Filemón 1:9 - Li Santil hu

⁹ Abanan incꞌaꞌ tinmin a̱cuu chixba̱nunquil. Tintzꞌa̱ma ban li usilal cha̱cuu xban nak nakara kib. La̱in ac xinti̱x ut cuanquin chi pre̱xil saꞌ xcꞌabaꞌ li Cristo.

Q'eqchi Bible

⁹ ab'an nawaj relajinkil aawu sa' xk'ab'a' li rahok, laa'in laj Pablo, ak xikenaq linchihab' ut anaqwan wankin sa' tz'alam sa' xk'ab'a' li Kristo Jesus.

Filemón 1:9 ပူးပေါင်းရင်းမြစ်များ

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

2 Corintios 5:20

Joꞌcan ut nak la̱o taklanbilo saꞌ xcꞌabaꞌ li Jesucristo. Li Dios naxtoꞌoni lix tzꞌu̱mal ke re nak ta̱a̱tinak e̱riqꞌuin. Saꞌ xcꞌabaꞌ li Jesucristo nakatzꞌa̱ma che̱ru nak checꞌamak e̱rib saꞌ usilal riqꞌuin li Dios.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

Efesios 3:1

La̱in laj Pablo. Cuanquin chi pre̱xil xban nak nincꞌanjelac chiru li Cristo, ut xban nak ninye resil li colba-ib e̱re la̱ex li ma̱cuaꞌex aj judío.

1 Pedro 2:11

Ex inherma̱n, raro̱quex inban. La̱ex yal numelex arin saꞌ ruchichꞌochꞌ. La̱in nintzꞌa̱ma che̱ru nak me̱ba̱nu chic li ma̱usilal li queba̱nu chak junxil xban nak aꞌan caꞌaj cuiꞌ xpoꞌbal ru le̱ cꞌaꞌux naxba̱nu.

Hebreos 13:19

Ut nintzꞌa̱ma ajcuiꞌ che̱ru nak chextijok chicuix. Aꞌ taxak li Dios chitenkꞌa̱nk cue re nak ta̱ru̱k tinxic cuiꞌchic chi junpa̱t che̱rilbal.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

Isaías 46:4

La̱in junelic tin-ilok e̱re toj saꞌ e̱ti̱xilal. Texcuil nak sak chic le̱ jolom. La̱in quinyoꞌobtesin e̱re ut la̱in tin-ilok e̱re. La̱in tintenkꞌa̱nk e̱re ut tincolok e̱re.

Proverbios 16:31

Li ani nati̱x chi us, kꞌaxal lokꞌ chokꞌ re. Nati̱x chi us xban nak cuan saꞌ ti̱quilal.

Salmos 71:18

At inDios, mina̱canab injunes anakcuan nak ac ti̱xin chic ut sak chic injolom xban nak tento tinye resil la̱ cuanquilal reheb li tenamit aꞌin ut reheb li alal cꞌajolbej li teꞌyoꞌla̱k mokon.

Salmos 71:9

Mina̱tzꞌekta̱na nak ac ti̱xakin chic ut mina̱canab injunes nak ma̱cꞌaꞌak chic inmetzꞌe̱u.

Gálatas 3:26

Anakcuan la̱ex chic ralal xcꞌajol li Dios che̱junilex xban nak xepa̱b li Jesucristo.

Efesios 6:20

Taklanbilin xban li Dios chixyebal li resilal aꞌan. Ut xban xyebal resil li colba-ib nak cuanquin chi pre̱xil anakcuan. Chextijok chicuix re nak tinchꞌolob xya̱lal li colba-ib chi cau inchꞌo̱l joꞌ qꞌuebil cue xba̱nunquil xban li Dios.

1 Timoteo 1:12

Ninbantioxi chiru li Ka̱cuaꞌ Jesucristo xban nak aꞌan xcꞌojob xchꞌo̱l saꞌ inbe̱n ut xinixxakab chi cꞌanjelac chiru. Ut aꞌan naqꞌuehoc incuanquil chixba̱nunquil.

Tito 2:2

Chaqꞌueheb xnaꞌleb li che̱quel cui̱nk re nak incꞌaꞌ teꞌcala̱k ut cha̱bilakeb xnaꞌleb. Toj cheꞌxcꞌoxla chi us li cꞌaꞌru teꞌxba̱nu ut cheꞌpa̱ba̱nk chi anchaleb xchꞌo̱l. Chixjunil li teꞌxba̱nu, cheꞌxba̱nuhak xban nak nequeꞌxra li ras ri̱tzꞌin ut cheꞌxcuyak li raylal.

Jueces 21:22

Ut cui teꞌcuulak lix yucuaꞌeb malaj ut li raseb chixyebal ke cꞌaꞌut nak xcꞌulman chi joꞌcaꞌin, la̱o takaye reheb, “Nakatzꞌa̱ma che̱ru nak te̱ba̱nu usilal reheb, ut te̱canabeb li xkaꞌal chokꞌ rixakileb. La̱o xocuulac saꞌ li ple̱t ut incꞌaꞌ xoru chixtaubal tzꞌakal li ixk re takaqꞌue chokꞌ rixakileb. Moco xekꞌet ta li contrato li xeba̱nu, xban nak moco la̱ex ta xexqꞌuehoc reheb. Yal elkꞌanbil ban xeꞌxba̱nu,” chaꞌko reheb.—