ cuiꞌ. La̱ex colbilex chic cui nequexpa̱ban chi tzꞌakal ut incꞌaꞌ nequecanab xpa̱banquil. Abanan cui incꞌaꞌ nequepa̱b chi anchal e̱chꞌo̱l, ma̱cꞌaꞌ rajbal nak xexpa̱ban.

Gálatas 2:18

Cui la̱in tin-oc cuiꞌchic xpa̱banquil nak ta̱ti̱cobresi̱k inchꞌo̱l chiru li Dios riqꞌuin xba̱nunquil li naxye li chakꞌrab, aꞌan naraj naxye nak chi ya̱l la̱in aj ma̱c xban nak ac junxil xincanab xpa̱banquil li naꞌleb aꞌan.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

San Marcos 7:9

Li Jesús quixye ajcuiꞌ reheb: —La̱ex nequetzꞌekta̱na lix chakꞌrab li Dios re nak te̱ba̱nu li najter naꞌleb canabanbil e̱re xbaneb le̱ xeꞌto̱nil yucuaꞌ.

Salmos 33:10

Li Ka̱cuaꞌ nasach ru li cꞌaꞌru nequeꞌxcꞌoxla xba̱nunquil li tenamit li incꞌaꞌ nequeꞌpa̱ban. Naxcanab chi ma̱cꞌaꞌ na-oc cuiꞌ li cꞌaꞌru nequeꞌxcꞌu̱b ru.

1 Corintios 15:17

Cui ta li Cristo incꞌaꞌ quicuacli cuiꞌchic chi yoꞌyo, ma̱cꞌaꞌ raj rajbal le̱ pa̱ba̱l. Toj cua̱nkex raj ajcuiꞌ saꞌ le̱ ma̱c.

Jeremías 8:8

¿Chanru nak te̱ye, “La̱o cuan kanaꞌleb. La̱o cuan lix chakꞌrab li Ka̱cuaꞌ kiqꞌuin”? ¿Ma incꞌaꞌ ta biꞌ queꞌxjal ru lin chakꞌrab eb laj tzꞌi̱b?

Romanos 4:25

Li Jesucristo quixkꞌaxtesi rib chi ca̱mc xban li kama̱c ut quicuacli cuiꞌchic chi yoꞌyo saꞌ xya̱nkeb li camenak re xti̱cobresinquil li kachꞌo̱l chiru li Dios.