Gálatas 1:7 - Li Santil hu

⁷ Aꞌin moco naraj ta naxye nak cuan jun chic li evangelio. Lix ya̱lal aꞌan, aꞌin: cuanqueb li nequeꞌraj xpoꞌbal ru li evangelio li naxqꞌue li Ka̱cuaꞌ Jesucristo.

Q'eqchi Bible

⁷ Ab'an moko wank ta jalan chik evangelio, yal wankeb' b'an li neke'luktesink eech'ool ut neke'raj xpo'b'al ru li x'Evangelio li Kriist.

Gálatas 1:7 ပူးပေါင်းရင်းမြစ်များ

Hechos 15:24

Xkabi resil nak cuanqueb li xeꞌel arin saꞌ kaya̱nk ut xeꞌco̱eb aran saꞌ le̱ tenamit che̱chꞌiꞌchꞌiꞌinquil ut chixpoꞌbal e̱chꞌo̱l riqꞌuin li cꞌaꞌru nequeꞌxye. Abanan moco la̱o ta xotaklan reheb.

Gálatas 5:10

La̱in cau inchꞌo̱l saꞌ xcꞌabaꞌ li Ka̱cuaꞌ Jesucristo nak la̱ex moco jalan ta le̱ cꞌaꞌux chiru lin cꞌaꞌux la̱in. Li ani yo̱ chi poꞌoc ru le̱ pa̱ba̱l tixcꞌul xtojbal xma̱c aꞌ yal ani.

2 Corintios 11:13

Eb li cui̱nk aꞌin nequeꞌxqꞌue rib chokꞌ apóstol. Abanan ma̱cuaꞌ li Cristo quiqꞌuehoc reheb chokꞌ apóstol. Eb aꞌan aj balakꞌ ut junes balakꞌi̱nc nequeꞌxba̱nu.

Gálatas 5:12

Li ani yo̱queb chi poꞌoc ru le̱ pa̱ba̱l ut yo̱queb chixyebal nak tento xcꞌulbal li circuncisión, us raj cui teꞌxcꞌul eb aꞌan ut teꞌxset raj ribeb chi junaj cua re nak teꞌxcanab chꞌiꞌchꞌiꞌi̱nc saꞌ e̱ya̱nk.

2 Corintios 2:17

Caꞌaj cuiꞌ la̱o li taklanbilo xban li Dios. Chi anchal kachꞌo̱l nococꞌanjelac chiru li Dios saꞌ xcꞌabaꞌ li Cristo xban nak reho chic. Moco juntakꞌe̱to ta riqꞌuineb li jun chꞌol chic li incꞌaꞌ nequeꞌxqꞌue xlokꞌal li ra̱tin li Dios. Chanchaneb aj yaconel nak nequeꞌxsicꞌ xtumineb riqꞌuin xyebal li ra̱tin li Dios.

Apocalipsis 20:3

Quixcut saꞌ li nimla chamal jul ut quixtzꞌap xbe̱n ut quixqꞌue jun sello chiru re nak incꞌaꞌ chic tixbalakꞌiheb li tenamit chiru li jun mil chihab. Chirix aꞌan ta̱achꞌaba̱k. Abanan incꞌaꞌ najt ta̱cua̱nk.

2 Juan 1:10

Cui nacuulac junak e̱riqꞌuin ut nequenau nak jalan li yo̱ chixchꞌolobanquil che̱ru chiru li quixchꞌolob li Jesucristo, me̱cꞌul saꞌ le̱ rochoch chi moco te̱ye re nak li Dios chi-osobtesi̱nk re.

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Apocalipsis 13:14

Quixbalakꞌiheb li cuanqueb saꞌ ruchichꞌochꞌ riqꞌuin li sachba chꞌo̱lej li quiqꞌueheꞌ re xba̱nunquil chiru li joskꞌ aj xul. Ut quixye reheb li cuanqueb saꞌ ruchichꞌochꞌ nak teꞌxyi̱b jun xjalam u̱ch li joskꞌ aj xul li quiyoqꞌueꞌ riqꞌuin chꞌi̱chꞌ ut quiqꞌuira.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

Apocalipsis 2:20

Abanan incꞌaꞌ nacuulac chicuu nak nequecꞌam e̱rib saꞌ usilal riqꞌuin li ixk li yibru xnaꞌleb li chanchan lix naꞌleb lix Jezabel. Li ixk aꞌan naxqꞌue rib chokꞌ xprofeta li Dios, abanan moco ya̱l ta. Yo̱ ban chixbalakꞌinquileb laj cꞌanjel chicuu. Riqꞌuin li naxba̱nu yo̱ chixcꞌambaleb xbe chi yumbe̱tac ut chi coꞌbe̱tac. Ut yo̱ ajcuiꞌ chixcꞌambaleb xbe chixtzacanquil li tzacae̱mk mayejanbil chiru li jalanil Dios.

Apocalipsis 2:6

Abanan cuan jun li us nequeba̱nu. La̱ex xicꞌ nequeril li ma̱usilal li nequeꞌxba̱nu li nequeꞌta̱ken re li cui̱nk laj Nicolás. Joꞌcan ajcuiꞌ la̱in. Xicꞌ nacuil li ma̱usilal li nequeꞌxba̱nu eb aꞌan.

Apocalipsis 2:2

La̱in ninnau chixjunil li nequeba̱nu. Ninnau nak cau nequexcꞌanjelac ut ninnau ajcuiꞌ nak incꞌaꞌ nachꞌinan e̱chꞌo̱l. Ninnau nak xicꞌ nequeril li nequeꞌxba̱nu ma̱usilal. Xeqꞌue retal li ani xeꞌxqꞌue ribeb chokꞌ apóstol ut ma̱cuaꞌeb. Ut xenau nak aj balakꞌeb ut aj ticꞌtiꞌeb.

San Judas 1:4

Nintzꞌi̱ba li hu aꞌin xban nak cuanqueb aj balakꞌ queꞌxchꞌic rib saꞌ e̱ya̱nk chi mukmu. Eb aꞌan nequeꞌxye nak laj pa̱banel naru teꞌxba̱nu yalak cꞌaꞌru chi ma̱usilal ut xban li rusilal li kaDios, ma̱cꞌaꞌ teꞌxcꞌul. Nequeꞌxsach xcuanquil li Ka̱cuaꞌ Jesucristo, laj e̱chal ke. Eb aꞌan aj kꞌetoleb ra̱tin li Dios ut chalen chak junxil cutan ac xakabanbil chak li rakba a̱tin saꞌ xbe̱neb.

2 Juan 1:7

Ninnumsi cuiꞌchic saꞌ e̱xic li naꞌleb aꞌin xban nak nabaleb laj tzolonel aj balakꞌ cuanqueb saꞌ ruchichꞌochꞌ. Eb li cui̱nk aꞌin incꞌaꞌ nequeꞌxchꞌolob lix ya̱lal nak li Jesucristo quitzꞌejcualoꞌ ut tzꞌakal cui̱nk nak quicꞌulun saꞌ ruchichꞌochꞌ. Eb li cui̱nk aꞌin aj balakꞌeb ut xicꞌ nequeꞌril li Jesucristo.

1 Juan 2:26

Nintzꞌi̱ba aꞌin e̱riqꞌuin chirixeb li xicꞌ nequeꞌiloc re li Cristo xban nak eb aꞌan teꞌraj e̱balakꞌinquil.

2 Timoteo 2:18

Eb aꞌan queꞌxcanab xpa̱banquil li tzꞌakal ya̱l ut queꞌxpa̱b li ticꞌtiꞌ. Nequeꞌxye nak ac queꞌcuacli chi yoꞌyo eb li camenak, chanqueb. Ut riqꞌuin aꞌan cuan li yo̱queb chixpoꞌbal ruheb lix pa̱ba̱leb.

Gálatas 6:17

Ut chirix chixjunil aꞌin ma̱ ani ta chic chichꞌiꞌchꞌiꞌi̱nk cue xban nak cuan retalil chicuix li rahobtesi̱c li quincꞌul saꞌ xcꞌabaꞌ li Ka̱cuaꞌ Jesús.

Gálatas 4:17

Chanchan kꞌaxal nequera eb laj balakꞌ. Abanan ma̱cuaꞌ usilal li teꞌraj e̱riqꞌuin. E̱balakꞌinquil ban li teꞌraj. Eb aꞌan teꞌraj nak te̱risi e̱rib cuiqꞌuin re nak eb aꞌan chic li te̱ta̱ke.

Gálatas 2:4

Abanan cuan ajcuiꞌ junju̱nk queꞌraj raj xminbal ru xcꞌulbal li circuncisión. Eb aꞌan nequeꞌxye rib nak aj pa̱baneleb. Queꞌoc saꞌ kaya̱nk chi mukmu re xqꞌuebal retal li usilal cuanco cuiꞌ saꞌ xcꞌabaꞌ li Jesucristo ma yo̱co chixpa̱banquil li najter chakꞌrab malaj incꞌaꞌ. Eb aꞌan queꞌraj raj cuiꞌchic kaqꞌuebal rubel xcuanquil li najter chakꞌrab.

2 Corintios 4:2

Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

Hechos 20:30

Ut saꞌ e̱ya̱nk ajcuiꞌ la̱ex cua̱nkeb li teꞌoc chixyebal cꞌaꞌak re ru incꞌaꞌ ya̱l re xkꞌunbesinquileb laj pa̱banel re teꞌxic chirixeb.

Hechos 13:10

Ut quixye re: —La̱at chanchanat laj tza. La̱at aj ticꞌtiꞌ. Xicꞌ nacacuil li ti̱quilal. Junes balakꞌic ut ma̱usilal nacaba̱nu. La̱at nacapoꞌ ru li rusilal li Ka̱cuaꞌ.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

Jeremías 23:26

¿Joꞌ najtil chic teꞌxye li ticꞌtiꞌ saꞌ incꞌabaꞌ, li ticꞌtiꞌ li yal nequeꞌxcꞌoxla xjuneseb?

Jeremías 23:36

Incꞌaꞌ chic ta̱julticokꞌ reheb xyebal, “Aꞌin ra̱tin li Ka̱cuaꞌ” xban nak cui teꞌxba̱nu aꞌan, la̱in tinsukꞌisi li cua̱tin chokꞌ raylal chokꞌ reheb. Eb li tenamit queꞌxjal ru li cua̱tin la̱in lix Dioseb laj Israel. Nim incuanquil ut yoꞌyo̱quin.

Gálatas 1:6

Nasach inchꞌo̱l e̱ban xban nak kꞌaxal junpa̱t yo̱quex chixcanabanquil li tzꞌakal Dios li quisicꞌoc e̱ru xban li rusilal li Jesucristo. Ut yo̱quex chixpa̱banquil jalan tijleb chirix li evangelio li moco ya̱l ta.