Gálatas 2:20 - Li Santil hu

²⁰ Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Q'eqchi Bible

²⁰ Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

Gálatas 2:20 ပူးပေါင်းရင်းမြစ်များ

Gálatas 5:24

Li ani re chic li Jesucristo, chanchan nak quiqꞌueheꞌ chiru cruz lix najter naꞌleb xban nak ac xcanab xba̱nunquil chi junaj cua li najter naꞌleb li quixrahi ru xba̱nunquil junxil.

2 Corintios 5:15

Quicam saꞌ kacꞌabaꞌ chikajunilo la̱o re nak incꞌaꞌ yoꞌyo̱ko yal chi joꞌcan chixba̱nunquil li cꞌaꞌru nakaj kajunes kib. Yoꞌyo̱ko ban re nak takaba̱nu li cꞌaꞌru naraj li Cristo li quicam ut quicuacli cuiꞌchic chi yoꞌyo saꞌ kacꞌabaꞌ la̱o.

Romanos 6:8

Cui ac xocam kochben li Cristo, nakanau nak yoꞌyo̱co ajcuiꞌ kochben saꞌ li acꞌ yuꞌam.

Gálatas 6:14

Aꞌut la̱in ma̱ jokꞌe tinnimobresi cuib injunes. Li cꞌaꞌru ninnimobresi xcuanquil la̱in, aꞌan lix camic li Ka̱cuaꞌ Jesucristo chiru li cruz. Saꞌ xcꞌabaꞌ lix camic li Cristo, camenak chic lix naꞌleb li ruchichꞌochꞌ chicuu, ut chanchan nak camenakin la̱in chiru li ruchichꞌochꞌ.

2 Corintios 13:5

Qꞌuehomak retal le̱ yuꞌam. ¿Ma tzꞌakal re ru le̱ yuꞌam? ¿Ma chi anchal e̱chꞌo̱l nequexpa̱ban? ¿Ma incꞌaꞌ ta biꞌ nequenau chi tzꞌakal nak li Cristo cuan e̱riqꞌuin? ¿Malaj ut toj ma̱jiꞌ nequexpa̱ban?

Romanos 6:13

Chi moco cheqꞌue e̱rib chixba̱nunquil li ma̱usilal. Chekꞌaxtesi ban e̱rib saꞌ rukꞌ li Dios. Xban nak ac xecꞌul li acꞌ yuꞌam chanchan nak xexcuacli cuiꞌchic chi yoꞌyo saꞌ xya̱nkeb li camenak. Joꞌcan nak cheqꞌue le̱ rok e̱rukꞌ chi cꞌanjelac chiru li Dios re xba̱nunquil li us.

1 Ts 5:10

Aꞌan quicam saꞌ kacꞌabaꞌ re nak usta yoꞌyo̱co usta ac camenako chic nak ta̱cꞌulu̱nk, ta̱cua̱nk kayuꞌam chi junelic kochben aꞌan.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Gálatas 1:4

Li Jesucristo quixkꞌaxtesi rib chi ca̱mc saꞌ xcꞌabaꞌ li kama̱c xban nak joꞌcan quiraj li Dios Acuabej. Quixba̱nu aꞌan re kacolbal chiru li ma̱usilal saꞌ li ruchichꞌochꞌ.

San Juan 17:21

At inYucuaꞌ, li cꞌaꞌru nintzꞌa̱ma cha̱cuu, aꞌan nak junajak taxak ruheb. Cheꞌcua̱nk kiqꞌuin joꞌ nak cuanquin la̱in a̱cuiqꞌuin ut la̱at cuancat cuiqꞌuin. Junajak taxak ruheb re nak li cuanqueb saꞌ ruchichꞌochꞌ teꞌxpa̱b nak la̱at xattaklan chak cue.

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

Filipenses 4:13

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

Efesios 3:17

Ut nintzꞌa̱ma ajcuiꞌ chiru nak chicua̱nk le̱ pa̱ba̱l re nak cua̱nk li Cristo e̱riqꞌuin chi tzꞌakal. Te̱tau taxak xcacuil le̱ chꞌo̱l riqꞌuin xra̱bal li Dios joꞌ eb ajcuiꞌ le̱ ras e̱ri̱tzꞌin.

Gálatas 3:11

Ac chꞌolchꞌo nak ma̱ ani ta̱ti̱cobresi̱k xchꞌo̱l chiru li Dios yal riqꞌuin xba̱nunquil li naxye saꞌ li najter chakꞌrab xban nak tzꞌi̱banbil saꞌ li Santil Hu nak ani naxpa̱b li Dios, ta̱ti̱cobresi̱k xchꞌo̱l chiru li Dios ut ta̱cua̱nk xyuꞌam chi junelic. (Hab. 2:4)

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Colosenses 1:27

Li Dios quiraj nak la̱ex li ma̱cuaꞌex aj judío, te̱nau nak e̱re ajcuiꞌ li colba-ib. Li resil aꞌan mukmu nak quicuan chak. Abanan anakcuan nanauman nak lix ya̱lal li lokꞌlaj esil, aꞌan aꞌin: Nak li Cristo cuan e̱riqꞌuin ut saꞌ xcꞌabaꞌ aꞌan textzꞌako̱nk riqꞌuin lix nimal xlokꞌal li Dios.

Romanos 5:2

Xban nak nakapa̱b li Jesucristo nakacꞌul lix nimal rusilal li Dios. Joꞌcan nak cau kachꞌo̱l saꞌ li kapa̱ba̱l. Ut nasahoꞌ kachꞌo̱l xban nak nakanau nak totzꞌako̱nk ajcuiꞌ saꞌ lix nimal xlokꞌal li Dios.

Romanos 1:17

Lix ya̱lal li colba-ib naxcꞌut chiku nak caꞌaj cuiꞌ riqꞌuin xpa̱banquil li Dios ti̱c chic li kachꞌo̱l chiru ut cua̱nko chi sum a̱tin riqꞌuin, joꞌ naxye saꞌ li Santil Hu: Li ti̱c xchꞌo̱l riqꞌuin xpa̱banquil li Dios cuan xyuꞌam chi junelic. (Hab. 2:4)

2 Corintios 13:3

Riqꞌuin aꞌin te̱nau nak nina̱tinac riqꞌuin li cuanquil qꞌuebil cue xban li Cristo. Moco ma̱cꞌaꞌ ta xcuanquil li Cristo re e̱kꞌusbal. Kꞌaxal nim ban xcuanquil che̱kꞌusbal.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

1 Ts 1:10

Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n.

San Juan 10:11

La̱in chanchanin jun li cha̱bil pastor. Junak cha̱bil pastor naxkꞌaxtesi lix yuꞌam saꞌ xcꞌabaꞌeb lix carner.

San Juan 6:57

Li yoꞌyo̱quil Dios, aꞌan li quitaklan chak cue. Joꞌ nak yoꞌyo chi junelic aꞌan, joꞌcan nak yoꞌyo̱quin ajcuiꞌ la̱in chi junelic. Joꞌcan ajcuiꞌ li ani naxtzaca lin tibel, li jun aꞌan ta̱cua̱nk xyuꞌam chi junelic saꞌ incꞌabaꞌ la̱in.

Apocalipsis 3:20

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

San Juan 15:13

Li rahoc chi tzꞌakal aꞌan nak junak tixkꞌaxtesi lix yuꞌam saꞌ xcꞌabaꞌ li ras ri̱tzꞌin.

Gálatas 2:16

Abanan nakanau nak ma̱ ani ta̱ti̱cobresi̱k xchꞌo̱l chiru li Dios riqꞌuin xba̱nunquil li cꞌaꞌru naxye li chakꞌrab. Riqꞌuin ban xpa̱banquil li Jesucristo. La̱o xkapa̱b li Ka̱cuaꞌ Jesucristo re ta̱ti̱cobresi̱k kachꞌo̱l chiru li Dios riqꞌuin xpa̱banquil li Cristo ut ma̱cuaꞌ riqꞌuin xba̱nunquil li naxye li chakꞌrab cocoleꞌ. Riqꞌuin xba̱nunquil li naxye li chakꞌrab, ma̱ ani ta̱ti̱cobresi̱k xchꞌo̱l chiru li Dios.

2 Corintios 10:3

Ya̱l nak cui̱nko. Abanan incꞌaꞌ yo̱co chi pletic joꞌ nequeꞌxba̱nu li kech cui̱nkilal arin saꞌ ruchichꞌochꞌ. Riqꞌuin ban li ma̱usilal yo̱co chi pletic.

San Juan 6:69

La̱o nakapa̱b li cꞌaꞌru nacaye ut nakanau nak la̱at li Cristo, li Ralal li yoꞌyo̱quil Dios, chan.

San Juan 1:49

Quichakꞌoc laj Natanael ut quixye re: —At tzolonel, la̱at li Ralal li Dios. La̱at lix Reyeb laj Israel, chan re li Jesús.

2 Corintios 1:24

Moco yo̱co ta xminbal e̱ru saꞌ le̱ pa̱ba̱l. Ac cau e̱chꞌo̱l saꞌ le̱ pa̱ba̱l. Yo̱co ban che̱tenkꞌanquil re nak sahak e̱chꞌo̱l saꞌ le̱ pa̱ba̱l.

Hechos 9:20

Laj Saulo ticto qui-oc chixchꞌolobanquil lix ya̱lal chirix li Jesús, chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut quixye reheb: —Li Jesús, aꞌan li Cristo li Ralal li Dios, chan.

Efesios 5:25

Joꞌcan ajcuiꞌ la̱ex be̱lomej, cherahak le̱ rixakil joꞌ nak li Cristo quixraheb laj pa̱banel nak quixkꞌaxtesi rib chi ca̱mc re xcolbaleb.

2 Corintios 5:7

Nak yoꞌyo̱co arin saꞌ ruchichꞌochꞌ, toj ma̱jiꞌ nakil ru li Ka̱cuaꞌ. Abanan cau kachꞌo̱l nak li Ka̱cuaꞌ cuan kiqꞌuin.

San Juan 3:35

Li Acuabej Dios naxra li Ralal ut quixkꞌaxtesi chixjunil saꞌ rukꞌ aꞌan, ut aꞌan chic yal re saꞌ xbe̱n.

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

Hechos 8:36

Nak yo̱queb chi xic, queꞌcuulac cuan cuiꞌ jun li haꞌ. Ut li cui̱nk quixye: —Arin cuan haꞌ. ¿Ma incꞌaꞌ ta̱ru̱k ta̱cube̱k inhaꞌ la̱in? chan.

San Mateo 4:3

Ut laj tza quicuulac riqꞌuin ut quixye re: —Cui tzꞌakal ya̱l nak la̱at ralal li Dios, sukꞌisiheb chokꞌ caxlan cua li pec aꞌin.—

Cantares 7:10

La̱in rehin li cui̱nk li ninra, ut cuiqꞌuin naxtau xsahil xchꞌo̱l.

Romanos 3:22

Ta̱ti̱cobresi̱k ban li kachꞌo̱l chiru li Dios riqꞌuin xpa̱banquil li Ka̱cuaꞌ Jesucristo. Chixjunileb li teꞌpa̱ba̱nk re, li Dios tixti̱cobresi lix chꞌo̱leb. Moco jalan ta li junju̱nk chiru li Dios.

Romanos 4:25

Li Jesucristo quixkꞌaxtesi rib chi ca̱mc xban li kama̱c ut quicuacli cuiꞌchic chi yoꞌyo saꞌ xya̱nkeb li camenak re xti̱cobresinquil li kachꞌo̱l chiru li Dios.

Romanos 5:6

La̱o incꞌaꞌ naru nakacol kib yal kajunes. Abanan quicuulac xkꞌehil nak quicam li Ka̱cuaꞌ Jesucristo re kacolbal la̱o aj ma̱c.

Romanos 5:8

Aꞌut li Dios naxcꞌutbesi chiku nak kꞌaxal nocoxra xban nak toj aj ma̱co chak nak quicam li Cristo saꞌ kacꞌabaꞌ.

Romanos 8:10

Cui li Cristo cuan e̱riqꞌuin, usta ac tenebanbil li ca̱mc saꞌ e̱be̱n xban li ma̱c, yoꞌyo le̱ musikꞌ xban nak ti̱cobresinbil chic le̱ chꞌo̱l xban li Dios.

Romanos 14:7

Ma̱ ani yoꞌyo ta yal xjunes rib. Ut ma̱ ani ajcuiꞌ nacam chi yal xjunes rib xban nak ma̱cuaꞌ la̱o yal ke saꞌ xbe̱n li kayuꞌam.

1 Corintios 6:17

Ut ani naxjunaji rib riqꞌuin li Ka̱cuaꞌ, aꞌan junaj chic riqꞌuin saꞌ musikꞌej.

2 Corintios 5:14

Xban nak kꞌaxal nocoxra li Cristo, joꞌcan nak nakaqꞌue kachꞌo̱l chi cꞌanjelac chiru. Nakanau chi tzꞌakal nak li Cristo quicam saꞌ kacꞌabaꞌ la̱o chikajunilo. Ut xban nak quicam aꞌan, chikajunilo camenako chic chiru li ma̱c.

2 Corintios 11:10

Xban nak li Cristo cuan cuiqꞌuin, joꞌcan nak ninye li ya̱l ut saꞌ chixjunil li naꞌajej Acaya, chixjunileb teꞌnaꞌok re nak incꞌaꞌ xinqꞌue saꞌ e̱be̱n intenkꞌanquil.

Filipenses 1:21

La̱in, nak toj yoꞌyo̱quin, cuanquin chi sum a̱tin riqꞌuin li Cristo. Abanan kꞌaxal raj cuiꞌchic us li ca̱mc chokꞌ cue xban nak ninnau nak tinxic riqꞌuin.

Hebreos 8:3

Chixjunileb li xyucuaꞌil laj tij xakabanbileb chi mayejac xul ut cꞌaꞌak chic re ru chi mayejil. Joꞌcan ajcuiꞌ li Jesucristo tento tixqꞌue junak mayej.