Ezequiel 2:3 - Li Santil hu

³ Ut li Ka̱cuaꞌ quixye cue: —At ralal cui̱nk, yo̱quin cha̱taklanquil riqꞌuineb li ralal xcꞌajol laj Israel. Eb li tenamit aꞌan kꞌaxal kꞌetkꞌeteb ut queꞌxkꞌet li cua̱tin. Eb aꞌan joꞌ eb ajcuiꞌ lix xeꞌto̱nil yucuaꞌeb yo̱queb chi ma̱cobc chicuu toj chalen anakcuan.

Q'eqchi Bible

³ naq kixye we: “At kaamel winq, laa'in tatintaqla rik'ineb' li ralal xk'ajol laj Israel, a'aneb' jun tenamit ink'a' neke'ab'ink ut xe'xq'etq'eti rib' chiwu. Eb' a'an ut eb' li xxe'toonil yuwa'eb' xe'jipo'k chiwu chalen toj anaqwan.

Ezequiel 2:3 ပူးပေါင်းရင်းမြစ်များ

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Deuteronomio 9:24

Junelic yo̱quex chixkꞌetkꞌetinquil e̱rib chiru li Ka̱cuaꞌ chalen saꞌ li cutan nak quinnau e̱ru.

Romanos 10:15

Ut ¿chanru nak ta̱chꞌoloba̱k chak xya̱lal chiruheb cui ma̱ ani taklanbil xban li Ka̱cuaꞌ? Joꞌcaꞌin tzꞌi̱banbil saꞌ li Santil Hu: Cꞌajoꞌ xlokꞌal eb li nequeꞌxic yalak bar chixyebal resil li colba-ib, li naqꞌuehoc tuktu̱quil usilal. (Isa. 52:7)

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

Jeremías 44:21

Quixye reheb: —¿Ma incꞌaꞌ ta biꞌ quixnau li Dios nak xecꞌat li pom saꞌ eb li tenamit li cuanqueb Judá ut aran Jerusalén? ¿Ma incꞌaꞌ ta biꞌ quixqꞌue retal nak xecꞌat li pom la̱ex, ut eb le̱ yucuaꞌ joꞌ eb ajcuiꞌ le̱ rey ut eb li nequeꞌtaklan saꞌ e̱be̱n?

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.

Jeremías 7:2

—Xaklin chire lix puertil lin templo ut ta̱ye li a̱tin aꞌin reheb li cristian: Abihomak li cꞌaꞌru xye li Dios e̱re che̱junilex la̱ex aj Judá. Abihomak che̱junilex la̱ex li nequex-oc chixlokꞌoninquil li Ka̱cuaꞌ Dios.

Jeremías 1:7

Ut li Ka̱cuaꞌ Dios quixye cue: —Ma̱ye nak toj sa̱jat. Bar tatintakla la̱at tatxic ut ta̱ye chixjunil li cꞌaꞌru tinye a̱cue.

Salmos 106:28

Saꞌ li naꞌajej Peor queꞌxlokꞌoni li yi̱banbil dios Baal ut queꞌxcuaꞌ li tzacae̱mk li queꞌxmayeja chiruheb li yi̱banbil dios li incꞌaꞌ yoꞌyo̱queb.

Nehemías 9:26

Abanan queꞌxchikꞌ a̱joskꞌil xban nak queꞌxkꞌet la̱ cua̱tin. Queꞌxtzꞌekta̱na li chakꞌrab li caqꞌue reheb. Queꞌxcamsiheb li profeta li queꞌyehoc reheb nak teꞌsukꞌi̱k cuiꞌchic a̱cuiqꞌuin. Cꞌajoꞌ li ma̱usilal queꞌxba̱nu.

Esdras 9:7

Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

Deuteronomio 9:27

Chijulticokꞌ taxak a̱cue eb laj cꞌanjel cha̱cuu, laj Abraham, laj Isaac ut laj Jacob. Ma̱qꞌue saꞌ a̱chꞌo̱l lix cacuilal xchꞌo̱leb li tenamit aꞌin ut chacuy taxak lix ma̱usilaleb ut lix ma̱queb.

Números 20:10

Laj Moisés ut laj Aarón queꞌxchꞌutubeb li tenamit chiru li sako̱nac ut laj Moisés quixye reheb: —Abihomak la̱ex li nequexkꞌetoc re ra̱tin li Dios. ¿Ma tento nak la̱o takisi li haꞌ saꞌ li sako̱nac aꞌin re te̱rucꞌ? chan.

Ezequiel 17:12

—Patzꞌ reheb laj Israel li kꞌaxal kꞌetkꞌeteb ma xeꞌxtau ru li jaljo̱quil ru a̱tin li xaye reheb. Ye reheb nak aꞌan aꞌin lix ya̱lal. Lix reyeb laj Babilonia quicuulac Jerusalén ut quixcꞌam toj Babilonia li rey rochbeneb li nequeꞌtenkꞌan re.

Ezequiel 24:3

Tat-a̱tinak riqꞌuineb laj Israel laj kꞌetoleb a̱tin. Ta̱ye reheb li jaljo̱quil ru a̱tin aꞌin. Joꞌcaꞌin xye li nimajcual Dios: Qꞌuehomak li ucꞌal saꞌ xam ut qꞌuehomak haꞌ chi saꞌ.

Ezequiel 40:4

Li cui̱nk quixye cue: —At ralal cui̱nk, il chi us li cꞌaꞌru tincꞌut cha̱cuu, ut abi chi us li cꞌaꞌru tinye a̱cue. Ta̱qꞌue retal li cꞌaꞌru tincꞌut cha̱cuu. Aꞌan aj e nak xatcꞌameꞌ chak arin xban li Dios. Ta̱ye reheb li ralal xcꞌajol laj Israel chixjunil li cꞌaꞌru ta̱cuil, chan cue.

Amós 7:15

Abanan li Ka̱cuaꞌ qui-isin chak cue saꞌ li cꞌanjel aꞌan, ut quixye cue: —Ayu, toxa̱ye chak li cꞌaꞌru tinye a̱cue. Saꞌ incꞌabaꞌ la̱in toxa̱ye chak li cꞌaꞌru teꞌxcꞌul lin tenamit Israel, chan.

2 Reyes 17:14

Abanan eb aꞌan incꞌaꞌ queꞌabin. Queꞌxcacuubresi ban lix chꞌo̱leb joꞌ queꞌxba̱nu lix xeꞌto̱nil xyucuaꞌeb. Incꞌaꞌ queꞌxcꞌojob xchꞌo̱l riqꞌuin li Dios.

2 Reyes 17:15

Queꞌxtzꞌekta̱na ban li chakꞌrab li quixqꞌue li Dios ut queꞌxtzꞌekta̱na ajcuiꞌ li contrato li quixba̱nu li Dios riqꞌuineb lix xeꞌto̱nil xyucuaꞌeb. Queꞌxkꞌet li ra̱tin li Dios ut queꞌxlokꞌoniheb li yi̱banbil dios li ma̱cꞌaꞌ na-oc cuiꞌ. Joꞌcan nak eb aꞌan queꞌcana chi ma̱cꞌaꞌ nequeꞌoc cuiꞌ xban nak queꞌxba̱nu joꞌ nequeꞌxba̱nu li jalan tenamit li cuanqueb chi nachꞌ riqꞌuineb, usta li Dios quixye nak incꞌaꞌ teꞌxba̱nu.

Isaías 30:1

Li nimajcual Dios quixye: —Raylal ta̱cha̱lk saꞌ xbe̱neb li nequeꞌtaklan saꞌ xbe̱neb laj Judá xban nak xjuneseb nequeꞌxcꞌu̱b ru cꞌaꞌru teꞌxba̱nu ut incꞌaꞌ nequeꞌxpatzꞌ xnaꞌlebeb cue la̱in. Joꞌcan nak yo̱ chi numta̱c lix ma̱queb.

Jeremías 44:20

Laj Jeremías quia̱tinac riqꞌuineb chixjunileb li tenamit, joꞌ cui̱nk joꞌ ixk li yo̱queb chi a̱tinac riqꞌuin.

Malaquías 3:7

Chalen nak toj cua̱nkeb chak le̱ naꞌ e̱yucuaꞌ, la̱ex quetzꞌekta̱na li chakꞌrab li quinqꞌue e̱re ut incꞌaꞌ queba̱nu li cꞌaꞌru quinye. Sukꞌinkex cuiqꞌuin ut la̱in texincꞌul cuiꞌchic chokꞌ cualal incꞌajol, chan li nimajcual Dios. Abanan la̱ex nequeye, “¿Cꞌaꞌru xopaltoꞌ cuiꞌ nak tosukꞌi̱k a̱cuiqꞌuin?” chanquex.