Filemón 1:10 - Li Santil hu

¹⁰ Li usilal nintzꞌa̱ma cha̱cuu, aꞌan chirix laj Onésimo. Chanchan li cualal chicuu nak cuan xban nak chicuu quixpa̱b li Jesucristo nak cuanquin chi pre̱xil.

Q'eqchi Bible

¹⁰ Nintz'aama usilal chawu chirix laj Onésimo li walal li xinsiya sa' tz'alam.

Filemón 1:10 ပူးပေါင်းရင်းမြစ်များ

Colosenses 4:9

Ta̱xic ajcuiꞌ li kaherma̱n Onésimo rochben. Aꞌan e̱rech tenamitil. Aꞌan ti̱c xchꞌo̱l ut raro kaban. Ut aꞌaneb teꞌyehok resil e̱re li cꞌaꞌru yo̱co chixcꞌulbal arin.

1 Corintios 4:15

Usta cuan laje̱bak mil li nequeꞌchꞌoloban xya̱lal li Cristo che̱ru, abanan la̱in li xinyehoc e̱re resil li colba-ib junxil nak xexpa̱ban. Joꞌcan nak la̱in le̱ yucuaꞌ saꞌ xcꞌabaꞌ li Jesucristo.

1 Timoteo 1:2

At Timoteo, yo̱quin chi tzꞌi̱bac a̱cuiqꞌuin. Chanchanat li tzꞌakal cualal nak cuancat xban nak chicuu xapa̱b li Cristo. Chicua̱nk taxak a̱cuiqꞌuin li usilal, li uxta̱n ut li tuktu̱quilal li naxqꞌue li Dios li kaYucuaꞌ ut li naxqꞌue li Ka̱cuaꞌ Jesucristo.

Gálatas 4:19

Ex inherma̱n, chanchanex incocꞌal nak nequexcuil. Cꞌajoꞌ nak nayotꞌeꞌ inchꞌo̱l saꞌ e̱cꞌabaꞌ la̱ex. Chanchan li raylal li naxcꞌul li ixk li cua̱nc re xcꞌulaꞌal. Cꞌajoꞌ narahoꞌ inchꞌo̱l nak toj ma̱jiꞌ nequekꞌaxtesi e̱rib chi tzꞌakal rubel rok rukꞌ li Cristo.

Tito 1:4

Yo̱quin chi tzꞌi̱bac a̱cuiqꞌuin, at Tito. La̱at chanchanat tzꞌakal cualal saꞌ xcꞌabaꞌ li kapa̱ba̱l. Chicua̱nk taxak a̱cuiqꞌuin li usilal ut li tuktu̱quilal li naxqꞌue li Dios li kaYucuaꞌ ut li naxqꞌue li Jesucristo laj Colol ke.

2 Samuel 18:5

Laj David quixye reheb laj Joab, laj Abisai ut laj Itai: —Saꞌ incꞌabaꞌ la̱in me̱ba̱nu raylal re laj Absalón, li sa̱j cui̱nk, chan. Ut chixjunileb li soldados queꞌrabi li cꞌaꞌru quixye li rey David chirix laj Absalón.

San Marcos 9:17

Quichakꞌoc jun saꞌ xya̱nkeb li qꞌuila tenamit ut quixye re: —At Ka̱cuaꞌ, xincꞌam chak jun li cualal arin. Mem ut cuan ma̱us aj musikꞌej riqꞌuin.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

1 Corintios 4:14

Ma̱cuaꞌ re xcꞌutbal e̱xuta̱n nak yo̱quin chixyebal e̱re chi joꞌcaꞌin. Re ban xqꞌuebal e̱naꞌleb xban nak chanchanex li cualal incꞌajol chicuu ut raro̱quex inban.

Filemón 1:11

Junxil laj Onésimo incꞌaꞌ quicꞌanjelac chi us cha̱cuu. Abanan anakcuan cha̱bil aj cꞌanjel chic cha̱cuu la̱at ut chicuu ajcuiꞌ la̱in.

Filemón 1:13

La̱in xcuaj raj nak xcana ta cuiqꞌuin. Naru raj ta̱cꞌanjelak chicuu chokꞌ a̱cuu̱chil la̱at nak cuanquin chi pre̱xil xban xyebal resil li colba-ib.

3 Juan 1:4

Aꞌan aꞌin li kꞌaxal nasahoꞌ cuiꞌ inchꞌo̱l nak nacuabi resil nak eb li kaherma̱n cuanqueb saꞌ xya̱lal. Eb aꞌan chanchaneb li cualal incꞌajol xban nak queꞌpa̱ban chicuu.