Éxodo 9:29 - Li Santil hu

²⁹ Laj Moisés quixye re: —Nak tincuulak chire li tenamit, aran tintaksi li cuukꞌ ut tintijok chiru li Ka̱cuaꞌ Dios. Incꞌaꞌ chic ta̱cua̱nk sakbach chi moco li ca̱k. Chi joꞌcan ta̱nau nak li Ka̱cuaꞌ Dios aꞌan laj e̱chal re li ruchichꞌochꞌ.

Q'eqchi Bible

²⁹ Kichaq'ok laj Moisés ut kixye: “Naq tin'elq sa' li tenamit, tintaqsi li wuq' chiru li Qaawa', ut taach'anaaq li kaaq ut ink'a' chik taawanq li saqb'ach, re taanaw naq li ruuchich'och' a'an re li Qaawa'.

Éxodo 9:29 ပူးပေါင်းရင်းမြစ်များ

1 Corintios 10:26

Naru te̱tzaca xban nak li Ka̱cuaꞌ Dios aꞌan laj e̱chal re li ruchichꞌochꞌ ut aꞌan ajcuiꞌ laj e̱chal re chixjunil li cuan saꞌ ruchichꞌochꞌ.

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

Salmos 143:6

Yo̱quin chi tijoc cha̱cuu xban nak tincuaj ru nak tina̱tenkꞌa. Chanchanin li chaki chꞌochꞌ ta̱raj ru li haꞌ.

1 Reyes 8:38

chacuabi taxak lix tijeb laj Israel nak teꞌcha̱lk chixya̱banquil la̱ cꞌabaꞌ ut chi tijoc cha̱cuu saꞌ li naꞌajej aꞌin. Chacuabi lix tijeb yalak ani li ta̱cha̱lk chi tijoc saꞌ li naꞌajej aꞌin. Ma̱re la̱ tenamit Israel teꞌcha̱lk chi tijoc cha̱cuu nak teꞌrecꞌa xrahil li raylal li yo̱keb chixcꞌulbal. Ut ma̱re teꞌxtaksi li rukꞌeb chi tijoc saꞌ li templo aꞌin.

1 Reyes 8:22

Chirix aꞌan laj Salomón quixxakab rib chiru lix artal li Ka̱cuaꞌ chiruheb chixjunileb laj Israel li cuanqueb aran. Quixtaksi li rukꞌ saꞌ choxa ut quitijoc.

Deuteronomio 10:14

Li Ka̱cuaꞌ le̱ Dios, aꞌan laj e̱chal re chixjunil li choxa, joꞌ ajcuiꞌ li ruchichꞌochꞌ ut li joꞌ qꞌuial cuan chi saꞌ.

1 Corintios 10:28

Aꞌut cui junak naxye a̱cue nak li tzacae̱mk aꞌan mayejanbil chiru li yi̱banbil dios, incꞌaꞌ ta̱tzaca aꞌan re nak incꞌaꞌ ta̱chꞌina̱k xchꞌo̱l li xyehoc a̱cue nak mayejanbil tzacae̱mk ut re ajcuiꞌ nak incꞌaꞌ ta̱oc xcꞌaꞌux.

Salmos 135:6

Li Ka̱cuaꞌ, aꞌan yal re saꞌ xbe̱n chixjunil. Li Ka̱cuaꞌ naxba̱nu li cꞌaꞌru naraj joꞌ saꞌ choxa, joꞌ saꞌ ruchichꞌochꞌ, joꞌ saꞌ li palau, joꞌ ajcuiꞌ saꞌ lix chamal.

Salmos 50:12

Cui ta tintzꞌoca̱k incꞌaꞌ raj tinye a̱cue xban nak cue ajcuiꞌ li ruchichꞌochꞌ ut chixjunil li cuan chi saꞌ.

Li xHu LAJ JOB 11:13

Qꞌue a̱chꞌo̱l chixba̱nunquil li ti̱quilal ut tzꞌa̱ma chiru li Dios nak tatxtenkꞌa.

Esdras 9:5

Saꞌ x-o̱ril li mayejac re li ecuu, quincuacli saꞌ li naꞌajej bar quincꞌojla cuiꞌ chi ra saꞌ inchꞌo̱l. Ac xinpej li cuakꞌ nak quincuikꞌib cuib. Quintaksi li cuukꞌ ut quin-oc chi tijoc chiru li Ka̱cuaꞌ lin Dios.

Éxodo 19:5

Cui la̱ex te̱rabi li cua̱tin ut te̱ba̱nu li contrato li xkacꞌu̱b chi kibil kib, la̱exak lin tenamit raro̱quex inban. Chixjunil li ruchichꞌochꞌ cue la̱in. Abanan la̱ex li tenamit li sicꞌbil ru inban.

Éxodo 9:33

Tojoꞌnak laj Moisés qui-el riqꞌuin laj faraón. Nak cuan chire li tenamit, quixtaksi li rukꞌ ut quitijoc chiru li Ka̱cuaꞌ Dios. Ut li Dios quixchꞌanab li sakbach joꞌ ajcuiꞌ li ca̱k. Incꞌaꞌ chic xqꞌue li hab.

Éxodo 8:22

Aban incꞌaꞌ tintakla li raxya̱t saꞌ li naꞌajej Gosén bar cuanqueb cuiꞌ lin tenamit. Aran incꞌaꞌ teꞌchꞌiꞌchꞌiꞌi̱nk li raxya̱t. Riqꞌuin aꞌan te̱nau nak la̱in li Ka̱cuaꞌ Dios ut cuan incuanquil saꞌ xbe̱n li ruchichꞌochꞌ.

Éxodo 20:11

Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Éxodo 8:6

Tojoꞌnak laj Aarón quixyeꞌ lix xukꞌ saꞌ xbe̱neb chixjunileb li haꞌ. Ut queꞌel chak li amoch ut quilajeꞌtam saꞌ li tenamit Egipto.