Filipenses 2:4 - Li Santil hu

⁴ Mexcꞌoxlac caꞌaj cuiꞌ chirix cꞌaꞌru us chokꞌ e̱re la̱ex. Chexcꞌoxlak aj ban cuiꞌ chirix li us ta̱e̱lk chokꞌ reheb le̱ ras e̱ri̱tzꞌin.

Q'eqchi Bible

⁴ Maa'ani chixsik' li us ka'ajwi' cho'q re xjunes, chixsik'aq aj b'an wi' cho'q reheb' li ras riitz'in.

Filipenses 2:4 ပူးပေါင်းရင်းမြစ်များ

1 Corintios 10:24

Me̱sicꞌ li us caꞌaj cuiꞌ chokꞌ e̱re la̱ex. Chesicꞌ aj ban cuiꞌ li us chokꞌ reheb le̱ ras e̱ri̱tzꞌin.

Romanos 15:1

La̱o, li ac cau kachꞌo̱l saꞌ li kapa̱ba̱l, chikacuyeb xma̱c li toj kꞌuneb xchꞌo̱l saꞌ xpa̱ba̱leb ut takatenkꞌaheb saꞌ li chꞌaꞌajquilal. Incꞌaꞌ chikasicꞌ li us caꞌaj cuiꞌ chokꞌ ke la̱o.

Santiago 2:8

Tzꞌi̱banbil saꞌ li Santil Hu li chakꞌrab li kꞌaxal nim xcuanquil. Aꞌan naxye: Chara la̱ cuas a̱cui̱tzꞌin joꞌ nak nacara a̱cuib la̱at. Cui joꞌcan nequeba̱nu tzꞌakal re ru yo̱quex chixba̱nunquil.

Romanos 12:15

Chisahokꞌ saꞌ e̱chꞌo̱l riqꞌuineb li saheb saꞌ xchꞌo̱l. Ut chiyotꞌekꞌ ajcuiꞌ e̱chꞌo̱l riqꞌuineb li nequeꞌyotꞌeꞌ xchꞌo̱l xban li raylal li yo̱queb chixcꞌulbal.

2 Corintios 11:29

Cui cuan li kꞌun xchꞌo̱l li ma̱cꞌaꞌ xmetzꞌe̱u, kꞌaxal nintokꞌoba ruheb. Cui cuan li nequeꞌchꞌinan xchꞌo̱leb saꞌ lix pa̱ba̱leb, cꞌajoꞌ nak narahoꞌ inchꞌo̱l ut nincꞌoxlac chirixeb.

San Mateo 18:6

Ut li ani ta̱poꞌok xchꞌo̱leb li toj kꞌuneb xchꞌo̱l li nequeꞌpa̱ban cue, kꞌaxal raj us chokꞌ re aꞌan nak ta̱cutekꞌ saꞌ xchamal li palau chi bacꞌbo junak nimla pec chixcux.

2 Corintios 6:3

La̱o incꞌaꞌ nakaj xba̱nunquil li cꞌaꞌak re ru li ta̱ramok re chiruheb li ani teꞌraj pa̱ba̱nc re nak ma̱ ani ta̱cuechꞌok rix li cꞌanjel li yo̱co chixba̱nunquil.

Filipenses 2:21

Eb li jun chꞌol chic junes li us chokꞌ reheb aꞌan nequeꞌxcꞌoxla ut incꞌaꞌ nequeꞌxcꞌoxla xba̱nunquil li naraj li Jesucristo.

Números 32:6

Ut laj Moisés quixye reheb: —¿Ma te̱raj texcana̱k arin ut eb le̱ rech tenamitil teꞌxic jun pacꞌal li nimaꞌ Jordán chi pletic?

Ester 2:22

Nak quirabi nak teꞌraj teꞌxcamsi li rey, laj Mardoqueo quixye re lix Ester. Ut lix Ester quixye re li rey li cꞌaꞌru quirabi ut quixye ajcuiꞌ nak laj Mardoqueo, aꞌan li quiyehoc re.