Éxodo 9:9 - Li Santil hu

⁹ Yalak bar saꞌ li tenamit Egipto pukuknac li cha saꞌ xbe̱neb li cristian ut pukuknac saꞌ xbe̱neb li xul. Riqꞌuin aꞌan ta̱ticla̱k li ni̱nki xox chirixeb, chan.

Q'eqchi Bible

⁹ taasutq'iiq chi q'unil pojtz' sa' xb'een chixjunil li tenamit Ejiipt, ut talaje'wanq li sankil xox chirixeb' li winq ut chirixeb' li ketomq sa' xsutam Ejiipt”.

Éxodo 9:9 ပူးပေါင်းရင်းမြစ်များ

Apocalipsis 16:2

Co̱ li xbe̱n ángel ut quixhoy li cuan saꞌ lix secꞌ saꞌ xbe̱n li ruchichꞌochꞌ. Ut quichal jun yajel saꞌ xbe̱neb chixjunileb li queꞌxcꞌul xnumbril lix cꞌabaꞌ li joskꞌ aj xul joꞌqueb ajcuiꞌ li queꞌxlokꞌoni lix jalam u̱ch. Queꞌxoxoꞌ rixeb ut kꞌaxal ra queꞌxcꞌul xban li yajel.

Deuteronomio 28:27

Li Ka̱cuaꞌ tixtakla li xox che̱rix joꞌ xeꞌxcꞌul eb laj Egipto. Ta̱cua̱nk li raylal saꞌ chixjunil le̱ tibel ut tixpati rib le̱ raylal ut cꞌajoꞌ nak ta̱cuotzꞌocokꞌ ut ma̱cꞌaꞌak xbanol.

Li xHu LAJ JOB 2:7

Ut laj tza qui-el riqꞌuin li Ka̱cuaꞌ. Ut quixtakla jun li yajel yibru saꞌ xbe̱n laj Job ut quixoxoꞌ chixjunil li rix.

Deuteronomio 28:35

Li Ka̱cuaꞌ tixcanab chi xoxi̱rc le̱ tibel. Ta̱ticla̱k chak che̱rok ut ta̱cuulak toj le̱ jolom. Kꞌaxal ra te̱cꞌul ut ma̱cꞌaꞌak xbanbal le̱ yajel.

Éxodo 9:8

Li Ka̱cuaꞌ Dios quixye re laj Moisés ut laj Aarón: —Te̱chap jun mo̱chꞌak li cha li cuan saꞌ xnaꞌaj li xam ut laj Moisés tixcut takecꞌ nak yo̱ chi iloc laj faraón.

Éxodo 9:10

Tojoꞌnak queꞌxchap jun mo̱chꞌ li cha cuan saꞌ xnaꞌaj li xam. Chiru laj faraón laj Moisés quixcut takecꞌ. Riqꞌuin aꞌan quichal li ni̱nki xox saꞌ xbe̱neb li cristian ut saꞌ xbe̱neb ajcuiꞌ li xul.