Gálatas 2:13 - Li Santil hu

¹³ Eb laj pa̱banel aj judío queꞌoc chixba̱nunquil li caꞌ pacꞌalil naꞌleb li quixba̱nu laj Pedro toj retal nak qui-oc ajcuiꞌ chixba̱nunquil laj Bernabé xban nak joꞌcan quicꞌameꞌ cuiꞌ xbe xbaneb.

Q'eqchi Bible

¹³ Ut eb' laj paab'anel Judiiy ke'ok chi xb'aanunkil li ka'pak'alil na'leb' li kixb'aanu laj Pedro: a' ajwi' laj Bernabé kik'ame'k xb'aan li ka'pak'alil na'leb' a'in.

Gálatas 2:13 ပူးပေါင်းရင်းမြစ်များ

1 Corintios 15:33

Me̱qꞌue e̱rib chi balakꞌi̱c xbaneb li nequeꞌa̱tinac chi joꞌcan. Me̱junaji e̱rib riqꞌuineb li incꞌaꞌ useb xnaꞌleb xban nak li incꞌaꞌ useb xnaꞌleb nequeꞌxpoꞌ xchꞌo̱leb li cha̱bileb xnaꞌleb.

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

Hebreos 13:9

Me̱qꞌue e̱rib chi balakꞌi̱c xbaneb laj balakꞌ, xban nak jalan jala̱nk li tijleb nequeꞌxye. Ma̱cuaꞌ li cꞌaꞌru nakatzaca li najaloc re li kayuꞌam. Aꞌ ban li rusilal li Dios najaloc re ut naxqꞌue xcacuil kachꞌo̱l.

1 Corintios 8:9

Naru te̱tzaca li mayejanbil tzacae̱mk. Abanan cheqꞌuehak retal nak incꞌaꞌ te̱luctasi xchꞌo̱l li toj kꞌuneb xchꞌo̱l saꞌ lix pa̱ba̱leb xban nak nequetzaca aꞌan. Cheqꞌuehak retal nak incꞌaꞌ ta̱oc cuiꞌchic chi ma̱cobc e̱ban la̱ex.

1 Corintios 5:6

Me̱nimobresi e̱rib riqꞌuin xcꞌoxlanquil nak us yo̱quex chixba̱nunquil. La̱ex nequexinjuntakꞌe̱ta riqꞌuin xkꞌemal li caxlan cua. La̱ex nequenau nak usta caꞌchꞌin ajcuiꞌ lix chꞌamal naqꞌueman, naxchꞌamobresi chixjunil li kꞌem. Naraj naxye nak incꞌaꞌ naru nacuan li ma̱c saꞌ xya̱nkeb laj pa̱banel re nak incꞌaꞌ teꞌxcꞌam xbeheb li jun chꞌol chic chi ma̱cobc.

Hechos 4:36

Quicuan jun li cui̱nk aj José xcꞌabaꞌ. Eb li apóstol queꞌxqꞌue Bernabé chokꞌ xcab xcꞌabaꞌ. Chi jalbil ru naraj naxye “Aj Cꞌojobanel Chꞌo̱lej”. Aꞌan xcomoneb li nequeꞌtenkꞌan reheb laj tij. Chipre xtenamit.

Eclesiastés 10:1

Li camenak raxya̱t naxpoꞌ li sununquil ban ut nachuhoꞌ. Joꞌcan ajcuiꞌ li to̱ntil naꞌleb naru tixpoꞌ ru li naꞌleb li kꞌaxal lokꞌ.

Gálatas 2:1

Mokon chic nak ac xnumeꞌ ca̱laju chihab, co̱in cuiꞌchic Jerusalén cuochben laj Bernabé. Ut kacꞌam laj Tito chikix.

1 Corintios 12:2

Nak toj ma̱jiꞌ nequexpa̱ban chak queqꞌue chak xcuanquil li yi̱banbil dios li incꞌaꞌ nequeꞌa̱tinac ut queqꞌue e̱rib chi balakꞌi̱c riqꞌuin xpa̱banquileb.

Eclesiastés 7:20

Relic chi ya̱l ma̱ jun cuan saꞌ ruchichꞌochꞌ li kꞌaxal ta ti̱c xchꞌo̱l chi incꞌaꞌ ta ta̱ma̱cobk.

Génesis 27:24

laj Isaac quixye cuiꞌchic re: —Ye cue, ¿ma relic chi ya̱l nak la̱at laj Esaú, li cualal? chan. Ut laj Jacob quichakꞌoc ut quixye re: —La̱in laj Esaú la̱ cualal, chan.

Li xHu LAJ JOB 15:12

¿Cꞌaꞌut nak nachal a̱joskꞌil? Ut, ¿cꞌaꞌut nak najalanoꞌ la̱ cuiloba̱l xban la̱ joskꞌil?

San Mateo 23:28

Joꞌcan ajcuiꞌ la̱ex. Relic chi ya̱l nak cha̱bil nequexcꞌutun chiruheb li tenamit. Abanan le̱ chꞌo̱l nujenak chi ma̱usilal ut la̱ex aj caꞌ pacꞌal u.

Gálatas 2:9

Laj Jacobo, laj Pedro ut laj Juan, aꞌaneb aj cꞌamol be saꞌ xya̱nkeb laj pa̱banel. Nak queꞌxqꞌue retal nak sicꞌbil cuu xban li Dios, queꞌxqꞌue li rukꞌeb cue ut re laj Bernabé. Aꞌan retalil nak kacomon kib chi cꞌanjelac chiru li Dios. Ut xkacꞌu̱b ru nak la̱in ut laj Bernabé tocꞌanjelak saꞌ xya̱nkeb li ma̱cuaꞌeb aj judío ut eb aꞌan teꞌcꞌanjelak saꞌ xya̱nkeb laj judío.

2 Samuel 16:19

¿Ani chi aj u tincꞌanjelak? ¿Ma ma̱cuaꞌ ta biꞌ chiru li ralal laj David tincꞌanjelak? Chanru nak xincꞌanjelac chiru la̱ yucuaꞌ, joꞌcan ajcuiꞌ nak tincꞌanjelak cha̱cuu la̱at, chan laj Husai.