Filipenses 3:3 - Li Santil hu

³ La̱o ac xkacꞌul li tzꞌakal circuncisión xban nak la̱o nakalokꞌoni li Dios joꞌ naxcꞌut chiku li Santil Musikꞌej. Aꞌan li tzꞌakal circuncisión. La̱o nasahoꞌ li kachꞌo̱l nak junajo chic riqꞌuin li Cristo yal xban xnimal rusilal. Ma̱cuaꞌ riqꞌuin li nakaba̱nu la̱o kajunes.

Q'eqchi Bible

³ Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

Filipenses 3:3 ပူးပေါင်းရင်းမြစ်များ

Colosenses 2:11

Xban nak xepa̱b li Jesucristo, junajex chic riqꞌuin ut chanchan nak xecꞌul li circuncisión, aban ma̱cuaꞌ joꞌ li circuncisión nequeꞌxba̱nu laj judío. Li xecꞌul la̱ex, aꞌan nak li Jesucristo quirisi saꞌ le̱ chꞌo̱l lix rahinquil ru li ma̱usilal.

Romanos 7:6

Aꞌut anakcuan chanchan li camenako xban nak li najter chakꞌrab ma̱cꞌaꞌ chic xcuanquil chokꞌ ke la̱o. Ma̱cuaꞌ chic li chakꞌrab yal re saꞌ kabe̱n. Ut incꞌaꞌ chic yo̱co chi cꞌanjelac rubel xcuanquil li chakꞌrab tzꞌi̱banbil chak najter. Anakcuan nococꞌanjelac chiru li Dios saꞌ li acꞌ yuꞌam li naxqꞌue ke li Santil Musikꞌej.

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.

Gálatas 5:25

Cui acꞌ chic li kayuꞌam qꞌuebil ke xban li Santil Musikꞌej, chikacanabak kib rubel xcuanquil re nak aꞌan chic ta̱beresi̱nk ke.

Romanos 8:15

La̱ex xecꞌul li Santil Musikꞌej ut ma̱cꞌaꞌ chic e̱xiu. Moco joꞌquex ta junak li mo̱s naxxucua ru lix patrón. Xban nak li Santil Musikꞌej cuan kiqꞌuin, la̱o ban tzꞌakal ralal xcꞌajol li Dios. Joꞌcan nak nakaye “at inYucuaꞌ” re nak nocotijoc.

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Salmos 105:3

Cheqꞌue xlokꞌal lix santil cꞌabaꞌ li Ka̱cuaꞌ. Chisahokꞌ taxak saꞌ e̱chꞌo̱l la̱ex li nequecꞌoxla li Dios.

Deuteronomio 10:16

Joꞌcan ut chalen anakcuan isihomak saꞌ le̱ ra̱m chixjunil li incꞌaꞌ us. Chanchan nak te̱ba̱nu li circuncisión. Cheba̱nu ban li cꞌaꞌru naraj li Ka̱cuaꞌ ut me̱cacuubresi chic le̱ chꞌo̱l.

Efesios 6:18

Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Romanos 1:9

Nincꞌanjelac chiru li Dios ut chi anchal inchꞌo̱l ninye resil li Ka̱cuaꞌ Jesucristo li Ralal li Dios. Li Dios naxnau nak junelic yo̱quin chi tijoc che̱rix.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Isaías 45:25

Abanan li Ka̱cuaꞌ tixye nak ma̱cꞌaꞌ xma̱queb li ralal xcꞌajol laj Israel ut teꞌqꞌuehekꞌ xlokꞌaleb.

San Judas 1:20

Aꞌut la̱ex, ex inherma̱n, cauhak taxak e̱chꞌo̱l saꞌ le̱ santil pa̱ba̱l. Ut chextijok riqꞌuin xcuanquil li Santil Musikꞌej.

Romanos 15:17

Ninqꞌue xlokꞌal lin cꞌanjel xban nak aꞌan xcꞌanjel li Dios. Moco injunes ta nincꞌanjelac. Aꞌ li Cristo natenkꞌan cue.

Romanos 8:39

Li cꞌaꞌak re ru cuan takecꞌ, chi moco li cꞌaꞌak re ru cuan takꞌa saꞌ ruchichꞌochꞌ incꞌaꞌ naru torisi riqꞌuin lix rahom li Dios. Chi ya̱l, ma̱cꞌaꞌ naru ta̱isi̱nk ke riqꞌuin lix rahom li Dios. Quixcꞌut chiku nak nocoxra nak quixqꞌue li Jesucristo chi ca̱mc re kacolbal.

Romanos 9:6

Li Dios quixqꞌue li quixyechiꞌi reheb laj Israel. Aban moco chixjunileb ta queꞌxcꞌul li yechiꞌinbil xban li Dios xban nak moco chixjunileb ta tzꞌakaleb aj Israel. Aban incꞌaꞌ ninye nak li Dios incꞌaꞌ quixqꞌue li quixyechiꞌi reheb laj Israel.

2 Corintios 11:18

Nabaleb nequeꞌxnimobresi rib riqꞌuin li cꞌaꞌru nequeꞌxba̱nu arin saꞌ ruchichꞌochꞌ. ¿Ma incꞌaꞌ ta biꞌ raj ta̱ru̱k tinnimobresi ajcuiꞌ cuib la̱in?

Gálatas 6:16

Aꞌ taxak li tuktu̱quilal ut li uxta̱na̱nc u chicua̱nk e̱riqꞌuin la̱ex li nequexpa̱ban re lix ya̱lal li yo̱quin chixyebal. La̱ex li tzꞌakal ralal xcꞌajol li Dios.

Filipenses 1:1

La̱in laj Pablo. Yo̱quin chixtzꞌi̱banquil li hu aꞌin cuochben laj Timoteo. La̱o aj cꞌanjel chiru li Jesucristo. Li hu aꞌin, aꞌan e̱re la̱ex li nequexcꞌamoc be saꞌ xya̱nkeb laj pa̱banel aran Filipos ut e̱re ajcuiꞌ la̱ex li nequextenkꞌan saꞌ li cꞌanjel aran. Ut e̱re ajcuiꞌ che̱junilex la̱ex aj pa̱banel aran Filipos, li junaj chic e̱ru riqꞌuin li Jesucristo.

Filipenses 3:12

Incꞌaꞌ ninye nak ac xtzꞌakloc ru lin pa̱ba̱l chi moco ninye nak ac xincꞌul chixjunil lix cuanquilal. Abanan yo̱quin chixyalbal inkꞌe re nak toxincue̱chani chixjunil li tinma̱tani riqꞌuin li Jesucristo xban nak li Jesucristo quinixqꞌue chokꞌ ralal.

Filipenses 3:14

Ninyal inkꞌe chire̱chaninquil lin ma̱tan joꞌ nak naxyal xkꞌe junak chi a̱linac re ta̱re̱chani lix kꞌajca̱munquil. Abanan li tincue̱chani la̱in, aꞌan li junelic yuꞌam li naxyechiꞌi li Dios reheb li nequeꞌpa̱ban re li Jesucristo.