Ezequiel 4:2 - Li Santil hu

² Chirix aꞌan, ta̱yi̱b jun retalil li tzꞌac li sutsu cuiꞌ li tenamit ut ta̱yi̱b jun retalil li pletic. Ta̱yi̱b retalil li rok haꞌ ut retalil lix naꞌajeb li soldados ut ta̱yi̱b ajcuiꞌ retalil li ni̱nki cheꞌ li teꞌxtꞌan cuiꞌ li oqueba̱l re li tenamit.

Q'eqchi Bible

² Chirix a'an taasut rix rik'in reetalileb' laj puub', tz'iib'a reetalil eb' li taqleb'aal, eb' li tz'ak ut eb' li k'anjelob'aal re ok sa' li tenamit; k'e reetalil xmuheb'aaleb' li xik' neke'ilok re, chi xsutam, re naq taak'utunq naq sutsu rix Jerusalén.

Ezequiel 4:2 ပူးပေါင်းရင်းမြစ်များ

Ezequiel 21:22

Nak tixkꞌehi ta̱cꞌutekꞌ chiru nak ta̱xic Jerusalén li cuan saꞌ lix nim ukꞌ. Aran tixyi̱b lix naꞌajeb re teꞌxsut rix li tenamit. Ut teꞌxyi̱b ajcuiꞌ lix cꞌanjeleba̱l ut lix takleba̱l re teꞌoc cuiꞌ saꞌ li tenamit ut teꞌxchap. Li rey tixjap re, re nak eb li soldados teꞌoc chi pletic ut teꞌxtiquib xcamsinquileb li tenamit.

Jeremías 6:6

Aꞌan aꞌin li naxye li Ka̱cuaꞌ li nimajcual Dios reheb li teꞌcha̱lk chi pletic: —Yocꞌomak li cheꞌ ut yi̱bomak jun li takleba̱l re tex-oc chi pletic saꞌ li tenamit Jerusalén. Tento nak li cuanqueb Jerusalén teꞌqꞌuehekꞌ chixtojbal lix ma̱queb xban nak li tenamit aꞌan junes raylal nequeꞌxba̱nu.

Jeremías 52:4

Yo̱ xbele chihab roquic chokꞌ xreyeb laj Israel laj Sedequías, saꞌ li laje̱b xbe li po re lix laje po re li chihab aꞌan, nak quichal laj Nabucodonosor rochbeneb chixjunileb lix soldado chi pletic riqꞌuineb li cuanqueb Jerusalén. Ut chi xjun sutam li tenamit queꞌxyi̱b li naꞌajej najt xteram re xcꞌacꞌalenquil li tenamit.

2 Samuel 20:15

Nak eb lix soldados laj Joab queꞌcuulac Abel-bet-maaca, queꞌxtu̱b li chꞌochꞌ chirix li tzꞌac li sutsu cuiꞌ li tenamit re ta̱ru̱k teꞌpletik riqꞌuineb. Ut queꞌxtiquib ajcuiꞌ xtꞌanbal li tzꞌac.

Jeremías 33:4

Aꞌan aꞌin li ninye la̱in li Ka̱cuaꞌ, lix Dioseb laj Israel chirixeb li ochoch li cuanqueb Jerusalén ut chirixeb li palacio li cuanqueb Judá li teꞌjuqꞌuekꞌ ut teꞌsachekꞌ ru nak eb laj Babilonia teꞌcha̱lk chi pletic riqꞌuineb.

Ezequiel 5:2

Jun jachal la̱ cuismal ta̱cꞌat saꞌ xyi li tenamit nak ac xrakeꞌ li ple̱t. Ut li jun jachal chic ta̱seti chi chꞌi̱chꞌ chixjun sutam li tenamit. Ut li jun jachal chic ta̱cut saꞌ ikꞌ ut ta̱cꞌamekꞌ yalak bar. Ut la̱in tincua̱linaheb li tenamit riqꞌuin chꞌi̱chꞌ.

Daniel 11:15

Tojoꞌnak li rey li cuan saꞌ li norte tixchap jun li tenamit cau rib chi pletic ut tixsut saꞌ tzꞌac re xrambaleb. Ut incꞌaꞌ chic teꞌxcuy pletic li soldado re li sur, usta kꞌaxal cauhak ribeb.

Isaías 22:7

Cꞌajoꞌ li carruaje teꞌcua̱nk saꞌ eb li ru takꞌa, li kꞌaxal chꞌinaꞌus nak xcuan. Ut eb li soldado li nequeꞌxic chirix cacua̱y xakxo̱keb chiru li oqueba̱l re Jerusalén.

Jeremías 32:24

Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

Ezequiel 21:27

Ta̱osokꞌ chixjunil. La̱in tinpoꞌ ru chixjunil. Ut incꞌaꞌ chic ta̱yi̱ba̱k toj saꞌ li cutan nak ta̱cha̱lk li jun li quinqꞌue xcuanquil chi rakoc a̱tin. Saꞌ li cutan aꞌan la̱in tinkꞌaxtesi saꞌ rukꞌ li cꞌanjel aꞌan.