Gálatas 1:2 - Li Santil hu

² La̱in yo̱quin chixtaklanquil li hu aꞌin e̱riqꞌuin che̱junilex la̱ex li cuanquex saꞌ li junju̱nk chi iglesia aran Galacia. Ut eb li herma̱n li cuanqueb cuochben yo̱queb ajcuiꞌ chixtaklanquil xsahil e̱chꞌo̱l.

Q'eqchi Bible

² Laa'in ut chixjunileb' li was wiitz'in li wankeb' wochb'een naqataqla xsahil xch'ooleb' li Iklees re Galacia:

Gálatas 1:2 ပူးပေါင်းရင်းမြစ်များ

Filipenses 4:21

Cheqꞌue xsahil xchꞌo̱leb chixjunileb li nequeꞌpa̱ban re li Jesucristo. Eb li herma̱n li cuanqueb arin cuiqꞌuin nequeꞌxtakla ajcuiꞌ xsahil e̱chꞌo̱l.

1 Corintios 16:1

Anakcuan nacuaj xyebal e̱re chanru te̱ba̱nu riqꞌuin li tumin li yo̱quex chixxocbal re xtenkꞌanquileb le̱ rech aj pa̱banelil li cuanqueb aran Jerusalén. Joꞌ xinye reheb laj pa̱banel aran Galacia, joꞌcan ajcuiꞌ tinye e̱re la̱ex.

Filipenses 2:22

Ac nequenau nak cha̱bil xnaꞌleb laj Timoteo. Nequenau chanru nak naxqꞌue xchꞌo̱l chi cꞌanjelac cuochben chixyebal resil li colba-ib. Ninxtenkꞌa joꞌ junak alalbej naxtenkꞌa lix yucuaꞌ.

Hechos 18:23

Incꞌaꞌ najt quicuan aran nak co̱ ut quinumeꞌ saꞌ eb li naꞌajej Galacia ut Frigia ut yo̱ chixqꞌuebal xcacuilal xchꞌo̱leb laj pa̱banel.

Hechos 15:41

Quilajeꞌxbeni li naꞌajej Siria ut Cilicia. Queꞌxchꞌolob xya̱lal chiruheb laj pa̱banel ut queꞌcacuu xchꞌo̱leb saꞌ xpa̱ba̱leb.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

Gálatas 3:1

La̱ex aj Galacia, ma̱cꞌaꞌ e̱naꞌleb. ¿Ani xbalakꞌin e̱re nak incꞌaꞌ chic yo̱quex xpa̱banquil lix ya̱lal? Nak xkachꞌolob che̱ru chanru nak quiqꞌueheꞌ li Jesucristo chiru cruz, chanchan nak tzꞌakal yo̱quex chirilbal.