Filemón 1:6 - Li Santil hu

⁶ Ut nintzꞌa̱ma ajcuiꞌ chiru li Dios nak tatxtenkꞌa re nak ta̱cꞌutu̱nk chanru la̱ pa̱ba̱l. Ut nak teꞌril li rusilal li Jesucristo cuan a̱cuiqꞌuin, teꞌqꞌui̱k saꞌ xpa̱ba̱leb.

Q'eqchi Bible

⁶ Juntaq'eet laapaab'aal rik'in li qe laa'o. Nintz'aama b'i' naq chik'utunq a'an rik'in xnawb'al chixjunil li us li naru xb'aanunkil cho'q re li Kriist.

Filemón 1:6 ပူးပေါင်းရင်းမြစ်များ

2 Pedro 1:8

Cui nakaba̱nu aꞌin chi cuulaj cuulaj, yo̱ko chi cꞌanjelac chiru li Dios re nak li kayuꞌam incꞌaꞌ ta̱cua̱nk chi ma̱cꞌaꞌ rajbal. Cua̱nk ban xya̱lal nak takapa̱b li Ka̱cuaꞌ Jesucristo.

Colosenses 1:9

Ut chalen nak quikabi resil nak xexpa̱ban, joꞌcan nak junelic nocotijoc che̱rix. Nakatzꞌa̱ma chiru li Dios nak tixcꞌut che̱ru cꞌaꞌru naraj te̱ba̱nu. Ut nakatzꞌa̱ma ajcuiꞌ chiru li Dios nak li Santil Musikꞌej tixqꞌue e̱naꞌleb chixtaubal ru lix ya̱lal.

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

Santiago 2:17

Joꞌcan ajcuiꞌ nakacꞌul riqꞌuin li kapa̱ba̱l. Cui nakaye nak nakapa̱b li Cristo ut incꞌaꞌ nakaba̱nu li us, camenak li kapa̱ba̱l. Ma̱cꞌaꞌ na-oc cuiꞌ.

Santiago 2:14

Ex inherma̱n, ¿cꞌaꞌru aj e nak tixye junak nak aꞌan aj pa̱banel cui incꞌaꞌ yo̱ chixba̱nunquil li us? Cui joꞌcan yo̱ chixba̱nunquil, ma̱cꞌaꞌ na-oc cuiꞌ lix pa̱ba̱l. Moco naru ta ta̱colekꞌ xban.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

Tito 3:14

Eb li kech aj pa̱banelil tento nak teꞌxtzol rib xba̱nunquil li usilal ut teꞌxtzol ajcuiꞌ xtenkꞌanquileb li tenkꞌa̱c teꞌraj re nak incꞌaꞌ ta̱cana̱k chi ma̱cꞌaꞌ rajbal lix pa̱ba̱leb.

1 Corintios 14:25

Li Dios tixcꞌut chiru chi tzꞌakal cꞌaꞌru cuan saꞌ xchꞌo̱l. Ut li jun aꞌan tixcuikꞌib rib ut tixlokꞌoni li Dios ut tixye nak relic chi ya̱l li Dios cuan saꞌ xya̱nkeb laj pa̱banel.

1 Pedro 3:16

Chexcua̱nk saꞌ xya̱lal ut me̱ba̱nu chic li ma̱usilal re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ cꞌaꞌux. Usta cha̱bil nequeba̱nu xban nak nequepa̱b li Cristo, abanan cuan li nequeꞌa̱tinac che̱rix. Eb aꞌan xuta̱nal teꞌe̱lk xban nak nequeꞌkꞌaban.

1 Pedro 3:1

La̱ex ixakilbej chex-abi̱nk chiru le̱ be̱lom. Cui cuanqueb li be̱lomej li incꞌaꞌ nequeꞌxpa̱b li ra̱tin li Dios, aꞌan teꞌxqꞌue retal le̱ cha̱bilal ut teꞌxpa̱b ajcuiꞌ li Dios eb aꞌan. Kꞌaxal us xcꞌutbal li cha̱bilal chiru xchꞌolobanquil xya̱lal riqꞌuin a̱tin.

Filipenses 4:8

Ut anakcuan, jun chic nacuaj xyebal e̱re. Aꞌan aꞌin: junelic chexcꞌoxlak chirix li cꞌaꞌru ya̱l ut li cꞌaꞌru cha̱bil. Chexcꞌoxlak chirix li ti̱quilal, li santilal, ut li usilal. Junelic chexcꞌoxlak chirix li kꞌaxal cha̱bil ut li naru naxqꞌue xlokꞌal li Dios.

1 Corintios 16:9

Yo̱ chi e̱lc chi us lin cꞌanjel arin xban nak nabaleb nequeꞌraj rabinquil resil li colba-ib. Abanan cuan ajcuiꞌ li xicꞌ nequeꞌrabi resil li colba-ib.

Colosenses 3:10

Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan.

San Mateo 25:16

Ut li mo̱s li quicꞌuluc re li o̱b mil pe̱s, qui-oc chi yacoc chiru ut quire̱chani o̱b mil pe̱s chic saꞌ xbe̱n li quixcꞌul.