Ut chixjunileb li cuanqueb saꞌ ruchichꞌochꞌ teꞌxlokꞌoni ru li joskꞌ aj xul aꞌan. Teꞌxlokꞌoni li xul chixjunileb li incꞌaꞌ tzꞌi̱banbileb xcꞌabaꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, li cuan riqꞌuin li Jun li chanchan carner, li ac xakabanbil chak re camsi̱c saꞌ xticlajic li ruchichꞌochꞌ.
Filipenses 4:3 - Li Santil hu3 Joꞌcan nak nintzꞌa̱ma chiru nak tixtenkꞌaheb li ixk aꞌin. Cau xeꞌcꞌanjelac chintenkꞌanquil xyebal resil li colba-ib. Joꞌcan ajcuiꞌ xba̱nu laj Clemente ut chixjunileb li cuech aj cꞌanjelil. Eb aꞌan tzꞌi̱banbil xcꞌabaꞌeb xban li Dios saꞌ li hu tzꞌi̱banbil cuiꞌ xcꞌabaꞌeb chixjunileb li colbileb. အခန်းကိုကြည့်ပါ။Q'eqchi Bible3 Jo'kan ajwi' nintz'aama chawu, a Sísigo, tz'aqal “wech aj k'anjelilat”, naq chatenq'aheb' li ixq a'an, xb'aan naq kaw xe'k'anjelak wochb'eeneb' chirix li Chaab'il Esilal. A'an ajwi' xb'aanu laj Klemente ut eb' li junch'ol chik aj tenq' we, li ak wankeb' xk'ab'a' sa' xhuhil li yu'am. အခန်းကိုကြည့်ပါ။ |
Filipenses 4:3
28 ပူးပေါင်းရင်းမြစ်များ
Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, aꞌan ta̱tikiba̱k riqꞌuin saki akꞌej. Ut la̱in incꞌaꞌ tinsach lix cꞌabaꞌ saꞌ li hu tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut chiru lin Yucuaꞌ ut chiruheb ajcuiꞌ lix ángel, la̱in tinye nak aꞌan cualal incꞌajol.
Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.
Li joskꞌ aj xul li xacuil, aꞌan li quicuan, ut anakcuan ma̱ ani chic. Abanan ta̱e̱lk cuiꞌchic chak saꞌ li chamal jul ut ta̱sachekꞌ ru chi junaj cua. Ut li joꞌ qꞌuialeb li incꞌaꞌ tzꞌi̱banbileb xcꞌabaꞌeb chalen saꞌ xticlajic li ruchichꞌochꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, eb aꞌan ta̱sachk xchꞌo̱leb chirilbal li joskꞌ aj xul li quicuan chak junxil ut ma̱ ani chic anakcuan. Abanan ta̱cha̱lk cuiꞌchic.
Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.
Ut queꞌcuil chixjunileb li camenak, joꞌ ni̱nk joꞌ cocꞌ, xakxo̱queb chiru li chunchu saꞌ li cꞌojariba̱l. Ut queꞌteli li hu li tzꞌi̱banbil cuiꞌ lix yehom xba̱nuhomeb. Ut quiteheꞌ ajcuiꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut quirakeꞌ a̱tin saꞌ xbe̱neb li camenak aꞌ yal chanru lix yehom xba̱nuhomeb joꞌ tzꞌi̱banbil retalil saꞌ li hu.
Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.
La̱in tinsach ruheb li nequeꞌril li visión li moco ya̱l ta ut tinsach ruheb li nequeꞌticꞌtiꞌic nak nequeꞌkꞌehin. Incꞌaꞌ chic teꞌoque̱nk saꞌ xya̱nkeb li nequeꞌcꞌu̱ban re li cꞌaꞌru ta̱uxma̱nk saꞌ lin tenamit chi moco tzꞌi̱banbilak lix cꞌabaꞌeb saꞌ li hu li tzꞌi̱banbil cuiꞌ xcꞌabaꞌeb laj Israel. Ut incꞌaꞌ chic teꞌsukꞌi̱k saꞌ lix naꞌajeb laj Israel. Riqꞌuin aꞌin teꞌxqꞌue retal nak la̱in li Ka̱cuaꞌ li nimajcual Dios.
Xban nak nequeqꞌue e̱chꞌo̱l chi cꞌanjelac chiru li Cristo, joꞌcan nak junelic nequexincꞌoxla ut kꞌaxal sa saꞌ inchꞌo̱l e̱riqꞌuin. La̱ex xextzꞌakon cuochben riqꞌuin li usilal li naxqꞌue li Cristo. Xextzꞌakon ajcuiꞌ cuiqꞌuin riqꞌuin rahil chꞌo̱lej nak cuanquin chi pre̱xil ut xextzꞌakon ajcuiꞌ cuiqꞌuin nak yo̱quin chixchꞌolobanquil xya̱lal li colba-ib reheb li cuanqueb xcuanquil re nak teꞌxnau nak tzꞌakal ya̱l li cꞌaꞌru yo̱co chixchꞌolobanquil.
ကြော်ငြာတွေ