Ezequiel 7:9 - Li Santil hu

⁹ Incꞌaꞌ tincuy e̱ma̱c chi moco tincuil xtokꞌoba̱l e̱ru. Texinqꞌue ban chixtojbal rix le̱ ma̱c. Ut li ma̱usilal nequeba̱nu saꞌ e̱be̱n ajcuiꞌ la̱ex ta̱sukꞌi̱k. Ut la̱ex te̱nau nak la̱in li Ka̱cuaꞌ ut te̱nau ajcuiꞌ nak la̱in li tinqꞌuehok e̱re chixtojbal rix le̱ ma̱c.

Q'eqchi Bible

⁹ Ink'a' twil xtoq'ob'aal aawu chi moko tinkuy laamaak, tatink'e b'an chi xtojb'al rix laamaa'usilal; tinjultika chawu laajo'maajo'il b'aanuhom, ut aran teenaw naq laa'in li Qaawa', li yookin chi rahob'tesink eere.

Ezequiel 7:9 ပူးပေါင်းရင်းမြစ်များ

Apocalipsis 20:13

Chixjunileb li camenak cuanqueb aran, joꞌ eb li queꞌcam saꞌ haꞌ joꞌqueb ajcuiꞌ li queꞌmukeꞌ. Quirakeꞌ a̱tin saꞌ xbe̱neb chixjunileb aꞌ yal chanru lix yehom xba̱nuhomeb.

Gálatas 6:7

Me̱balakꞌi e̱rib. Li Dios incꞌaꞌ naru xbalakꞌinquil. Li cꞌaꞌru narau li junju̱nk, aꞌan ajcuiꞌ li tixkꞌol.

Miqueas 6:9

Li Ka̱cuaꞌ yo̱ chi a̱tinac chi cau xya̱b xcux e̱riqꞌuin la̱ex li cuanquex saꞌ li tenamit Jerusalén. Ut cui cuan e̱naꞌleb, te̱xucua ru li Dios. Aꞌan yo̱ chixyebal e̱re chi joꞌcaꞌin: —Cheqꞌuehak retal li tojba ma̱c ut cheqꞌuehak ajcuiꞌ retal li ani quixakaban re.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

Lamentaciones 2:17

Li Ka̱cuaꞌ xba̱nu e̱re li cꞌaꞌru quixye chak junxil. Incꞌaꞌ xril xtokꞌoba̱l e̱ru. Xsach ban e̱ru. Incꞌaꞌ chic xcuy e̱ma̱c. Xqꞌueheb xcuanquil li xicꞌ nequeꞌiloc e̱re re teꞌnumta̱k saꞌ e̱be̱n, ut xexqꞌue chi seꞌe̱c.

Ezequiel 7:8

Chi se̱b tincꞌut lin joskꞌil che̱ru. La̱ex te̱nau nak kꞌaxal yo̱ injoskꞌil saꞌ e̱be̱n. Ut la̱in tinrakok a̱tin saꞌ e̱be̱n aꞌ yal chanru le̱ yehom e̱ba̱nuhom. Texinqꞌue chixtojbal rix le̱ ma̱usilal.

Ezequiel 7:10

Xcuulac xkꞌehil nak tex-osokꞌ. Xcuulac xkꞌehil nak te̱toj rix li ma̱usilal xeba̱nu xban nak le̱ ma̱usilal xnumta yalak bar ut xnumta le̱ kꞌetkꞌetil.

Ezequiel 23:49

Eb li cuib chi ixk aꞌan teꞌxcꞌul chi joꞌcan xban li ma̱usilal xeꞌxba̱nu. Teꞌxtoj rix li ma̱c xeꞌxba̱nu nak xeꞌxlokꞌoniheb li jalanil dios. Ut riqꞌuin aꞌin che̱junilex te̱qꞌue retal nak la̱in li nimajcual Dios.—

Jeremías 13:14

Ut chirix aꞌan la̱in tinqꞌueheb chi camsi̱c, joꞌ li yucuaꞌbej joꞌ eb ajcuiꞌ li alalbej. Incꞌaꞌ tincuil xtokꞌoba̱l ruheb chi moco tincuuxta̱na ruheb. Jun xiqueb nak teꞌosokꞌ,” chan li Ka̱cuaꞌ.

Jeremías 36:31

Texinqꞌue chixtojbal le̱ ma̱c che̱junilex, la̱at ut eb la̱ cualal a̱cꞌajol, joꞌqueb ajcuiꞌ li nequeꞌcꞌanjelac cha̱cuu. Teꞌtzꞌako̱nk ajcuiꞌ laj Jerusalén ut eb laj Judá riqꞌuin li raylal li xinye nak te̱cꞌul xban nak incꞌaꞌ xepa̱b li cꞌaꞌru xinye e̱re, chan li Dios re laj Joacim.

Ezequiel 5:11

La̱in li yoꞌyo̱quil Dios ninye riqꞌuin juramento nak la̱in tinsach e̱ru xban nak xemux ru lin templo xban chixjunil li ma̱usilal xeba̱nu. La̱in incꞌaꞌ tincuy e̱ma̱c chi moco tincuil xtokꞌoba̱l e̱ru.

Ezequiel 22:22

La̱ex li cuanquex Jerusalén, ta̱rakekꞌ a̱tin saꞌ e̱be̱n re nak ta̱e̱lk li incꞌaꞌ us saꞌ e̱ya̱nk, joꞌ nak nahaꞌoꞌ li plata saꞌ li xam. Riqꞌuin aꞌin te̱qꞌue retal nak la̱in li nimajcual Dios xinqꞌuehoc e̱re chixtojbal rix e̱ma̱c xban nak yo̱ injoskꞌil saꞌ e̱be̱n.—