Ezequiel 5:2 - Li Santil hu

² Jun jachal la̱ cuismal ta̱cꞌat saꞌ xyi li tenamit nak ac xrakeꞌ li ple̱t. Ut li jun jachal chic ta̱seti chi chꞌi̱chꞌ chixjun sutam li tenamit. Ut li jun jachal chic ta̱cut saꞌ ikꞌ ut ta̱cꞌamekꞌ yalak bar. Ut la̱in tincua̱linaheb li tenamit riqꞌuin chꞌi̱chꞌ.

Q'eqchi Bible

² Jun jachal laawismal taak'at sa' xyi li tenamit naq taaraqe'q xsutb'al rix Jerusalén. Li jun jachal chik taaxok ut taaseti chi ch'iich' chi junqre li tenamit; ut li rox jachal taakut sa' iq'. Toja' naq laa'in twaanilasiheb' chi ch'iich' eb' li poyanam.

Ezequiel 5:2 ပူးပေါင်းရင်းမြစ်များ

Ezequiel 5:12

Jun jachal le̱ tenamit teꞌca̱mk xban caki yajel ut cueꞌej. Ut li jun jachal chic teꞌcamsi̱k chi chꞌi̱chꞌ chirix le̱ tenamit. Ut li jun jachal chic tebinjeqꞌui ru saꞌ jalan tenamit. Chanchan cutbileb saꞌ ikꞌ tinba̱nu reheb nak tincua̱linaheb chi chꞌi̱chꞌ.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Ezequiel 12:14

La̱in tinjeqꞌuiheb yalak bar chixjunileb li nequeꞌoquen chirix, joꞌ eb ajcuiꞌ li nequeꞌtenkꞌan re ut eb lix soldado. La̱in tincua̱linaheb chi chꞌi̱chꞌ.

Jeremías 15:2

Cui teꞌxpatzꞌ a̱cue bar teꞌxic, ta̱ye reheb chi joꞌcaꞌin: Li ac tenebanbil ca̱mc saꞌ xbe̱n xban yajel, teꞌca̱mk; li ac tenebanbil saꞌ xbe̱n nak teꞌca̱mk saꞌ li ple̱t, aran teꞌca̱mk. Ut li ac tenebanbil ca̱mc saꞌ xbe̱n xban cueꞌej, xban cueꞌej ajcuiꞌ teꞌca̱mk; ut eb li ac tenebanbil saꞌ xbe̱n cꞌamecꞌ chi pre̱xil, teꞌcꞌamekꞌ ajcuiꞌ chi pre̱xil saꞌ jalan tenamit.

Jeremías 9:16

Tinjeqꞌuiheb ru saꞌ eb li jalan tenamit li ma̱ jun sut xnauhomeb, chi moco lix naꞌ xyucuaꞌeb. Ut la̱in tinqꞌueheb chi a̱lina̱c riqꞌuin chꞌi̱chꞌ toj retal ma̱ jun chic teꞌcana̱k saꞌ li tenamit.

Jeremías 38:2

Queꞌrabi nak laj Jeremías quixye reheb li tenamit: —Chixjunileb li teꞌcana̱k saꞌ li tenamit teꞌca̱mk xban cueꞌej malaj ut saꞌ li ple̱t, malaj ut xban li caki yajel. Abanan eb li teꞌe̱lk ut teꞌxkꞌaxtesi ribeb rubel xcuanquil laj Babilonia incꞌaꞌ teꞌcamsi̱k. Teꞌcana̱k ban chi yoꞌyo.

Jeremías 24:10

Tebinkꞌaxtesi saꞌ rukꞌeb li xicꞌ nequeꞌiloc reheb saꞌ li ple̱t. Tintakla cueꞌej ut yajel saꞌ xbe̱neb toj retal teꞌosokꞌ saꞌ li naꞌajej li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ, chan li Ka̱cuaꞌ.

Jeremías 13:24

La̱in li Ka̱cuaꞌ tinjeqꞌui̱nk e̱re yalak bar joꞌ nak nacꞌameꞌ rix li trigo xban li ikꞌ li nachal saꞌ li chaki chꞌochꞌ.

Jeremías 39:1

Yo̱ xlaje po re li xbele chihab roquic chokꞌ xreyeb laj Judá laj Sedequías nak quichal laj Nabucodonosor lix reyeb laj Babilonia rochbeneb lix soldados chi pletic riqꞌuineb laj Jerusalén ut queꞌxsut rix li tenamit.

Jeremías 39:2

Saꞌ li bele̱b xbe li xca̱ po nak yo̱ junlaju chihab roquic chokꞌ rey laj Sedequías, nak eb laj Babilonia queꞌxtꞌan li tzꞌac li sutsu cuiꞌ Jerusalén.

Ezequiel 5:3

Ut ta̱chap ajcuiꞌ caꞌchꞌinak la̱ cuismal ut ta̱bacꞌ chire la̱ cuakꞌ.

Ezequiel 5:10

Eb li yucuaꞌbej teꞌxtiu li ralal xcꞌajoleb. Ut eb li alal cꞌajolbej teꞌxtiu lix yucuaꞌeb. La̱in tinrakok a̱tin saꞌ e̱be̱n. Tinjeqꞌui ruheb saꞌ jalan tenamit li joꞌ qꞌuial teꞌcana̱k. Chanchan cutbileb saꞌ ikꞌ tinba̱nu reheb.

Ezequiel 17:21

Chixjunileb li yo̱keb chi e̱lelic rochbeneb lix soldado teꞌcamsi̱k. Eb li incꞌaꞌ teꞌcamsi̱k teꞌjeqꞌui̱k ruheb yalak bar. Ut riqꞌuin aꞌan te̱qꞌue retal nak la̱in li Ka̱cuaꞌ quinyehoc re aꞌin.

Zacarías 13:8

Joꞌcaꞌin ta̱cꞌulma̱nk saꞌ li tenamit aꞌan: numenak yijach li tenamit teꞌosokꞌ. Incꞌaꞌ chic qꞌui teꞌcana̱k, chan li Ka̱cuaꞌ.

Jeremías 9:15

Joꞌcan nak la̱in li nimajcual Dios, lix Dioseb laj Israel, tinqꞌue li raylal saꞌ xbe̱neb. Chanchan nak tinqꞌue chixtzacaheb li cꞌahil tzacae̱mk. Ut chanchan tinqꞌue li haꞌ li banbil xsaꞌ chiruqꞌueb.

Amós 9:4

Ut cui ta teꞌchapekꞌ ut teꞌcꞌamekꞌ xbaneb li xicꞌ nequeꞌiloc reheb, tintakla xcamsinquileb riqꞌuin chꞌi̱chꞌ. La̱in tebinsach ut incꞌaꞌ tincoleb, chan li Ka̱cuaꞌ.