Gálatas 1:16 - Li Santil hu

¹⁶ Ut nak li Dios quiraj xcꞌutbesinquil li Ralal chicuu re nak tinchꞌolob resil chiruheb li ma̱cuaꞌeb aj judío, incꞌaꞌ xinpatzꞌ innaꞌleb re junak cui̱nk.

Gálatas 1:16 ပူးပေါင်းရင်းမြစ်များ

San Mateo 16:17

Tojoꞌnak quichakꞌoc li Jesús ut quixye re: —Us xak a̱cue, at Simón, ralalat laj Jonás, xban nak moco cui̱nk ta xcꞌutbesin cha̱cuu lix ya̱lal aꞌin. Lin Yucuaꞌ cuan saꞌ choxa, aꞌan ban li xcꞌutbesin cha̱cuu.

Efesios 6:12

Moco yo̱co ta chixyalbal kakꞌe riqꞌuin cui̱nk. Yo̱co ban chi pletic riqꞌuin qꞌuila pa̱y ru chi ma̱us aj musikꞌej li cuanqueb xcuanquil saꞌ eb li cutan aꞌin, li nequeꞌtaklan saꞌ ikꞌ ut saꞌ li ruchichꞌochꞌ li cuan saꞌ xkꞌojyi̱nal ru li ma̱c.

Efesios 3:1

La̱in laj Pablo. Cuanquin chi pre̱xil xban nak nincꞌanjelac chiru li Cristo, ut xban nak ninye resil li colba-ib e̱re la̱ex li ma̱cuaꞌex aj judío.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Romanos 11:13

Anakcuan tina̱tinak e̱riqꞌuin la̱ex li ma̱cuaꞌex aj judío. La̱in taklanbilin xban li Dios chixyebal resil li colba-ib e̱re. Ut ninqꞌue xlokꞌal lin cꞌanjel.

Hechos 22:21

Ut li Ka̱cuaꞌ quixye cue, “Ayu xban nak la̱in tatintakla chi najt saꞌ xya̱nkeb li ma̱cuaꞌeb aj judío,” chan cue, chan laj Pablo.

Hechos 9:15

Ut li Ka̱cuaꞌ quixye re: —Ayu xban nak li cui̱nk aꞌan sicꞌbil ru inban re xyebal resil li colba-ib saꞌ incꞌabaꞌ la̱in reheb li cuanqueb saꞌ xcuanquil ut reheb ajcuiꞌ li ma̱cuaꞌeb aj judío joꞌqueb ajcuiꞌ li ralal xcꞌajol laj Israel.

San Mateo 26:41

Chexyoꞌlek ut chextijok re nak incꞌaꞌ te̱qꞌue e̱rib chi a̱le̱c. La̱ex nequeraj raj xba̱nunquil li us, abanan e̱junes incꞌaꞌ texru̱k, chan.

Deuteronomio 33:9

Kꞌaxal cateꞌxra chiruheb lix naꞌ xyucuaꞌeb ut chiruheb ajcuiꞌ li rechꞌalaleb ut lix cocꞌaleb. Queꞌxba̱nu li cꞌaꞌru naxye saꞌ la̱ chakꞌrab ut incꞌaꞌ queꞌxkꞌet li contrato caba̱nu riqꞌuineb.

Hebreos 2:14

Ya̱l nak la̱o ut li Jesucristo junaj li kachoxahil Yucuaꞌ. Li Jesucristo quitzꞌejcualoꞌ joꞌ la̱o. Quicuan xquiqꞌuel. Quicuan xbakel ut xtibel. Li Jesucristo quicam. Riqꞌuin lix camic, li Ka̱cuaꞌ Jesucristo quixsach xcuanquil laj tza, xban nak saꞌ xcꞌabaꞌ laj tza nak cuan li ca̱mc.

2 Timoteo 1:11

Li Dios quixakaban cue chi cꞌanjelac chokꞌ apóstol ut chokꞌ aj tzolol reheb li ma̱cuaꞌeb aj judío re nak tinye resil li colba-ib reheb.

1 Timoteo 2:7

Ut la̱in li taklanbilin xban li Dios chixyebal resil lix ya̱lal aꞌin chiruheb li ma̱cuaꞌeb aj judío. Taklanbilin chixyebal resil re nak teꞌxnau cꞌaꞌru li ya̱l ut teꞌpa̱ba̱nk. Moco ticꞌtiꞌ ta li yo̱quin chixyebal. Tzꞌakal ya̱l nak xakabanbilin chixyebal li resilal reheb.

1 Ts 2:16

Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb.

Gálatas 2:1

Mokon chic nak ac xnumeꞌ ca̱laju chihab, co̱in cuiꞌchic Jerusalén cuochben laj Bernabé. Ut kacꞌam laj Tito chikix.

2 Corintios 5:16

Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

1 Corintios 15:50

Ex inherma̱n, li nacuaj xyebal e̱re, aꞌan aꞌin: li katibel ut li kaquiqꞌuel incꞌaꞌ ta̱oc saꞌ lix nimajcual cuanquilal li Dios xban nak aꞌan nakꞌa. Li bar cuan nakꞌa incꞌaꞌ naru ta̱re̱chani lix nimajcual cuanquilal li Dios xban nak aꞌan incꞌaꞌ nakꞌa.

Hechos 5:42

Ut incꞌaꞌ queꞌxcanab xchꞌolobanquil xya̱lal chiruheb li tenamit saꞌ li templo ut saꞌ eb li rochoch ut queꞌxye resil nak li Jesucristo, aꞌan laj Colonel li yechiꞌinbil xban li Dios.

Hechos 9:20

Laj Saulo ticto qui-oc chixchꞌolobanquil lix ya̱lal chirix li Jesús, chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut quixye reheb: —Li Jesús, aꞌan li Cristo li Ralal li Dios, chan.

Romanos 1:5

Saꞌ xcꞌabaꞌ li Ka̱cuaꞌ Jesucristo qꞌuebilin chokꞌ apóstol xban li Dios re xchꞌolobanquil xya̱lal chiruheb li tenamit yalak bar re nak teꞌxpa̱b li Jesucristo ut teꞌxba̱nu li cꞌaꞌru naraj.