Gálatas 2:1 - Li Santil hu

¹ Mokon chic nak ac xnumeꞌ ca̱laju chihab, co̱in cuiꞌchic Jerusalén cuochben laj Bernabé. Ut kacꞌam laj Tito chikix.

Q'eqchi Bible

¹ Kaalaju chihab' chik chirix a'an, kintaqe'k wi' chik Jerusalén wochb'een laj Bernabé; kink'am ajwi' laj Tito chiwix.

Gálatas 2:1 ပူးပေါင်းရင်းမြစ်များ

Gálatas 2:3

Laj Tito ma̱cuaꞌ aj judío. Abanan eb laj cꞌamol be incꞌaꞌ queꞌxmin ru chixcꞌulbal li circuncisión.

Tito 1:4

Yo̱quin chi tzꞌi̱bac a̱cuiqꞌuin, at Tito. La̱at chanchanat tzꞌakal cualal saꞌ xcꞌabaꞌ li kapa̱ba̱l. Chicua̱nk taxak a̱cuiqꞌuin li usilal ut li tuktu̱quilal li naxqꞌue li Dios li kaYucuaꞌ ut li naxqꞌue li Jesucristo laj Colol ke.

Colosenses 4:10

Laj Aristarco li cuochben nak cuanco saꞌ tzꞌalam naxtakla ajcuiꞌ xsahil e̱chꞌo̱l. Naxtakla ajcuiꞌ xsahil e̱chꞌo̱l laj Marcos li rechꞌalal laj Bernabé. Ac xintakla xyebal e̱re nak ta̱cuulak laj Marcos e̱riqꞌuin. Nak ta̱cuulak e̱riqꞌuin, checꞌulak saꞌ xya̱lal chi sa saꞌ e̱chꞌo̱l.

Gálatas 2:13

Eb laj pa̱banel aj judío queꞌoc chixba̱nunquil li caꞌ pacꞌalil naꞌleb li quixba̱nu laj Pedro toj retal nak qui-oc ajcuiꞌ chixba̱nunquil laj Bernabé xban nak joꞌcan quicꞌameꞌ cuiꞌ xbe xbaneb.

Gálatas 1:18

Oxib chihab xpa̱banquil li Dios inban nak co̱in Jerusalén re nak tinnau ru laj Pedro. Oꞌlaju cutan quincuan chak riqꞌuin.

2 Corintios 8:23

Cui ani teꞌpatzꞌok chirix laj Tito, te̱ye reheb nak aꞌan cuech aj cꞌanjelil. Cuochben che̱tenkꞌanquil. Ut eb li cuib chic chi herma̱n, aꞌan taklanbileb xbaneb laj pa̱banel. Xban nak ti̱queb xchꞌo̱l saꞌ lix pa̱ba̱l, nequeꞌxqꞌue xlokꞌal li Cristo.

2 Corintios 8:16

Ninbantioxi chiru li Dios xban nak laj Tito naxqꞌue xchꞌo̱l che̱tenkꞌanquil joꞌ nak ninqꞌue inchꞌo̱l la̱in.

1 Corintios 9:6

Malaj ut nequecꞌoxla nak caꞌaj cuiꞌ la̱in ut laj Bernabé cau totrabajik re nak takasicꞌ katzacae̱mk.

Hechos 15:25

Joꞌcan nak xkachꞌutub kib ut xkacꞌu̱b ru nak takasicꞌ ruheb li ani takatakla e̱riqꞌuin chirixeb laj Bernabé ut laj Pablo, li raro̱queb kaban.

Hechos 14:12

Laj Bernabé queꞌxqꞌue xcꞌabaꞌ chokꞌ Júpiter, ut laj Pablo Mercurio queꞌxqꞌue chokꞌ xcꞌabaꞌ xban nak aꞌan aj cꞌamol be chi a̱tinac.

Hechos 13:50

Eb laj judío queꞌxtacchiꞌi chak eb li ixk li nequeꞌxqꞌue xcuanquil lix pa̱ba̱leb, li nequeꞌqꞌueheꞌ xlokꞌal joꞌqueb ajcuiꞌ li cui̱nk li cuanqueb xcuanquil saꞌ li tenamit. Queꞌxyoꞌob jun ra xi̱cꞌ saꞌ xbe̱neb laj Pablo ut laj Bernabé. Ut queꞌrisiheb saꞌ lix tenamiteb.

Hechos 13:2

Nak yo̱queb chi tijoc chiru li Dios ut chi ayunic, li Santil Musikꞌej quixye reheb: —Qꞌuehomakeb xjuneseb laj Saulo ut laj Bernabé re nak teꞌxba̱nu li cꞌanjel aꞌin li sicꞌbileb cuiꞌ ru inban, chan.

Hechos 12:25

Queꞌsukꞌi chak Jerusalén laj Bernabé ut laj Saulo nak ac queꞌxba̱nu lix cꞌanjeleb. Queꞌxcꞌam chirixeb laj Juan, li nequeꞌxye ajcuiꞌ Marcos re.

Hechos 11:30

Ut joꞌcan queꞌxba̱nu. Queꞌxtakla lix tenkꞌal chirixeb laj Bernabé ut laj Saulo re nak teꞌxkꞌaxtesi saꞌ rukꞌeb li nequeꞌcꞌamoc be saꞌ xya̱nkeb laj pa̱banel li cuanqueb Judea.

Hechos 11:25

Chirix chic aꞌan laj Bernabé co̱ Tarso chixsicꞌbal laj Saulo. Nak quixtau quixcꞌam Antioquía.

2 Corintios 2:13

Abanan nak quincuulac Troas quirahoꞌ inchꞌo̱l xban nak ma̱ ani aran li kaherma̱n Tito chixyebal cue chanru cuanquex. Joꞌcan nak quinchakꞌrabiheb ut quincꞌulun arin saꞌ li naꞌajej Macedonia.

Gálatas 2:9

Laj Jacobo, laj Pedro ut laj Juan, aꞌaneb aj cꞌamol be saꞌ xya̱nkeb laj pa̱banel. Nak queꞌxqꞌue retal nak sicꞌbil cuu xban li Dios, queꞌxqꞌue li rukꞌeb cue ut re laj Bernabé. Aꞌan retalil nak kacomon kib chi cꞌanjelac chiru li Dios. Ut xkacꞌu̱b ru nak la̱in ut laj Bernabé tocꞌanjelak saꞌ xya̱nkeb li ma̱cuaꞌeb aj judío ut eb aꞌan teꞌcꞌanjelak saꞌ xya̱nkeb laj judío.