Éxodo 9:30 - Li Santil hu

³⁰ La̱in ninnau nak la̱at chanchanateb ajcuiꞌ laj cꞌanjel cha̱cuu. Incꞌaꞌ nequexucua ru li Ka̱cuaꞌ Dios, chan laj Moisés.

Q'eqchi Bible

³⁰ Ab'anan ninnaw chi us naq laa'at ut eb' laj k'anjel chawu toj maji' nekexiwa ru li Qaawa'”.

Éxodo 9:30 ပူးပေါင်းရင်းမြစ်များ

Isaías 26:10

Usta la̱at ta̱cuil xtokꞌoba̱l ruheb li incꞌaꞌ useb xnaꞌleb, eb aꞌan ma̱ jokꞌe teꞌxtau ru. Incꞌaꞌ teꞌraj cua̱nc saꞌ ti̱quilal. Usta cuanqueb saꞌ junak naꞌajej bar nacatlokꞌoni̱c cuiꞌ, eb aꞌan junelic teꞌxba̱nu li ma̱usilal xban nak incꞌaꞌ nequeꞌxqꞌue retal la̱ cuanquilal.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

Isaías 63:17

At Ka̱cuaꞌ, ¿cꞌaꞌut nak nocoa̱canab chixba̱nunquil li incꞌaꞌ us? ¿Cꞌaꞌut nak xacacuubresi kachꞌo̱l re nak incꞌaꞌ chic takaqꞌue a̱lokꞌal? Tatsukꞌi̱k ta cuiꞌchic kiqꞌuin, at Ka̱cuaꞌ, xban nak nacaraheb li nequeꞌcꞌanjelac cha̱cuu. Tatsukꞌi̱k taxak kiqꞌuin saꞌ xcꞌabaꞌeb lix te̱paleb laj Israel.

Éxodo 8:29

Laj Moisés quichakꞌoc ut quixye re: —Xic cue anakcuan. Tintzꞌa̱ma chiru li Ka̱cuaꞌ Dios nak cuulaj ta̱risiheb li raxya̱t a̱cuiqꞌuin joꞌ ajcuiꞌ riqꞌuineb la̱ mo̱s ut riqꞌuineb chixjunileb le̱ tenamit. Ut, ba̱nu usilal, moa̱balakꞌi cuiꞌchic. Ma̱ye cuiꞌchic ke nak incꞌaꞌ toxic chi mayejac chiru li Ka̱cuaꞌ Dios, chan laj Moisés.