Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezequiel 26:3 - Li Santil hu

3 Joꞌcan nak la̱in li nimajcual Dios ninye reheb: La̱in xicꞌ nequexcuil la̱ex li cuanquex Tiro. La̱in tintaklaheb nabal li xni̱nkal ru tenamit chi pletic e̱riqꞌuin. Chanchan nak nachal lix cau ok li palau nak teꞌcha̱lk chi pletic e̱riqꞌuin.

အခန်းကိုကြည့်ပါ။ ကော်ပီ

Q'eqchi Bible

3 “Jo'kan naq laa'in, li Qaawa', ninye chi jo'ka'in: At tenamit Tiro, laa'in xik' chik tatwil ut tintaqlaheb' li k'iila tenamit chasachb'al; jo' naq nawoqxink li palaw naq te'wulaq aawik'in.

အခန်းကိုကြည့်ပါ။ ကော်ပီ




Ezequiel 26:3
23 ပူးပေါင်းရင်းမြစ်များ  

Chanchan xbutꞌun li tenamit Babilonia nak teꞌcha̱lk li xicꞌ nequeꞌiloc re chixsachbal.


Japjo̱k reheb li soldado nak teꞌoc chi pletic. Chanchan nak na-ecꞌan ru li palau. Li ani ta̱ilok re li tenamit aꞌan tixqꞌue retal nak junes raylal ut rahil chꞌo̱lej cuan aran. Chanchan nak ta̱kꞌojyi̱nokꞌ ru li cutan xban li chok.


Anakcuan nabal chi tenamit xeꞌxchꞌutub ribeb chi pletic e̱riqꞌuin. Nequeꞌxye: —Takasach li tenamit Jerusalén. Takaj takil nak ta̱osokꞌ chi junaj cua li tenamit Sión, chanqueb.


Ut ta̱cua̱nk retalil chiru li sakꞌe, li po ut eb li chahim. Ut eb li cuanqueb saꞌ ruchichꞌochꞌ teꞌyotꞌekꞌ ut teꞌsach xchꞌo̱leb xban lix ya̱b ut lix cau ok li palau.


Li Ka̱cuaꞌ tixchꞌutubeb ru chixjunileb li xni̱nkal ru tenamit ut teꞌxic chi pletic e̱riqꞌuin la̱ex li cuanquex Jerusalén. Teꞌnumta̱k saꞌ e̱be̱n ut ta̱cꞌamekꞌ li cꞌaꞌru cuan e̱re. Eb li ixk telajeꞌchapekꞌ xbaneb li cui̱nk li teꞌcha̱lk chi pletic. Yijach le̱ tenamit teꞌcꞌamekꞌ saꞌ jalan naꞌajej. Ut li joꞌ qꞌuial chic teꞌcana̱k incꞌaꞌ teꞌisi̱k saꞌ le̱ tenamit.


Junxil cauheb rib laj Nínive. Queꞌcamsin ut queꞌxba̱nu li joꞌ qꞌuial queꞌraj. Chanchaneb li cakcoj li naxchap lix tib ut naxjeqꞌui re li ixki cakcoj ut reheb li cocꞌ ral. Queꞌnujac lix naꞌajeb riqꞌuin li cꞌaꞌru queꞌxchap. Joꞌcan ajcuiꞌ queꞌxba̱nu eb laj Nínive.


Ta̱ye re: Joꞌcaꞌin xye li nimajcual Dios. La̱in yo̱ injoskꞌil saꞌ a̱be̱n, at Gog. La̱at li nim a̱cuanquil chi takla̱nc saꞌ eb li tenamit Mesec ut Tubal.


Ta̱ye reheb: Joꞌcaꞌin xye li Ka̱cuaꞌ li nimajcual Dios. La̱in yo̱ injoskꞌil saꞌ e̱be̱n la̱ex aj Sidón. Riqꞌuin li tinba̱nu ta̱qꞌuehekꞌ inlokꞌal. La̱in tinrakok a̱tin saꞌ e̱be̱n la̱ex aj Sidón ut riqꞌuin aꞌan te̱qꞌue retal nak la̱in li Ka̱cuaꞌ li nimajcual Dios ut ta̱cꞌutu̱nk lin santilal.


Ta̱sachekꞌ e̱ru. Chanchan nak ta̱cꞌamekꞌ li jucub saꞌ xyi li palau xbaneb laj chꞌeꞌol re. Ut li cacuil ikꞌ li nachal saꞌ li este tixjori li jucub saꞌ xchamal li palau.


Ta̱ye reheb chi joꞌcaꞌin: Aꞌan aꞌin li naxye li Ka̱cuaꞌ: La̱in xicꞌ chic nequexcuil. La̱in tincuisi lin chꞌi̱chꞌ saꞌ li rochoch ut tinsach ruheb li ti̱c xchꞌo̱leb joꞌ eb ajcuiꞌ li yibru xnaꞌlebeb.


Joꞌcan nak la̱in li Ka̱cuaꞌ ninye e̱re: —La̱in yo̱ injoskꞌil saꞌ e̱be̱n la̱ex aj Jerusalén. Texinqꞌue chixtojbal e̱ma̱c chiruheb li xni̱nkal tenamit.


Cuanqueb xtzimaj ut cuanqueb xla̱ns. Kꞌaxal joskꞌeb. Ma̱ ani nequeꞌril xtokꞌoba̱l ru. Nak nequeꞌxjap re chanchaneb li palau li cau na-ecꞌan. Yo̱queb chi cha̱lc chirix cacua̱y. Ac cauresinbileb re teꞌcha̱lk chi pletic e̱riqꞌuin la̱ex aj Babilonia.


La̱in li nimajcual Dios tinsach e̱ru la̱ex aj Babilonia, xban nak xekꞌetkꞌeti e̱rib chicuu. Xcuulac xkꞌehil nak la̱in texinqꞌue chixtojbal rix li ma̱c xeba̱nu.


La̱in yo̱ injoskꞌil saꞌ e̱be̱n la̱ex li cuanquex saꞌ li helho ru saꞌ xbe̱n li tzu̱l. La̱ex nequecꞌoxla nak cau e̱rib joꞌ jun sako̱nac. La̱in tinsach e̱ru la̱ex li nequeye, “¿Ani ta biꞌ ta̱sachok ku? ¿Ani ta biꞌ ta̱ru̱k ta̱oc saꞌ katenamit li ac cauresinbil re takacol cuiꞌ kib?”


Ac cuan chak lix chꞌi̱chꞌeb saꞌ rukꞌeb ut lix tzimaj. Kꞌaxal joskꞌeb. Ma̱ ani nequeꞌril xtokꞌoba̱l ruheb. Yo̱queb chi cha̱lc chirix cacua̱y chi pletic riqꞌuineb laj Jerusalén. Nak nequeꞌxjap re chanchan nak na-ecꞌan ru li palau.—


Yal riqꞌuin li ra̱tin li Dios quixtakla jun li cacuil ikꞌ ut quirecꞌasi ru li palau ut quichal lix cau ok xban.


Aꞌan aꞌin li naxye li nimajcual Dios. —La̱in tincanaba̱nk re li tenamit chi ma̱cꞌaꞌak chic cua̱nk chi saꞌ joꞌ eb li tenamit li queꞌsacheꞌ ruheb ut ma̱ ani chic cuan aran. La̱in tinba̱nu̱nk re nak ta̱butꞌu̱nk li palau saꞌ li tenamit.


Joꞌcan nak la̱in yo̱ injoskꞌil saꞌ e̱be̱n ut saꞌ xbe̱neb li nimaꞌ. La̱in tinsach ru le̱ tenamit. Ta̱cana̱k chi ma̱cꞌaꞌ cuan chi saꞌ ta̱ticla̱k chak aran Migdol ut ta̱cuulak toj Sevene ut toj saꞌ li nuba̱l re li naꞌajej Etiopía.


Li nimajcual Dios quixye: —La̱in tinsach e̱ru la̱ex aj Nínive. Chanchan tꞌustꞌu texincanab nak tinmakꞌ che̱ru li cꞌaꞌru e̱re. Tincꞌut e̱xuta̱n chiruheb li xni̱nkal ru tenamit.


Abanan li Ka̱cuaꞌ tixmakꞌ chiruheb li biomal ut tixjucꞌ li cab li xeꞌxyi̱b re xcolbaleb rib ut tixcut saꞌ li palau. Ut cꞌatbil nak ta̱osokꞌ li tenamit.


ut chixjunileb li rey li cuanqueb Tiro; ut chixjunileb li rey li cuanqueb Sidón; ut chixjunileb li rey li cuanqueb chire li palau.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ